མཚོ་སྔོན་རྒྱང་སྒྲོག་བརྙན་འཕྲིན་ཁང་གིས་མ་རྩ་བཏང་བའི་གློག་བརྙན་སངས་རྒྱས་སྒྲོལ་མ་ལོ་ངོ་གཅིག་ལྷག་གི་རིང་བྲེལ་འཚུབ་ཀྱིས་ཕབ་བསྐྲུན་དང་སྒྲིག་སྦྱོར་བྱས་པ་བརྒྱུད། ཟླ3པའི་ཚེས་27ཉིན་མཚོ་སྔོན་གློག་བརྙན་ཟློས་གར་ཁང་ནས་ཐོག་མར་གཏོང་རྒྱུ་རེད། གློག་བརྙན༼སངས་རྒྱས་སྒྲོལ་མའི༽རིང་ཐུང་ལ་སྐར་མ90ཡོད་པ་དང་། མཚོ་སྔོན་རྒྱང་སྒྲོག་བརྙན་འཕྲིན་ཁང་བཙུགས་པ་ནས་བཟུང་། རང་ཉིད་ཀྱིས་འཁྲབ་གཞུང་བརྩམས་ཤིང་། རང་ཉིད་ཀྱིས་མ་རྩ་བཏང་སྟེ། ཆེད་ལས་ཕབ་བསྐྲུན་ཚན་ཆུང་གིས་ཕབ་བསྐྲུན་བྱས་པའི་ནང་དོན་ཕུན་སུམ་ཚོགས་ལ། མི་སེམས་སྒུལ་བར་བྱེད་ཅིང་རེ་སྒུག་བྱེད་རན་ཡོད་པའི་གློག་བརྙན་ཞིག་ཡིན།

གློག་བརྙན་འདི་ནི་བརྩེ་བ་ལྷད་མེད་ཀྱི་བོད་རིགས་ན་གཞོན་དགྲ་ལྷ་དང་གཤིས་རྒྱུད་འཇམ་པའི་བོད་རིགས་བུ་མོ་སངས་རྒྱས་སྒྲོལ་མ་གཉིས་ཀྱི་ལྷད་མེད་པའི་བརྩེ་དུངས་བརྗོད་གཞི་གཙོ་བོར་བཟུང་ཞིང་། ངོ་མཚར་བའི་བོད་ཀྱི་ཡུལ་སྲོལ་དང་གླུ་གར་རིག་གནས་བརྗོད་གཞི་ཕལ་བར་བཟུང་ནས། བོད་ཁམས་ཀྱི་མཛེས་སྡུག་བརྙན་རིས་མངོན་པར་བྱས་ཏེ། འཆམ་མཐུན་དང་བདེ་སྐྱིད་བརྒྱུད་བསྒྲགས་བྱས་ཡོད་པ་མ་ཟད། རེ་སྒུག་དང་སྟོབས་ཤུགས་ཀྱིས་ཁེངས་འདུག་པའི་གློག་བརྙན་ཞིག་ཡིན། གློག་བརྙན་ཧྲིལ་བོ་ཡུས་ཧྲུའུ་ཁུལ་ཁྲི་འདུ་རྫོང་ནས་ཕབ་བསྐ