གསར་འགོད་པ། བཀྲ་ཤིས་རྒྱ་མཚོ།

ཉེ་ཆར། སྐབས་དོན་གཉིས་པའི་ཝེ་ནཱ་སིའི་རྒྱལ་སྤྱིའི་གློག་བརྙན་དུས་སྟོན་གྱིས་གདན་ཞུ་བྱས་པ་ལྟར་བོད་ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན་འཁོར་དང་བཅས་པ་ཟླ་དགུ་པའི་ཚེས་གཉིས་ཉིན་གྱི་སྔ་དྲོར་པེ་ཅིན་ནས་ལམ་ལ་ཆས་ཤིང་། ཉིན་དེའི་དགོང་མོའི་དུས་ཚོད་བཅུ་ཡས་མས་སྟེང་བདེ་བླག་ངང་དབྱི་ཐ་ལིའི་ཝེ་ནཱ་སིར་འབྱོར་ཡོད་པ་རེད།

གསར་འགོད་པའི་དྲི་བར་ལན་འདེབས་བཞིན་པ།

ཟླ་དགུ་པའི་ཚེས་བཞི་ཉིན་གྱི་ས་དེའི་སྔ་དྲོའི་དུས་ཚོད་བཅུ་གཉིས་སྟེང་། ཝེ་ནཱ་སིའི་རྒྱལ་སྤྱིའི་གློག་བརྙན་དུས་སྟོན་གྱི་གཞུང་ཕྱོགས་ཀྱིས་གཙོ་སྒྲུབ་གནང་བའི་གློག་བརྙན«ཐར་ལོ»ཡི་གསར་འགྱུར་སྒྲོག་སྤེལ་ཚོགས་འདུ་གཟབ་རྒྱས་ངང་བསྡུས་ཤིང་། ཕྱོགས་སོ་སོ་ནས་ཡོང་བའ