ཟླ་མཚན་སྙོམས་སྦྱོར་བྱེད་པར་ཟས་རིགས་གང་ཞིག་ཕན་པ་ཆེ་ཤོས་ཡིན་མིན་ནི་ལུས་ཟུངས་གསོ་བ་དང་སྐུལ་རྩིར་མཉམ་འབྲེལ་བྱེད་རྒྱུར་དམིགས་པའི་གནད་དོན་ཞིག་ཡིན། འོན་ཀྱང་ཟས་རིགས་ཁོ་ན་ཡིས་ནད་གཞི་རྩ་བ་བཅོས་པ་དཀའ་བས་སྨན་པའི་མཛུབ་སྟོན་དང་ཟུང་འབྲེལ་བྱེད་དགོས། དེ་ན་ཞོལ་ནས་ཚན་རིག་དང་མཐུན་པའི་ཟས་རིགས་གཙོ་བོ་ཁག་ངོ་སྤྲོད་ཅིག་བྱེད།
དང་པོ། སྐུལ་རྩི་མཉམ་འདྲེས་ལ་ཕན་པའི་ཟས་རིགས།
1.ཉ་ཤ་དང་ཞོག་ཁོག སྲན་སེར། གྲོ་ཕྱེ་ཧྲིལ་པོ་བཅས་ཀྱིས་ཀླད་རྩ་མ་ལག་དང་སྐུལ་རྩི་འཕེལ་བར་རྒྱབ་སྐྱོར་བྱེད་ཐུབ།
2.སྟར་ཁ་དང་ཀུ་ཤུ། འབྲས་སིལ་ནག་པོ་བཅས་ཀྱིས་མཁལ་རྐེད་ན་བ་དང་སེམས་ཁམས་བརྟན་ལྷིང་ལ་ཕན།
3.ཟར་མ་དང་ཉའི་སྣུམ་བཅས་ཀྱིས་གཉན་ཚད་ཉུང་དུ་བཏང་ནས་ཟླ་མཚན་འཁོར་སྐྱོད་སྙོམས་པ་ལ་རམ་འདེགས་བྱེད།
གཉིས་པ། ཁྲག་ཤོར་བ་འགོག་སྲུང་དང་ལུས་ཟུངས་གསོ་ཐབས།
1.ལྕགས་རྫས། སྔོ་ཚལ་ལྗང་ཁུ་དང་ལུག་ཤ། སྒོ་ང་། སྦྲང་རྩི་དམར་པོ་བཅས་ཀྱིས་ཟླ་མཚན་བབས་རྗེས་ཁྲག་ཤོར་བའི་རྐྱེན་གྱིས་བྱུང་བའི་ཁྲག་ཟད་ནད་འགོག་པ་དང་སྟོབས་ཤུགས་སླར་གསོ་བྱེད་ཐུབ།
2.སྤྲི་དཀར་སྤུས་ལེགས། ཉ་ཤ་དང་བྱ་ཤ། ཞོ། སྲན་མ་དཀར་པོ་བཅས་ཀྱིས་ལུས་ཕུང་ཉམས་གསོ་དང་སྐུལ་རྩི་སྐྱེད་བསྲིང་ལ་མཐུན་རྐྱེན་སྦྱོར།
གསུམ་པ། སྤང་བླང་དགོས་པའི་ཟས་རིགས།
1.ཇ་དང་མངར་ཆ་བཟོས་མ། ཚྭ་མང་པོ་བཅས་ཀྱིས་ཕོ་བ་སྦོས་པ་དང་མཁལ་རྐེད་ན་བ་ཇེ་སྡུག་ཏུ་གཏོང་སྲིད།
2.འཁྱགས་ཟས་དང་སྐྱུར་མོ་ཚད་ལས་བརྒལ་བ་སྤངས་ན་ཕོ་བའི་འཇུ་བྱེད་ནུས་པ་ཇེ་བཟང་དུ་འགྲོ་བ་དང་སྐུལ་རྩིའི་འགུལ་སྐྱོད་བརྟན་པར་ཕན།
དོ་སྣང་བྱེད་དགོས་པ་ཞིག་ནི། ཟས་རིགས་འདི་དག་ནི་ཟུར་སྐྱོར་རང་བཞིན་ཅན་ཙམ་ཡིན་པས། ཟླ་མཚན་རྒྱུན་ཆད་པ་དང་གཟེར་ནད་དྲག་པ། ཡང་ན་མངལ་ལམ་གྱི་ནད་གཞི་གཞན་དག་ཡོད་ཚེ་ངེས་པར་དུ་སྨན་ཁང་དུ་བརྟག་དཔྱད་ཞིབ་མོ་བྱས་ཏེ། སྨན་པའི་ངག་བཀོད་བཞིན་སྨན་ལ་བསྟེན་པ་ལས་གང་འདོད་དུ་བསྟེན་མི་རུང་ཞིང་། དེ་ལས་གཞན་གཉིད་ལེགས་པར་ལོག་པ་དང་སེམས་ཁམས་སྐྱིད་པོ་འཛིན་པ་བཅས་ནི་ཟླ་མཚན་སྙོམས་སྦྱོར་གྱི་རྨང་གཞི་གལ་ཆེན་ཞིག་ཡིན་པས་བུད་མེད་རྣམ་གྱིས་རྒྱུན་ལྡན་གྱི་འཚོ་བའི་ཁྲོད་དེ་དག་ལ་དོ་སྣང་བྱེད་རྒྱུ་ཧ་ཅང་གལ་ཆེའོ།།
རྩོམ་སྒྲིག་པ། གཡང་མོ་སྒྲོལ་མ།
