ཟས་རིགས་ཀྱི་ངོ་བོ་འགྱུར་བའི་རྒྱུ་རྐྱེན་ལ་གཙོ་བོ་རིགས་གཉིས་ཡོད་དེ། ཐོག་མར་ཕྱི་ནས་ཐོན་པའི་སྐྱེ་དངོས་ཕྲ་རབ་ཡིན་པ་དང་། དེ་ནས་ཟས་རིགས་རང་སྟེང་གི་འགྱུར་ལྡོག་ཡིན།
ཆུ་ལ་མངར་ཆ་དང་སྤྲི་དཀར་རྫས། ཚིལ་ཞག་བཅས་མི་འདུས་པས། ཕྲ་སྲིན་དང་སྨར་སྲིན་ལ་སྐྱེ་འཕེལ་མགྱོགས་པོར་བྱེད་པའི་འཚོ་བཅུད་འདོན་སྤྲོད་བྱེད་མི་ཐུབ་པ་དང་། ཆུའི་ཆ་རྡུལ་གྱི་གྲུབ་ཚུལ་ཧ་ཅང་གཏན་འཇགས་ཡིན་པས། རྒྱུན་ལྡན་གྱི་ཁོར་ཡུག་ཁྲོད་རང་སྟེང་ནས་ཕལ་ཆེར་དབྱེ་འབྱེད་བྱེད་མི་སྲིད། དེ་བས་རྒྱུན་ལྡན་གྱི་ཆ་རྐྱེན་འོག་ཆུའི་ངོ་བོ་ནམ་ཡང་འགྱུར་མི་སྲིད།
དམ་བེའི་ནང་དུ་བླུགས་པའི་ཆུའི་སྤུས་སྲུང་དུས་ཡུན་ནི་དམ་བེའི་དུས་ཡུན་ཡིན་པ་ལས་ཆུའི་དུས་ཡུན་མིན།
PETསྐོམ་ཆུའི་དམ་བེ་དཀྱུས་མ། ཐོན་སྐྱེད་བྱེད་པའི་བརྒྱུད་རིམ་ཁྲོད་ཐེ་འདྲེས་སྦྱོར་དངོས་རྫས་ཉུང་ངུ་ལྷག་ལུས་ཤོར་ཡོད་པས། ཡུན་རིང་ལ་ཉར་ཚགས་བྱས་ཚེ་ཆུའི་ནང་དུ་དལ་མོར་འདྲེས་ནས་ཕྲན་ཚད་དངོས་རྫས་དགར་ཐོན་བྱེད་པའི་ཉེན་ཁ་ཡོད།
ཆུ་འཐུང་འཕྲུལ་ཆས་ཀྱིPCབླུགས་སྣོད་ཆུ་ཟོ། རྒྱུ་ཆ་སྤྱོད་ཡུན་རིང་ཞིང་དྭངས་ཚད་མཐོ་མོད། འོན་ཀྱང་དུས་ཡུན་རིང་བོར་སྨུག་ཕྱིའི་འོད་དང་མཐོ་དྲོད། ཡང་དང་བསྐྱར་དུ་གཙང་འཁྲུད་བྱེད་པ་བཅས་བྱས་ན་རིམ་བཞིན་རྙིང་ནས། ཧྥུན་ཟུངAསོགས་རོགས་བྱེད་དངོས་རྫས་ཆུའི་ནང་དུ་སིམ་སྲིད།
འགྱིག་སྣོད་ལ་དབུགས་རྒྱུ་རང་བཞིན་ཅུང་ཟད་ཡོད་པས། ཡུན་རིང་ལ་ཉར་འཇོག་བྱེད་སའི་ཁོར་ཡུག་ཁྲོད་འདག་བྱེད་རྫས་དང་བཀྲག་རྩི་བཅས་ཡལ་སླ་བའི་རང་བཞིན་གྱི་དངོས་པོ་ཆུའི་ནང་དུ་སིམ་ནས་ཆུའི་སྤུས་ཚད་དང་བྲོ་བར་འགྱུར་བ་གཏོང་སྲིད།
ཆུ་ཁོལ་གྱི་སྤུས་སྲུང་དུས་ཡུན་སྔར་བས་ཐུང་བའི་རྒྱུ་རྐྱེན་ནི། དམ་སྦྱར་ཐུམ་སྒྲིལ་མེད་པ་དང་། འཐུང་སྐབས་སླར་ཡང་སྦགས་བཙོག་ཐེངས་གཉིས་པ་ཐེབས་པ། མཁའ་རླུང་ཁྲོད་ཀྱི་དབྱང་གཉིས་ཐཱན་རྫས་ཆུ་རུ་སིམ་ནས་ཆུའི་སྤུས་ཚད་དང་བྲོ་བར་འགྱུར་བ་གཏོང་སྲིད་པས་ཡིན།
ཁ་ཕྱེ་མེད་པའི་དམ་བེ་དང་ཟོ་བའི་ནང་གི་ཆུ་ལ་མཚོན་ན། གྲང་ཉར་ཁོར་ཡུག་ཏུ་ཉར་ཚགས་བྱེད་པ་དང་། རྫས་འགྱུར་གྱི་སྨན་རྫས་དང་ཉི་འོད་ཐད་ཀར་འཕྲོ་བར་གཡོལ་དགོས། སྣོད་ཁ་ཕྱེ་རྗེས་ཀྱི་ཆུ་དེ་གང་མགྱོགས་ཀྱིས་འཐུངས་ཚར་དུ་འཇུག་པ་དང་། ཆུ་ལྷག་མ་རྣམས་ཁ་དམ་པོར་བརྒྱབ་ནས་ཉར་འཇོག་བྱས་ཏེ་སྐྱེ་དངོས་ཕྲ་རབ་འཕེལ་བར་གཡོལ་དགོས།
རྩོམ་སྒྲིག་པ། གཡང་མོ་སྒྲོལ་མ།
