ཚེས་ལྔ་ཉིན་གྱི་ཕྱི་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཁོང་བཞུགས་པའི་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཅང་སུའུ་འཐུས་ཚབ་ཚོགས་པའི་གྲོས་ཞིབ་ལ་ཞུགས་སྐབས་ནན་གྱིས་བསྟན་དོན། “ལོ་ལྔའི་འཆར་འགོད་བཅོ་ལྔ་པའི”དཔལ་འབྱོར་སྤྱི་ཚོགས་འཕེལ་རྒྱས་ཀྱི་དམིགས་འབེན་ལས་འགན་ལེགས་འགྲུབ་བྱེད་ན། སྔར་ལས་རྙོག་འཛིང་ལྡན་པའི་ཁོར་ཡུག་ལ་ཁ་གཏད་དེ། གཏིང་ཟབ་པའི་འགལ་བ་སྔར་ལས་མང་པོ་ཐག་གཅོད་དགོས། དཔལ་འབྱོར་གྱི་ཞིང་ཆེན་ཆེན་མོས་གནས་ཚུལ་གསར་པར་ཞིབ་འཇུག་དང་། གནད་དོན་གསར་པ་ཐག་གཅོད་བྱེད་པའི་ཐད་ཤུགས་འདོན་པ་དང་ཉམས་མྱོང་འདོན་དགོས་པའི་བླང་བྱ་བཏོན། སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་ལ་ཚོགས་རའི་ཕྱི་ནང་གིས་དོ་སྣང་ཆེན་པོ་བྱས་ཤིང་། ཚང་མས་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། ཡིད་ཆེས་བརྟན་པོ་དང་འགན་གཙོ་བོ་འཁུར་ཕོད་པ་བྱས་ནས། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཏན་ཏིག་གཏོང་བ་དང་།“ལོ་ལྔའི་འཆར་འགོད་བཅོ་ལྔ་པའི”སྐབས་སུ་འགོ་ལེགས་པོ་རྩོམ་པར་འགན་ལེན་བྱས་ནས། ཀྲུང་གོའི་ལུགས་ཀྱི་དེང་རབས་ཅན་སྐུལ་འདེད་གཏོང་ཆེད་མུ་མཐུད་དུ་སྒུལ་ཤུགས་ཆེན་པོ་བསྣོན་རྒྱུའི་བསམ་པ་བསྟན།
ཅང་སུའུ་འཐུས་ཚབ་ཚོགས་པས་སྤྲོ་སེམས་འཁོལ་བའི་ཐལ་མོའི་རྡེབ་སྒྲས་ཁྲོད་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཕེབས་པར་དགའ་བསུ་ཞུས།
རྒྱལ་ཡོངས་དམངས་ཆེན་གྱི་འཐུས་མི། ཧོའེ་ཨན་གྲོང་ཁྱེར་ཏང་ཨུའི་ཧྲུའུ་ཅི་ཧྲི་ཀྲི་ཅུན་གྱིས་བཟོ་ལས་ཅན་གསར་པར་སྐུལ་འདེད་གཏོང་བར་དམིགས་ནས་སྤྱི་ཁྱབ་ཧྲུའུ་ཅིར་སྙན་ཞུ་ཕུལ།
རྒྱལ་ཡོངས་དམངས་ཆེན་གྱི་འཐུས་མི། ཧྲི་ཀྲི་ཅུན་གྱིས་བཤད་རྒྱུར།
སྤྱི་ཁྱབ་ཧྲུའུ་ཅིས་ང་ཚོར་ཡུལ་བབ་དང་བསྟུན་པ་དང་། དངོས་སྒྲུབ་དམ་འཛིན་བྱེད་དགོས་པའི་སྐུལ་ལྕག་གནང་། སྤྱི་ཁྱབ་ཧྲུའུ་ཅིས་གནས་ཚུལ་གསར་པར་ཞིབ་འཇུག་དང་། གནད་དོན་གསར་པ་ཐག་གཅོད་པའི་ཐད་ཤུགས་འདོན་པ་དང་ཉམས་མྱོང་འདོན་དགོས་པ་ནན་གྱིས་བསྟན། ང་ཚོས་སྤྱི་ཁྱབ་ཧྲུའུ་ཅིའི་མངགས་བཅོལ་ཡིད་ལ་བརྟན་པོར་བཅངས་ནས། མུ་མཐུད་དུ་ནང་རྩལ་སྦྱོང་བརྡར་ལེགས་པོ་དང་། རང་ངོས་སྟོབས་ཆེར་བཏང་སྟེ། སྲོལ་རྒྱུན་གྱི་ཐོན་ལས་ལེགས་སྒྱུར་རིམ་སྤོར་དང་། གསར་དར་ཐོན་ལས་གསོ་སྐྱོང་སྟོབས་ཆེར་གཏོང་བའི་ཐད་རྣམ་པ་གསར་པ་ཧུར་ཐག་གིས་གཏོད་རྒྱུ་ཡིན།
སྤུས་ཚད་མཐོ་བའི་འཕེལ་རྒྱས་ཀྱི་ཞིབ་འཇུག་བྱ་གཞི་གསར་པ་ཇི་ལྟར་སེལ་བར་མིས་བཟོས་གཙང་པོ་ཆེན་པོའི་འགྲམ་གྱི淮安ཧོའེ་ཨན་གྱིས་འཚོལ་ཞིབ་ཧུར་ཐག་བྱེད་བཞིན་ཡོད། ཐོན་ལས་ཀྱི་སྤྱི་འབོར་མི་འདང་བར་དམིགས་ཏེ། ས་གནས་ཀྱིས་ཐོན་ལས་མུ་ཕྲེང་གཙོ་བོ་གསོ་སྐྱོང་དང་། ཆེད་མཁས་དང་དམིགས་བསལ་གྱི་རོགས་སྐྱོར་གསར་པ། ཁེ་ལས་ཀྱི་མ་རྩ་ཇེ་མང་དུ་གཏོང་བ་དང་ཐོན་ལས་རྒྱ་སྐྱེད་ལ་རྒྱབ་སྐྱོར་བྱེད་པ་སོགས་ཀྱི་སྲིད་ཇུས་ལག་ཏུ་བསྟར་ནས་ཐོན་ལས་ཀྱི་གཞི་ཁྱོན་ཇེ་ཆེ་རུ་གཏོང་དགོས། ཐོན་ལས་གྲུབ་ཆ་ཇེ་ལེགས་སུ་དེ་འདྲ་སོང་མེད་པས། ས་གནས་ཀྱི་སྲོལ་རྒྱུན་ཐོན་ལས་རིམ་སྤོར་ལ་སྐུལ་འདེད་བཏང་ནས། ཞིང་ཆེན་རིམ་པ་ཡན་གྱི་རིག་ནུས་བཟོ་གྲྭ་དང་། ལྗང་མདོག་བཟོ་གྲྭ་བརྒྱ་ལྷག་བསྐྲུན་དགོས། དེ་དང་ཆབས་ཅིག“མི་ཐབས་རིག་ནུས”ལག་བསྟར་བྱས་ནས། གསར་དར་ཐོན་ལས་སྟོབས་ཆེར་གཏོང་དགོས།
ཅང་སུའུ་ཞིང་ཆེན་ཧོའེ་ཨན་གྲོང་ཁྱེར་བཟོ་ལས་དང་ཆ་འཕྲིན་ཅན་ཅུས་ཀྱི་ཅུས་ཀྲང་། དབྱང་ཝུའེ་ཏུང་གིས་བཤད་རྒྱུར།
སྤྱི་ཁྱབ་ཧྲུའུ་ཅིས་ནན་གྱིས་དཔལ་འབྱོར་ཞིང་ཆེན་ཆེན་མོ་འཕེལ་རྒྱས་གཏོང་བའི་གཞི་སྒྲོམ་བརྟན་པོ་དང་། ཕྱི་ཕྱོགས་ཀྱི་གདོང་ཐུག་བཀག་འགོག་བྱེད་ནུས་ཆེ་རུ་བཏང་ཚེ། ད་གཟོད་རྒྱལ་ཡོངས་ཀྱི་དཔལ་འབྱོར་སྤྱི་ཡོངས་བརྟན་པོ་ཡོང་བར་རམ་འདེགས་བྱེད་ཐུབ་པ་ནན་གྱིས་བསྟན། རིམ་པ་རྗེས་མར། ང་ཚོས་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས། ཐོན་ལས་ཀྱི་སྒུལ་ནུས་བརྗེ་སྒྱུར་ཇེ་མགྱོགས་སུ་གཏོང་བ་དང་། དཔལ་འབྱོར་མཉེན་ཤུགས་ཇེ་ཆེར་གཏོང་བའི་ཐད་མུ་མཐུད་དུ་ཤུགས་བསྣན་ཏེ། སྤུས་ཚད་མཐོ་བའི་འཕེལ་རྒྱས་ཐད་སྟོབས་ཤུགས་འབུལ་རྒྱུ་ཡིན།
སུའུ་ཀྲོའུ་སློབ་ཆེན་ནས་ཡོང་བའི་རྒྱལ་ཡོངས་དམངས་ཆེན་གྱི་འཐུས་མི་ཀྲང་ཞའོ་ཧུང་གིས་སྤྱི་ཁྱབ་ཧྲུའུ་ཅི་ལ་ཁོ་ཚོའི་སློབ་གྲྭའི་ཚན་རྩལ་གསར་གཏོད་དང་ཐོན་ལས་གསར་གཏོད་མཉམ་འདྲེས་ཐད་ཀྱི་ཚོད་ལྟ་དང་བྱེད་ཐབས་སྙན་སེང་ཞུས། སུའུ་ཀྲོའུ་སློབ་ཆེན་གྱིས་སློབ་གྲྭ་དང་ཁེ་ལས་མཉམ་འབྲེལ་བྱས་ནས། གསར་གཏོད་མཉམ་འབྲེལ་སྒྲིག་གཞི་ཉིས་བརྒྱ་ལྷག་བཙུགས་ཡོད།
རྒྱལ་ཡོངས་དམངས་ཆེན་གྱི་འཐུས་མི། ཀྲང་ཞའོ་ཧུང་གིས་བཤད་རྒྱུར།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐོན་སྐྱེད་ནུས་ཤུགས་གསར་པ་འཕེལ་རྒྱས་གཏོང་བ་དེ་སྤུས་ཚད་མཐོ་བའི་འཕེལ་རྒྱས་སྐུལ་འདེད་གཏོང་བ་དང་། དཔལ་འབྱོར་གྱི་འགྲན་རྩོད་ནུས་པ་ཆེ་རུ་གཏོང་བར་ཤིན་ཏུ་གལ་འགངས་ཆེ་བ་བསྟན་ཡོད།“ལོ་ལྔའི་འཆར་འགོད་བཅོ་ལྔ་པར”ཁ་ཕྱོགས་ནས། ང་ཚོས་ཐོན་ལས་འཕེལ་རྒྱས་ཀྱི་འཕར་རྩར་དམ་པོར་དམིགས་ནས། ཐོག་མའི་གསར་གཏོད་དང་གནད་འགག་གི་ལྟེ་བའི་ལག་རྩལ་འགག་སྒྲོལ་ཐད་ཐོད་བརྒལ་གསར་པ་ཡོང་བར་འབད་བརྩོན་བྱས་ནས། གསར་གཏོད་མུ་ཕྲེང་དང་ཐོན་ལས་མུ་ཕྲེང་། མ་དངུལ་མུ་ཕྲེང་། འཇོན་མིའི་མུ་ཕྲེང་བཅས་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་བའི་ཐད་ཐབས་ལམ་གསར་པ་འཚོལ་ཞིབ་བྱ་རྒྱུ་ཡིན།
རྒྱལ་ཡོངས་མི་དམངས་ཆེན་གྱི་འཐུས་མི། ཅིང་ཅང་གྲོང་ཁྱེར་ཞིན་ཆའོ་གྲོང་རྡལ་ཏེ་ཧྲེང་སྡེ་བའི་ཏང་ཀྲི་པུའུ་ཧྲུའུ་ཅི། དབྱང་ཧེང་ཅུན་གྱིས་སྤྱི་ཁྱབ་ཧྲུའུ་ཅི་ལ་སྡེ་བའི་འགྱུར་ལྡོག་གསར་པ་དང་སྡེ་བས་འཆམ་མཛེས་གྲོང་གསེབ་འཛུགས་སྐྲུན་སྐུལ་འདེད་ཏན་ཏིག་བཏང་བ་བརྒྱུད། ཐུན་མོང་དཔལ་འབྱོར་རྒྱུན་ཆད་མེད་པར་སྟོབས་ཆེར་ཕྱིན། 2025ལོར་མི་རེའི་ཆ་སྙོམས་ཡོང་འབབ་སྒོར་དྲུག་ཁྲི་བརྒྱད་སྟོང་ལ་སླེབས་པ་སྙན་སེང་ཞུས།
རྒྱལ་ཡོངས་དམངས་ཆེན་གྱི་འཐུས་མི། དབྱང་ཧེང་ཅུན་གྱིས་བཤད་རྒྱུར།
སྤྱི་ཁྱབ་ཧྲུའུ་ཅིས་ང་ཚོའི་གྲོང་གསེབ་ཀྱི་ཡུལ་སྐོར་འཛུགས་སྐྲུན་བྱས་ཡོད་མེད་དང་། ཡུལ་སྲོལ་དཔལ་ཡོན་འཛུགས་སྐྱོང་། སྤྱི་ཚོགས་བཅོས་སྐྱོང་། མི་སྡོད་ཁོར་ཡུག་བཅོས་སྐྱོང་བྱས་པ་ག་འདྲ་ཡིན་པ་ཞིབ་འདྲི་གནང་། སྤྱི་ཁྱབ་ཧྲུའུ་ཅིས་ང་ཚོར་ཐུགས་ཁུར་གནང་པ་དེས་ངའི་སེམས་ལ་དྲོད་ཀྱིས་ཁེངས་ཤིང་སེམས་འགུལ་ཆེན་པོ་ཐེབས་བྱུང་། རིམ་པ་རྗེས་མར། ང་ཚོས་སྤྱི་ཁྱབ་ཧྲུའུ་ཅིའི་མཛུབ་སྟོན་དོན་འཁྱོལ་བྱས་ཏེ། སྡེ་མིའི་འཚོ་བ་སྔར་ལས་ཇེ་བཟང་ཇེ་སྐྱིད་དུ་གཏོང་རྒྱུ་ཡིན།
ཏང་གི་ཚོགས་ཆེན་བཅོ་བརྒྱད་པའི་ཚུན་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་སྔ་རྗེས་སུ་ཅང་སུའུ་འཐུས་ཚབ་ཚོགས་པའི་གྲོས་ཞིབ་ལ་ཐེངས་ལྔར་ཞུགས་ཏེ། “ལོ་ལྔའི་འཆར་འགོད་བཅུ་བཞི་པའི”འཕེལ་རྒྱས་ཀྱི་དམིགས་འབེན་བདེ་བླག་ངང་མངོན་འགྱུར་བྱས་པ་ནས། དཔལ་འབྱོར་ཞིང་ཆེན་ཆེན་པོས་འགན་གཙོ་བོ་འཁུར་ཏེ། ལོ་ལྔའི་འཆར་འགོད་བཅོ་ལྔ་པའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་འབེན་ལས་འགན་ལེགས་འགྲུབ་བྱས་ཤིང་། དཔལ་འབྱོར་ཞིང་ཆེན་ཆེན་པོས་གནས་ཚུལ་གསར་པར་ཞིབ་འཇུག་དང་གནད་དོན་གསར་པ་ཐག་གཅོད་པའི་ཐད་འབད་བརྩོན་དང་ཉམས་མྱོང་བཏོན་པའི་བར། སྤྱི་ཁྱབ་ཧྲུའུ་ཅིའི་མངགས་བཅོལ་གལ་ཆེན་གྱིས་མི་སེམས་ལ་སྐུལ་མ་ཐེབས།
རྒྱལ་ཡོངས་དམངས་ཆེན་གྱི་འཐུས་མི། སུན་ཁྲུན་མའེ་ཡིས་བཤད་རྒྱུར། སྤྱི་ཁྱབ་ཧྲུའུ་ཅིས་ང་ཚོར་ཁ་ཕྱོགས་གསལ་སྟོན་གནང་སྟེ། ང་ཚོར“ལོ་ལྔའི་འཆར་འགོད་བཅོ་ལྔ་བའི”འཕེལ་རྒྱས་ཧྲིལ་པོ་ལའང་ཡིད་ཆེས་ཀྱིས་ཁེངས་སུ་བཅུག ང་ཕྱིར་ལོག་རྗེས། རྒྱ་ཆེའི་ཞིང་པ་གྲོགས་པོ་རྣམས་ལ་སྤྱི་ཁྱབ་ཧྲུའུ་ཅིའི་དགོངས་དོན་ཕུ་ཐུང་བརྫེས་ནས་ཤུགས་རྒྱག་དགོས་ཞེས་པ་བརྒྱུད་བསྒྲགས་བྱེད་རྒྱུ་ཡིན།
རྒྱལ་ཡོངས་དམངས་ཆེན་གྱི་འཐུས་མི། ལི་ཁྲིན་ཞ་ཡིས་བཤད་རྒྱུར།
སྤྱི་ཁྱབ་ཧྲུའུ་ཅིས་ང་ཚོ་དང་མཉམ་དུ་སྲིད་གཞུང་གི་བྱ་བའི་སྙན་ཞུར་གྲོས་ཞིབ་གནང་བའི་དུས་མཚུངས་སུ་བླང་བྱ་འགའ་བཏོན་ནས། ང་ཚོར་སེམས་འགུལ་ཆེན་པོ་ཐེབས་སུ་བཅུག ང་ཚོས་རྗེས་ཕྱོགས་སྤྱི་ཁྱབ་ཧྲུའུ་ཅིའི་ཐུགས་ཁུར་དང་བླང་བྱ་དེ་དངོས་ཡོད་ཀྱི་བྱ་བའི་ལས་གནས་སུ་དོན་འཁྱོལ་བྱས་ཏེ། སྲོལ་རྒྱུན་ལས་རིགས་ཀྱི་ཚུལ་སྒྱུར་རིམ་སྤོར་ལ་ང་ཚོའི་ཐོན་ལས་བཟོ་པའི་སྟོབས་ཤུགས་སྐྱེས་སུ་འབུལ་རྒྱུ་ཡིན།
ཚང་མས་ལོ་ལྔའི་འཆར་འགོད་བཅོ་ལྔ་པ་འགོ་རྩོམ་པའི་འགག་རྩའི་མཚམས་སུ། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ། སྲིད་འབྲས་ལྟ་བ་སྔར་བས་ཡང་དག་པ་འཛུགས་པ་དང་ལག་ཏུ་བསྟར་དགོས་ལ། དུས་རབས་ལ་ངོ་གནོང་མི་དགོས་པའི་བྱས་རྗེས་གསར་པ་འཇོག་གང་ཐུབ་བྱས་ནས། ཀྲུང་གོའི་ལུགས་ཀྱི་དེང་རབས་ཅན་གྱི་རྣམ་པ་གསར་པ་ཟམ་མི་ཆད་པར་གཏོད་རྒྱུ་ཡིན་པ་བསྟན།
རྒྱལ་ཡོངས་དམངས་ཆེན་གྱི་འཐུས་མི། ཧྲིན་ཧའེ་པིན་གྱིས་བཤད་རྒྱུར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་ལ་དོ་དམ་དང་ཏང་བཅོས་སྐྱོང་ཇི་ཙམ་ནུས་ལྡན་བྱས་ན། དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འགན་སྲུང་དེ་ལྟར་ནུས་ལྡན་ཡིན་པ་ནན་གྱིས་བསྟན། ང་ཚོས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་ཟབ་མོ་ལེན་པ་དང་“སྲུང་སྐྱོང་གཉིས”མཐའ་གཅིག་ཏུ་ལེགས་པར་སྒྲུབ་དགོས་ལ།“སྤྱི་དོན་དུ་ཏང་འཛུགས་པ་དང་། དམངས་ལ་བདེ་སྐྱིད་བསྐྲུན་པ། ཚན་རིག་དང་མཐུན་པར་ཇུས་ཐག་གཅོད་པ། དམ་པ་དོན་གཉེར”བཅས་ཀྱི་སྤྱིའི་བླང་བྱ་དམ་འཛིན་བྱས་ཏེ། སྲིད་འབྲས་ལྟ་བ་ཡང་དག་དེ་ལས་སྒྲུབ་ལས་གཏོད་ཀྱི་བརྒྱུད་རིམ་ཧྲིལ་པོའི་ཕྱོགས་སོ་སོར་ཁྱབ་པར་རྒྱུན་འཁྱོངས་བྱས་ནས། “ལོ་ལྔའི་འཆར་འགོད་བཅོ་ལྔ་པའི”འགོ་རྩོམ་པའི་ལོའི་སྤུས་ཚད་མཐོ་བའི་འཕེལ་རྒྱས་ཀྱི་ལེའུ་གསར་པ་ནུས་ཤུགས་ཡོད་རྒུས་བརྩམ་དགོས།
ཅང་སུའུ་ཞིང་ཆེན་ཏང་ཨུའི་རྩ་འཛུགས་པུའུ་ཡི་པུའུ་ཀྲང་གཞོན་པ། ཅི་ཀྲེན་ཧྭ་ཡིས་བཤད་རྒྱུར། སྤྱི་ཁྱབ་ཧྲུའུ་ཅིས་སྲིད་འབྲས་ལྟ་བ་ཡང་དག་འཛུགས་པ་དང་ལག་ཏུ་བསྟར་བའི་སློབ་སྦྱོང་སློབ་གསོར་བླང་བྱ་གལ་ཆེན་བཏོན་ལ། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཅང་སུའུ་ཡི་ལས་དོན་ལ་གནང་བའི་སྐུལ་ལྕག་ལ་གོ་བ་གཏིང་ཟབ་ལེན་རྒྱུ་དང་། ནུས་ཤུགས་ཡོད་རྒུས་སློབ་སྦྱོང་སློབ་གསོ་རྩ་འཛུགས་དང་ལག་བསྟར་དམ་འཛིན་ལེགས་པོ་བྱེད་པ། སློབ་བཤེར་བསྒྱུར་གསུམ་ལ་གཅིག་གྱུར་གྱིས་སྐུལ་འདེད་བཏང་ནས། ཞིང་ཆེན་ཡོངས་ཀྱི་ཏང་ཡོན་ལས་བྱེད་པས་གནས་ཚུལ་གསར་པར་ཞིབ་འཇུག་དང་གནད་དོན་གསར་པ་ཐག་གཅོད་པའི་ཐད་འབད་བརྩོན་དང་ཉམས་མྱོང་འདོན་པར་ཁྲིད་སྟོན་བྱས་ཏེ། ལག་ལེན་དང་མི་དམངས། ལོ་རྒྱུས་བཅས་ཀྱི་ཞིབ་བཤེར་ཐེག་ཐུབ་པའི་གྲུབ་འབྲས་དངོས་ཧུར་ཐག་གིས་གསར་བསྐྲུན་བྱ་རྒྱུ་ཡིན།
