ཀྲུང་གོ་གསར་པ་དབུ་བརྙེས་ནས་ལོ་ངོ75འཁོར་བར་རྟེན་འབྲེལ་ཞུ་བ་དང་། ཀྲུང་ཧྭ་མི་རིགས་ཀྱི་སྲོལ་རྒྱུན་རིག་གནས་དར་སྤེལ་གཏོང་བ། བོད་མི་རིགས་ཀྱི་ཕུལ་དུ་བྱུང་བའི་རིག་གནས་ཁྱད་ཆོས་མངོན་པར་མཚོན་ཆེད། མཚོ་སྔོན་ཞིང་ཆེན་ཏང་ཨུའི་དྲིལ་སྒྲོག་པུའུ་དང་མཚོ་སྔོན་རྒྱང་སྒྲོག་བརྙན་འཕྲིན་ཁང་གཉིས་ཀྱིས་གཙོ་སྒྲུབ་དང་། ཨ་མདོ་བརྙན་འཕྲིན་གྱིས་འགན་སྒྲུབ་གནང་བའི“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དང་མི་རིགས་ཀྱི་ཕུལ་བྱུང་རིག་གནས་རྒྱུད་འཛིན་དར་སྤེལ་གཏོང་བ”བརྗོད་གཞི་ཡིན་པའི་རྒྱལ་ཡོངས་བོད་ཀྱི་རིག་གནས་བརྙན་ཐུང་འགྲན་སྡུར་སྐབས་དང་པོ་སྤེལ་རྒྱུ་ཡིན།
དང་པོ། ནང་དོན་གཙོ་བོ།
ཡང་དག་པའི་ཆབ་སྲིད་ཀྱི་ཁ་ཕྱོགས་རྒྱུན་འཁྱོངས་བྱས་ཏེ། བོད་མི་རིགས་ཀྱི་ཕུལ་དུ་བྱུང་བའི་སྲོལ་རྒྱུན་རིག་གནས་སྔོག་འདོན་དང་རྒྱུད་འཛིན། དར་སྤེལ་གང་ལེགས་བྱེད་པ་དང་། དུས་རབས་གསར་པའི་བོད་འབྲེལ་ས་ཁུལ་གྱི་འཆམ་མཐུན་སྤྱི་ཚོགས་དང་སྐྱེ་ཁམས་ཁོར་ཡུག རིག་གནས་འཚོ་བ། ཞུམ་མེད་ཡར་བརྩོན་བཅས་ཀྱི་རྣམ་པ་གསར་བ་གསོན་ཉམས་ལྡན་པའི་ངང་མཚོན་དགོས།
གཉིས་པ། བརྙན་ཐུང་གི་ཚད་གཞི།
གཅིག འགྲན་ཞུགས་བརྙན་ཐུང་བོད་སྐད་ཡིན་དགོས་ཤིང་། རིང་ཐུང་སྐར་མ3གྱི་མན་དང་། ཆེས་རིང་ནའང་སྐར་མ5ལས་བརྒལ་མི་རུང་།
གཉིས། བརྙན་ཐུང་གི་རྣམ་པ MOV དང་། འཕྲེད་ངོས་གཞུང་ངོས་གང་མོས་ལྟར་བསྐུར་ཆོག འཕྲེད་ངོས་གསལ་ཚད1920×1080དང་གཞུང་ངོས་གསལ་ཚད1080×1920ཡན་དང་། བརྙན་རིས་བསྡུར་ཚད16:9/9:16ཡིན་དགོས།
གསུམ། བརྙན་རིས་སྟེང་འདྲ་མིན་མཚོན་རྟགས་སོགས་འགོད་མི་རུང་།
གསུམ་པ། དུས་ཚོད་བཀོད་སྒྲིག
གཅིག བརྡ་སྦྱོར་སྤེལ་བའི་ཉིན་ནས2024ལོའི་ཟླ9བའི་ཚེས30ཉིན་བར་བརྙན་ཐུང་བརྩམས་ཆོས་བསྡུ་རྒྱུ་ཡིན།
གཉིས། 2024ལོའི་ཟླ10པར་བརྙན་ཐུང་བརྩམས་ཆོས་དཔྱད་འདེམ་བྱ་རྒྱུ་ཡིན།
གསུམ། 2024ལོའི་ཟླ11པར་མཚོ་སྔོན་རྒྱང་སྒྲོག་བརྙན་འཕྲིན་ཁང་དུ་བྱ་དགའ་སྟེར་བའི་མཛད་སྒོ་སྤེལ་རྒྱུ་ཡིན།
བཞི་པ། བྱ་དགའི་རྣམ་གྲངས།
ཨང་དང་པོ་གསུམ།
སོ་སོར་བྱ་དགའི་བུམ་པ་དང་གཟེངས་རྟགས་དཔང་ཡིག བྱ་དགའི་སྒོར་ཆིག་ཁྲི（10000）རེ་སྤྲོད་རྒྱུ།
ཨང་གཉིས་པ་དྲུག
སོ་སོར་བྱ་དགའི་བུམ་པ་དང་གཟེངས་རྟགས་དཔང་ཡིག བྱ་དགའི་སྒོར་བརྒྱད་སྟོང（8000）རེ་སྤྲོད་རྒྱུ།
ཨང་གསུམ་པ་དགུ
སོ་སོར་བྱ་དགའི་བུམ་པ་དང་གཟེངས་རྟགས་དཔང་ཡིག བྱ་དགའི་སྒོར་ལྔ་སྟོང（5000）རེ་སྤྲོད་རྒྱུ།
ཆེས་དགའ་བསུ་ཐོབ་པ་གཅིག
བྱ་དགའི་བུམ་པ་དང་གཟེངས་རྟགས་དཔང་ཡིག བྱ་དགའི་སྒོར་ལྔ་སྟོང（5000）སྤྲོད་རྒྱུ།
གསར་གཏོད་རང་བཞིན་ཅན་གཅིག
བྱ་དགའི་བུམ་པ་དང་གཟེངས་རྟགས་དཔང་ཡིག བྱ་དགའི་སྒོར་ལྔ་སྟོང（5000）སྤྲོད་རྒྱུ།
ཕུལ་བྱུང་བརྩམས་ཆོས་བཅོ་བརྒྱད།
སོ་སོར་གཟེངས་རྟགས་དཔང་ཡིག བྱ་དགའི་སྒོར་ཉིས་སྟོང（2000）རེ་སྤྲོད་རྒྱུ།
ལྔ་པ། འགྲན་ཞུགས་བྱེད་སྟངས།
གཅིག ཐོག་མར་ཨ་མདོ་བརྙན་འཕྲིན་གྱི་སྐད་འཕྲིན་སྤྱི་སྟེགས དང་དུས་དབྱངས་འཕྲིན་སྟེགས སྐད་འཕྲིན་བརྙན་ལམ་གང་རུང་ལ་དོ་ཁུར་བྱེད་པ་དང་། དེ་ནས་རང་གི་སྐད་འཕྲིན་བརྙན་ལམ་དང་དུས་དབྱངས་འཕྲིན་སྟེགས་ལ་བརྩམས་ཆོས་སྤེལ་ཏེ། གླེང་གཞིར“#藏文化主题优秀短视频”“#安多卫视”ཞེས་འགོད་པ་དང་། གཤམ་ལ @安多卫视བཀོད་པ་ཡིན་ན་འགྲན་ཞུགས་ལེགས་གྲུབ་བྱུང་བ་ཡིན།
གཉིས། འགྲན་ཞུགས་པས་ཟླ10པའི་ཚེས10ཉིན་གྱི་དུས་ཚོད18：00སྔོན་ལ་བརྩམས་ཆོས་བཀླགས་གྲངས་དང་སྙིང་དམར་མནན་གྲངས་ཀྱི་པར་ངོས་འདྲ་བཤུས། ཟུར་བཀོད་ཀྱི་ཁས་ལེན་ཡི་གེ（首届全国藏文化主题优秀短视频征集活动作品版权承诺书）ད་དུང་རྒྱ་བོད་ཡིག་རིགས་གཉིས་ཀྱི་ལམ་ནས་ཡིག་འབྲུ150ཙམ་ལོངས་པའི་གསལ་བཤད་ཡི་གེ（ཁ་བྱང་དང་ནང་དོན། དེ་མིན་བརྙན་བླངས་པའི་ས་གནས་དང་བརྙན་ལེན་པའི་མིང་། འབྲེལ་གཏུག་བྱེད་ས）བཅས་གཞུང་བཅད་ལྟར་གསལ་བོར་བྲིས་ནས།
ཡིག་ཟམ། 836140972@qq.com ནང་དུ་བསྐུར་དགོས།
འབྲེལ་གཏུག་བྱེད་ས། བཀྲ་ཤིས་སྒྲོལ་མ། 15209745703 13109710809
དྲུག་པ། བརྩམས་ཆོས་འགྲེམ་འགོད།
བྱ་དགའ་ཐོབ་པའི་བརྙན་ཐུང་ཨ་མདོ་བརྙན་འཕྲིན་གྱི་སྐད་འཕྲིན་སྤྱི་སྟེགས་དང་སྐད་འཕྲིན་བརྙན་ལམ། དུས་དབྱངས་འཕྲིན་སྟེགས། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི“ཉིན་རེའི་གངས་ལྗོངས”སྐད་འཕྲིན་སྤྱི་སྟེགས་དང་སྐད་འཕྲིན་བརྙན་ལམ། གངས་ལྗོངས་མེ་ལོང་དྲ་ཚིགས། གངས་ལྗོངས་མེ་ལོངAPPབཅས་ཀྱི་སྨྱན་བྱད་གསར་བའི་སྟེགས་བུར་འགྲེམ་འགོད་བྱ་རྒྱུ་ཡིན།
བདུན་པ། མཉམ་འཇོག་བྱ་ཡུལ།
གཅིག བརྙན་ཐུང་བརྩམས་ཆོས་ངེས་པར་དུ་གསར་རྩོམ་ཡིན་དགོས་ཤིང་། རྐུ་བཤུས་དང་བཤུ་འབྲི་བྱེད་མི་རུང་ལ། དེ་སྔ་འགྲན་སྡུར་ནང་ཞུགས་མྱོང་བའི་བརྙན་ཐུང་ཡང་བསྐྱར་འགྲན་ཞུགས་བྱས་མི་ཆོག གཙོ་གཉེར་ཕྱོགས་ཀྱིས་འགྲན་ཞུགས་བརྩམས་ཆོས་རང་ངོས་ཀྱི་གནད་དོན་དབང་གིས་མི་གཞན་གྱི་ཁྲིམས་མཐུན་ཁེ་དབང་ལ་གནོད་འཚེ་བཏང་བའི་རྩོད་གཞིར་བཅའ་ཁྲིམས་ཀྱི་འགན་མི་འཁུར་བ་དང་། བརྩམས་ཆོས་ནང་གསར་རྩོམ་མ་ཡིན་པའི་རི་མོ་དང་བརྙན་དུམ། གླུ་གཞས། རོལ་དབྱངས་བཅས་ཡོད་ན་ངེས་པར་དུ་འབྱུང་ཁུངས་གསལ་པོར་འགོད་དགོས།
གཉིས། བརྙན་ཐུང་བརྩམས་ཆོས་བསྡུ་བའི་རིང་མ་ཡིག་བརྗེ་བ་དང་ཕྱིར་སློག་སོགས་ཀྱི་དོན་དག་གང་ཡང་མི་བསྒྲུབ།
གསུམ། བྱ་དགའ་ཐོབ་པའི་བརྙན་ཐུང་བརྩམས་ཆོས་འགྲན་ཞུགས་པའི་མིང་འགོད་དབང་ཆ་སོར་འཇོག་བྱས་ནས་འགྲེམས་འགོད་བྱེད་པ་ལས་ལོགས་སུ་ཐོབ་ཆ་སྤྲོད་རྒྱུ་མེད།
བཞི། གཟེངས་རྟགས་དཔང་ཡིག་འགྲན་ཞུགས་མཁན་གྱིས་ཡིག་ཟམ་ནང་བསྐུར་བའི་འབྲེལ་ཡོད་ཆ་འཕྲིན་ཚད་གཞིར་བཟུང་ནས་པར་འདེབས་བྱ་རྒྱུ་དང་། ཆ་འཕྲིན་ཡང་དག་མིན་པའི་དབང་གིས་དཔང་ཡིག་པར་འདེབས་ནོར་འཁྲུལ་བྱུང་ཚེ་གཙོ་གཉེར་ཕྱོགས་ཀྱིས་བསྐྱར་དུ་བཟོ་མི་སྲིད།
ལྔ། བྱེད་སྒོ་འདིའི་འགྲེལ་བཤད་རྒྱག་དབང་ནི་གཙོ་གཉེར་ལས་ཁུངས་ལ་དབང་བ་དང་། བརྙན་ཐུང་བརྩམས་ཆོས་བསྐུར་མཁན་ནི་གསལ་བརྡ་འདིའི་གཏན་འབེབས་ཡོད་ཚད་ལ་མོས་མཐུན་བྱས་ཟིན་པར་བརྩི་རྒྱུ་ཡིན་ནོ།
མཚོ་སྔོན་རྒྱང་སྒྲོག་བརྙན་འཕྲིན་ཁང་ཨ་མདོ་བརྙན་འཕྲིན།
2024ལོའི་ཟླ8པའི་ཚེས6ཉིན།
