རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་དབྱང་ཚོགས་གཙོ་ཡིན་པའི་ཀྲུང་དབྱང་འཐུས་ཚབ་ཚོགས་པ་ཉིན་ཞ་ཧོས་རིགས་རང་སྐྱོང་ལྗོངས་བཙུགས་ནས་ལོ་དྲུག་ཅུ་ལོན་པའི་དགའ་སྟོན་བྱ་འགུལ་ལ་ཞུགས་པ་དང་། ཉིན་ཞའི་རིགས་སོ་སོའི་ལས་བྱེད་པ་དང་མང་ཚོགས་ལ་འཚམས་འདྲི་མཛད་པར་མ་ཟད། ས་དེའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ལ་རྟོག་ཞིབ་མཛད་རྗེས། ཚེས་ཉེར་གཅིག་ཉིན་གྱི་དགོང་མོར་ཉིན་ཞ་ནས་གནམ་གྲུར་བསྡད་དེ་ཕྱིར་པེ་ཅིན་དུ་ལོག
ཀྲུང་དབྱང་འཐུས་ཚབ་ཚོགས་པ་ནི་ཟླ་དགུ་པའི་ཚེས་བཅུ་དགུ་ཉིན་པེ་ཅིན་ནས་དབྱིན་ཁྲོན་ལ་སོང་སྟེ། ཉིན་ཞ་ཧོས་རིགས་རང་སྐྱོང་ལྗོངས་བཙུགས་ནས་ལོ་དྲུག་ཅུ་ལོན་པའི་དགའ་སྟོན་བྱ་འགུལ་ལ་ཞུགས་པ་རེད།
