་སྐྲུན་བྱེད་དགོས་ཟེར།

ཚེས་བཅུ་དྲུག་ཉིན་གྱི་སྔ་དྲོར།  ཞི་ཅིན་ཕིང་མཁར་སྔོན་པོ་གྲོང་ཁྱེར་གྱི་ནང་སོག་སློབ་ཆེན་དུ་ཕེབས། ནང་སོགས་སློབ་ཆེན་གྱིས་མི་རིགས་ས་ཁུལ་གྱི་ཤེས་ལྡན་མི་སྣ་སྐྱེད་སྲིང་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ལ་བྱས་རྗེས་ཆེན་པོ་བཞག སློབ་ཆེན་གྱི་དཔེ་མཛོད་ཁང་དུ་ཞི་ཅིན་ཕིང་གིས་སློབ་གྲྭའི་འཛུགས་སྐྲུན་འཕེལ་རྒྱས་དང་སློབ་ཁྲིད་ཚན་ཞིབ། ཤེས་ལྡན་མི་སྣ་སྐྱེད་སྲིང་། བསམ་བློ་ཆབ་སྲིད་འཛུགས་སྐྲུན་སོགས་བྱ་བའི་གནས་ཚུལ་མཚམས་སྦྱོར་བྱས་པར་ཉན་པར་མ་ཟད་སློབ་གྲྭའི་གྲུབ་འབྲས་པར་རིས་འགྲེམ་སྟོན་ལ་གཟིགས།  ཉིན་དེའི་ཕྱི་དྲོར། ཞི་ཅིན་ཕིང་གིས་ནང་སོག་རང་སྐྱོང་ལྗོངས་ཏང་ཨུ་དང་སྲིད་གཞུང་གི་བྱ་བ་དང་ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་དམ་པོར་བཅངས་པའི་བརྗོད་དོན་སློབ་གསོ་སྤེལ་བའི་གནས་ཚུལ་ཡར་ཞུ་བྱས་པར་ཉན་རྗེས། ནང་སོག་གིས་བྱ་བ་སྣ་ཚོགས་ཐད་ནས་བླངས་པའི་གྲུབ་འབྲས་ལ་ཁས་ལེན་གང་ལེགས་བྱས་པར་མ་ཟད། ནང་སོག་གི་བློ་མཐུན་ཡོངས་ཀྱིས་ཏང་ཀྲུང་དབྱང་གི་རེ་བ་ནན་ཏན་སྒོས་ལག་བསྟར་བྱེད་པ་དང་ནང་སོག་རྟའི་སྙིང་སྟོབས་དར་སྤེལ་བྱས་ནས་བྱ་བ་སྣ་ཚོགས་བཟང་བོར་བསྒྲུབ་དགོས་པའི་རེ་བ་བཏོན།

ཏིང་ཞེའུ་ཞང་དང་ལིག་ཧི། ཁྲིན་ཞི། ཧི་ལིས་ཧྥིན། དེ་མིན་ཀྲུང་དབྱང་འབྲེལ་ཡོད་ལས་ཁུངས་ཀྱི་འགན་འཁུར་བ་འབྲེལ་ཡོད་བྱ་འགུལ་ལ་ཞུགས།