ཧན་ཀྲིན། ཕོ། རྒྱ་རིགས། 1954ལོའི་ཟླ4པར་སྐྱེས། ཀྲིག་ཅང་ཚི་ཞི་ཡི་མི་ཡིན། 1975ལོའི་ཟླ12པར་བྱ་བར་ཞུགས་པ་དང་1979ལོའི་ཟླ5བར་ཀྲུང་གོ་གུང་ཁྲན་ཏང་ནང་ཞུགས། ཧྭ་ཏུང་དགེ་འོས་སློབ་ཆེན་གྱི་རྒྱལ་སྤྱིའི་གནད་དོན་ཞིབ་འཇུག་ཁང་གི་རྒྱལ་སྤྱིའི་འབྲེལ་བ་དང་འཛམ་གླིང་དཔལ་འབྱོར་ཆེད་ལས་ནས་མཐར་ཕྱིན་ལ། ལས་གནས་སུ་ཞིབ་འཇུག་སློབ་མའི་བསླབས་གནས་ཐོབ་ཐང་ཡོད་པ་དང་དཔལ་འབྱོར་རིག་པའི་རབ་འབྱམས་པའི་བསླབས་གནས་ཡོད་ལ། མཐོ་རིམ་དཔལ་འབྱོར་མཁས་ཅན་ཡིན།

ད་ལྟ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་གཞོན་པའི་ལས་འགན་ཁུར་ཡོད།

མི་ཕམ་མགོན་པོས་བསྒྱུར།