ཟླ་བཞི་པའི་ཚེས་བཅུ་བདུན་ཉིན། མཚོ་སྔོན་ཞིང་ཆེན་སྲིད་གཞུང་གི་ཏང་ཙུའུ་ཧྲུའུ་ཅི། ཧྲིན་ཀྲང་ཝུའུ་ཞའོ་ཅུན་གྱིས་མགོ་འཛིན་བྱས་ནས་ཞིང་ཆེན་སྲིད་གཞུང་གི་ཏང་ཙུའུ་གྲོས་ཚོགས་བསྡུས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀོང་ཏུང་ལ་གཟིགས་ཞིབ་མཛད་སྐབས་དང་ནུབ་རྒྱུད་འཐབ་ཁུལ་གྱི་མཚོ་དམག་ལ་གཟིགས་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་དང་། ཞིང་ཆེན་ཏང་ཨུའི་བྱ་བའི་རེ་བ་ལག་བསྟར་བྱས་ལ། ཞིང་ཆེན་སྲིད་གཞུང་གི་ཏང་ཙུའུ་ཡིས་བརྗོད་དོན་སློབ་གསོ་སྤེལ་བའི་བྱ་བར་ཞིབ་འཇུག་དང་བཀོད་སྒྲིག་བྱས།
ཚོགས་ཐོག་ནས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱེད་པ་དང་། རྨོ་ཞིང་དང་ས་བོན་གཙིགས་སུ་འཛིན་པ། རྨོ་ཞིང་གི་དམར་མཚམས་བརྟན་སྲུང་བྱེད་པ། སོན་ལས་དར་སྤེལ་དང་འབྲུ་རིགས་ཀྱི་ཐོན་ནུས་མཐོར་འདེགས་སུ་གཏོང་བའི་བྱ་སྤྱོད་ལག་བསྟར་བཟང་བོ་བྱས་ཏེ། འབྲུ་རིགས་བདེ་འཇགས་ཀྱི་འགན་འཁྲི་ཕྲག་ཏུ་ལེན་དགོས། ཆུ་དང་བསྟུན་ནས་གྲོང་ཁྱེར་གཏན་ཁེལ་བྱེད་པ་དང་ཆུ་དང་བསྟུན་ནས་ས་ཆ་གཏན་ཁེལ་བྱེད་པ། ཆུ་དང་བསྟུན་ནས་མི་འབོར་གཏན་ཁེལ་བྱེད་པ། ཆུ་དང་བསྟུན་ནས་ཐོན་ལས་གཏན་ཁེལ་བྱེད་པ་བཅས་རྒྱུན་འཁྱོངས་བྱེད་པ་དང་། ཆུའི་ཐོན་ཁུངས་གྲོན་ཆུང་དང་ལེགས་བསྡུས་སྒོས་བེད་སྤྱོད་བྱས་ནས། བློ་བརྟན་འགྱུར་མེད་ཀྱིས་ཀྲུང་ཧྭའི་ཆུ་མཛོད་ཀྱི་སྲུང་སྐྱོབ་པ་བྱེད་དགོས། གྲོང་གསེབ་དར་སྤེལ་ལ་ཕྱོགས་ཡོངས་ནས་སྐུལ་འདེད་གཏོང་བ་དང་། གྲོང་གསེབ་དང་ཞིང་སྡེ། འབྲོག་ཁུལ་མཐུན་སྦྱོར་ངང་འཕེལ་རྒྱས་སུ་གཏོང་བར་གཅིག་འདོམས་བྱེད་པ། སྤུས་ཚད་མཐོ་བའི་ངང་གྲོང་གསེབ་འཛུགས་སྐྲུན་འགུལ་སྐྱོད་སྤེལ་ནས། རོང་འབྲོག་མང་ཚོགས་ཀྱིས་རང་ས་ཆ་ནས་དེང་རབས་དཔལ་ཡོན་གྱི་འཚོ་བ་རོལ་ཐུབ་པར་བྱེད་པ་དང་། མཉམ་དུ་ཕྱུག་པོར་འགྱུར་བར་བྱེད་དགོས། ཐོན་ལས་ཀྱི་གནས་བཞི་གཙོ་གཞི་རུ་བྱས་པའི་ལྗང་མདོག་ཐཱན་དམའ་དང་འཁོར་སྐྱོད་འཕེལ་རྒྱས་ཀྱི་དཔལ་འབྱོར་མ་ལག་མྱུར་དུ་འཛུགས་སྐྲུན་བྱེད་པ་དང་། ཐོན་ལས་འཕེལ་རྒྱས་ཀྱི་འབྲེལ་མཐུད་རང་བཞིན་དང་འགྲན་རྩོད་ནུས་པ་མཐོར་འདེགས་སུ་གཏོང་དགོས། གསར་གཏོད་ཀྱིས་འཕེལ་རྒྱས་ལ་སྣེ་ཁྲིད་བྱེད་པའི་འཕེལ་རྒྱས་ཀྱི་འཐབ་ཇུས་ལག་བསྟར་ཟབ་མོ་བྱེད་པ་དང་། གཙོ་གནད་ཁྱབ་ཁོངས་ཀྱི་ཚན་རྩལ་འགག་གཏོར་ལ་ཤུགས་བསྣན་ནས། མཚོ་སྔོན་གྱི་ཁྱད་ཆོས་ལྡན་པའི་ཚན་རྩལ་གསར་གཏོད་ཀྱི་ལམ་བུ་ཞིག་བཏོད་དགོས། བཅོས་སྒྱུར་སྒོ་འབྱེད་རྒྱུན་མཐུད་ངང་གཏིང་ཟབ་ཏུ་སྤེལ་བ་དང་། རྒྱུད་གཅིག་ལམ་གཅིག་ཁྲོད་ཟབ་ཞུགས་བྱས་ཏེ། ཕྱི་ནང་ཕྱོགས་གཉིས་ཀྱི་སྒོ་འབྱེད་ལ་སྐུལ་འདེད་གཏོང་དགོས། སློབ་སྦྱོང་ལ་བརྟེན་ནས་བླ་སྲོག་བསྐྲུན་པར་ཤུགས་སྣོན་པ་དང་། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་བྱེད་རྒྱུ་དེ་ཟབ་སྤེལ་དང་ནང་བསྒྱུར། བརྗེ་སྒྱུར་བྱེད་པའི་བྱ་བ་བཟང་བོར་སྒྲུབ་པ། ཕུགས་འདུན་ཡིད་རྟོན་ཇེ་བརྟན་དུ་བཏང་ནས། ཏང་ལ་བློ་དཀར་བ་དང་མི་དམངས་ཀྱི་ལངས་ཕྱོགས་སུ་བརྟན་པོར་འགྲེང་དགོས།
ཚོགས་ཐོག་ནས་ཞིང་ཆེན་སྲིད་གཞུང་ཏང་ཙུའུ་ཡིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་སློབ་གསོ་གཏིང་ཟབ་ཏུ་སྤེལ་བའི་ལག་བསྟར་ཇུས་གཞི་ལ་གྲོས་ཞིབ་བྱས་ནས་གྲོས་འཆམ་བྱུང་། ཚོགས་ཐོག་ནས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བརྗོད་དོན་སློབ་གསོ་བྱ་བའི་གྲོས་ཚོགས་སྟེང་གི་གསུང་བཤད་གལ་ཆེན་གྱི་དགོངས་དོན་རྩ་བའི་གཞི་འཛིན་ས་རུ་བྱེད་པ་དང་། དགོངས་པ་སློབ་སྦྱོང་བྱེད་པ་དང་ཏང་གཤིས་ཇེ་བརྟན་དུ་གཏོང་བ། ལག་ལེན་གཙིགས་སུ་འཛིན་པ། བྱས་རྗེས་གསར་བ་འཇོག་པའི་སྤྱིའི་བླང་བྱར་དམིགས་པ། རྩ་བའི་ལས་འགན་གཙིགས་སུ་འཛིན་པ། ཞིང་ཆེན་ཏང་ཨུའི་ཆབ་སྲིད་སྟོབས་ལྡན་དུ་བསྒྱུར་བ་དང་བསམ་ཕྱོགས་ཇེ་བརྟན་དུ་གཏོང་བ། བྱ་བ་བཟང་བོར་བསྒྲུབ་པ། སྒྲིག་ལམ་ཇེ་དམ་དུ་གཏོང་བ། སྤྱོད་ཚུལ་ཇེ་བཟང་དུ་གཏོང་བའི་དམིགས་འབེན་རེ་བ་ལྟར། ཐོས་བསམ་སྤྱོད་གསུམ་ཟུང་འབྲེལ་དང་ཤེས་དད་སྦྱོར་གསུམ་གཅིག་གྱུར་ཡོང་བར་བྱེད་པ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཚོ་སྔོན་གྱི་བྱ་བའི་ཐད་ཀྱི་གསུང་བཤད་གལ་ཆེན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ཕྱོགས་ཡོངས་ནས་ལག་བསྟར་བྱེད་པ། ཆེས་ཆེ་བ་གསུམ་གྱི་ཞིང་ཆེན་གྱི་ངེས་གནས་དང་སྔར་ལས་གལ་ཆེ་བ་གསུམ་གྱི་འཐབ་ཇུས་གོ་གནས་ལ་གོ་བ་ཟབ་མོ་ལེན་པ། སྐྱེ་ཁམས་དཔལ་ཡོན་གྱི་མཐོ་ས་དང་ཐོན་ལས་ཀྱི་གནས་བཞི་འཛུགས་སྐྲུན་བྱེད་པ་དང་བརྗོད་དོན་སློབ་གསོའི་ལས་འགན་སྣ་ཚོགས་ལག་བསྟར་བྱེད་པ་འབྲེལ་མཐུད་བྱེད་པ། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་ཕུགས་འདུན་ཇེ་བརྟན་དུ་གཏོང་བ་དང་ཏང་གཤིས་སྦྱོང་བརྡར་བྱེད་པ། ལག་ལེན་ལ་མཛུབ་སྟོན་བྱེད་པ། བྱ་བར་སྐུལ་འདེད་གཏོང་བའི་སྟོབས་ཤུགས་ཆེན་པོར་བསྒྱུར་བ། སློབ་སྦྱོང་ལ་བརྟེན་ནས་བླ་སྲོག་བསྐྲུན་པ་དང་སློབ་སྦྱོང་ལ་བརྟེན་ནས་བློ་རིག་བསྐྱེད་པ། སློབ་སྦྱོང་ལ་བརྟེན་ནས་དར་སྲོལ་ཇེ་བཟང་དུ་གཏོང་བ། སློབ་སྦྱོང་ལ་བརྟེན་ནས་དངོས་གཉེར་ལ་སྐུལ་འདེད་གཏོང་བ་བཅས་ཀྱི་སྟེང་ཤུགས་བཏོན་ནས་གྲུབ་འབྲས་ལེན་ཐུབ་པར་བྱེད་པ། ཏང་ཀྲུང་དབྱང་གི་ཇུས་ཆོད་བཀོད་སྒྲིག་ལག་བསྟར་བྱེད་པའི་ལག་བསྟར་པ་དང་འགུལ་སྐྱོད་པ། དངོས་གཉེར་པ་བྱེད་པ། དཔལ་འབྱོར་སྙོམ་སྒྲིག་དང་ཚོང་ར་ལྟ་སྐུལ། སྤྱི་ཚོགས་དོ་དམ། སྤྱི་ཐུན་ཞབས་ཞུ། སྐྱེ་ཁམས་ཁོར་ཡུག་སྲུང་སྐྱོབ་སོགས་སྲིད་གཞུང་གི་འགན་ནུས་ལག་བསྟར་སྔར་ལས་བཟང་བོ་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་གསར་བ་འབྲི་དགོས།
ཚོགས་ཐོག་ནས། སྤུས་ཚད་མཐོ་བའི་ངང་བརྗོད་དོན་སློབ་གསོ་སྤེལ་བར་བརྟེན་ནས་དཀའ་ཁག་ཐག་གཅོད་པ་དང་འཕེལ་རྒྱས་ལ་སྐུལ་འདེད་གཏོང་བ། བརྟག་བཤེར་ཞིབ་འཇུག་གཏིང་ཟབ་ཏུ་སྤེལ་བ། དུས་ཚིགས་དང་པོའི་དཔལ་འབྱོར་འཁོར་རྒྱུག་གནས་ཚུལ་ལ་དབྱེ་ཞིབ་ནན་མོ་བྱེད་པ། སྟོབས་ཤུགས་ཡོད་རྒུས་དུས་ཚིགས་གཉིས་པའི་དཔལ་འབྱོར་བྱ་བ་བཟང་བོར་སྒྲུབ་ནས། ཕྱེད་ལས་བརྒལ་བ་གཉིས་ཀྱི་ལས་འགན་མངོན་འགྱུར་བྱེད་དགོས། འཕེལ་རྒྱས་དང་བདེ་འཇགས་ལ་གཅིག་འདོམས་བྱེད་པ་དང་། བདེ་འཇགས་ཐོན་སྐྱེད་ཀྱི་འགན་འཁྲི་གཏན་ཁེལ་བྱེད་པ། ཉེན་ཁར་གྲལ་བཤེར་བཅོས་སྐྱོང་གཏིང་ཟབ་ཏུ་བྱེད་པ། སྟོབས་ཤུགས་ཡོད་རྒུས་ཆུ་ལོག་འགོག་པ་དང་གནོད་འགོག་རྒུད་སྐྱོབ་ཀྱི་བྱ་བ་སྣ་ཚོགས་དམ་འཛིན་བྱས་ཏེ། བདེ་འཇགས་ཐོན་སྐྱེད་ཀྱི་ཚད་མཐའ་བརྟན་སྲུང་བྱེད་དགོས་པའི་རེ་བ་བཏོན།
ཚོགས་ཐོག་ནས་ད་དུང་བྱ་བ་གཞན་པར་ཞིབ་འཇུག་བྱས།
རིན་ཆེན་མཚོས་བསྒྱུར།
