བརྗོད་དོན་སློབ་གསོ་སྤེལ་བའི་ཚུན་ལ། ཀྲུང་དབྱང་གི་མཛུབ་སྟོན་ཚན་ཁག་བརྒྱད་པས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་སློབ་སྦྱོང་བྱས་ཏེ་གོ་བ་ཟབ་མོ་བླངས་པ་དང་། ཏང་ཀྲུང་དབྱང་གི་བརྗོད་དོན་སློབ་གསོ་སྤེལ་བའི་བཀོད་སྒྲིག་དང་བླང་བྱ་ལག་བསྟར་ནན་མོ་བྱས་ཏེ། ཁྲུང་ཆིན་དང་ཅང་ཞི་ཡི་དོན་དངོས་དང་སྦྲེལ་ནས་མྱུར་དུ་བྱེད་ཐབས་སྤྱད་པ་དང་ཡུལ་དངོས་ནས་མཛུབ་སྟོན་བྱས་ལ། ཆ་ཚང་ཞིང་གནད་ལ་འཁེལ་བར་ལྟ་སྐུལ་དང་མཛུབ་སྟོན་ནན་མོ་བྱས་ཏེ། ས་ཁུལ་དེ་གཉིས་ཀྱི་བརྗོད་དོན་སློབ་གསོ་རྒྱུན་མ་ཆད་པར་གཏིང་ཟབ་ཏུ་སྤེལ་བར་སྐུལ་འདེད་བཏང་།
མཛུབ་སྟོན་བྱ་བ་བཟང་བོར་བསྒྲུབ་ཆེད། མཛུབ་སྟོན་ཚན་ཁག་བརྒྱད་པས་སྔོན་ལ་བསླབས་པ་དང་གཏིང་ཟབ་ཏུ་བསླབས། ཚན་ཁག་ཡོངས་ཀྱི་བློ་མཐུན་ཚོས་ཞི་ཅིན་ཕིང་གི་བརྩམས་ཆོས་བདམས་ཀློག་ཅེས་པའི་པོད་དང་པོ་དང་གཉིས་པ་སོགས་སློབ་སྦྱོང་རྒྱུ་ཆ་སློབ་སྦྱོང་ནན་མོ་བྱས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བརྗོད་དོན་སློབ་གསོ་དང་འབྲེལ་བའི་གསུང་བཤད་གལ་ཆེན་གསར་པའི་དགོངས་དོན་བསྟུད་མར་སློབ་སྦྱོང་བྱས་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྲུང་ཆིན་དང་ཅང་ཞིའི་བྱ་བའི་ཐད་གནང་བའི་གསུང་བཤད་གལ་ཆེན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་མ་ལག་ལྡན་པར་སློབ་སྦྱོང་བྱས། ཞིང་ཆེན་དང་གྲོང་ཁྱེར་དེ་གཉིས་ཀྱི་ཏང་ཨུའི་ཚང་འཛོམས་གྲོས་ཚོགས་དང་དཔལ་འབྱོར་བྱ་བའི་གྲོས་ཚོགས་ཀྱི་ཡིག་ཆ་གཙོ་བོར་བལྟས་པར་མ་ཟད། ས་ཆ་དེ་གཉིས་ཀྱི་དོན་དངོས་དང་སྦྲེལ་ནས་གཏན་ཁེལ་གྱི་བྱ་བ་ཇི་ལྟར་ཕྱོགས་ཡོངས་ནས་བཟང་བོར་བསྒྲུབ་པ་དང་རང་བདམས་ཀྱི་བྱ་བ་ཇི་ལྟར་འོས་འཚམ་སྒོས་བཟང་བོར་བསྒྲུབ་པར་ཞིབ་འཇུག་བྱས།
གཟབ་ནན་དང་ཏན་ཏིག་གི་སློབ་སྦྱོང་བརྒྱུད་དེ། མཛུབ་སྟོན་ཚན་ཁག་གི་བློ་མཐུན་ཡོངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པའི་འཇིག་རྟེན་ལྟ་བ་དང་བརྟག་ཐབས་སྨྲ་བར་སློབ་སྦྱོང་དང་རྒྱུས་ལོན་ཟབ་མོ་བྱས་པ་དང་། དེའི་ཁྲོད་དུ་ཁྱབ་པའི་ལངས་ཕྱོགས་དང་ལྟ་བ། བྱེད་ཐབས་བཅས་བཀོལ་སྤྱོད་བཟང་བོ་བྱས་ཏེ། ཆབ་སྲིད་ཀྱི་ལངས་གནས་སྔར་ལས་ཇེ་མཐོར་བཏང་བ་དང་། ཆབ་སྲིད་ཀྱི་ནུས་པ་ཇེ་ཆེར་བཏང་ལ། འགན་འཁྲི་ཁག་ཁུར་ཇེ་དྲག་ཏུ་བཏང་ནས། གནད་ལ་འཁེལ་ཞིང་ཕན་ནུས་ལྡན་པར་མཛུབ་སྟོན་བྱ་བ་བསྒྲུབ་པའི་ཐད་རྨང་གཞི་བརྟན་པོ་བཏིངས།
ཏང་ཀྲུང་དབྱང་གི་བླང་བྱ་ལྟར་དུ། མཛུབ་སྟོན་ཚན་ཁག་བརྒྱད་པས་མཛུབ་སྟོན་བྱ་བའི་ཇུས་གཞི་གཏན་འབེབས་ཞིབ་མོ་བྱས་ཏེ། གཞུང་ལུགས་སློབ་སྦྱོང་དང་བརྟག་དཔྱད་ཞིབ་འཇུག འཕེལ་རྒྱས་སྐུལ་འདེད། ཞིབ་བཤེར་དག་ཐེར་སོགས་ཕྱོགས་ཀྱི་བྱ་བའི་ཐད་ལས་འགན་ཞིབ་མོ་སོ་བརྒྱད་བགོས། ཉིན་རེར་བཀོད་སྒྲིག་དང་གཟའ་རེར་འཆར་འགོད། ཟླ་རེར་བཀོད་གཏོང་བྱེད་རྒྱུ་རྒྱུན་འཁྱོངས་བྱས་ཏེ། ཏང་ཀྲུང་དབྱང་གི་བཀོད་སྒྲིག་ཡོད་ཚད་ཇི་མ་ཇི་བཞིན་དུ་དོན་ཐོག་ཏུ་འཁྱོལ་བར་ཁག་ཐེག་བྱས།
ཀྲུང་དབྱང་མཛུབ་སྟོན་ཚན་ཁག་བརྒྱད་པའི་ཚན་གཙོ་ལོ་ཧོས་ཉིང་གིས་བཤད་རྒྱུར། ང་ཚོས་ཁྲུང་ཆིན་དང་ཅང་ཞིའི་བྱ་བའི་ཇུས་གཞི་ཞིབ་ཏུ་བལྟས་ཏེ། ཏང་ཀྲུང་དབྱང་གི་དགོངས་དོན་གཞིར་བཟུང་བ་དང་། ས་གནས་ཀྱི་དོན་དངོས་ལ་ཟུང་སྦྲེལ་བྱས་ནས་བསམ་འཆར་དང་གྲོས་གཞི་བཏོན་ཏེ། བརྗོད་དོན་སློབ་གསོ་རྒྱུན་མ་ཆད་པར་གཏིང་ཟབ་དང་གཟབ་ནན་སྒོས་སྤེལ་བར་མཉམ་དུ་སྐུལ་འདེད་བཏང་བ་ཡིན་ཟེར།
ཟླ་བཞི་པའི་ཚེས་བཅུ་དང་བཅུ་གཅིག་ཉིན་གཉིས་ལ་མཛུབ་སྟོན་ཚན་ཁག་སོ་སོར་ས་ཆ་གཉིས་ཀྱི་སྐུལ་སློང་ཚོགས་ཆེན་ལ་ཞུགས་ཏེ། ཏང་ཀྲུང་དབྱང་གི་བཀོད་སྒྲིག་དང་བླང་བྱ་ཆ་ཚང་ཞིང་ཡང་དག་པར་བརྒྱུད་བསྒྲགས་བྱས་པ་དང་། ཆབ་སྲིད་ཀྱི་ལངས་གནས་ཇེ་མཐོར་གཏོང་བ་དང་དམིགས་འབེན་བླང་བྱ་ཡིད་ལ་ངེས་པར་བྱེད་པ་སོགས་ཕྱོགས་བཞི་ནས་དོན་འཁྱོལ་བྱེད་དགོས་པའི་རེ་བ་བཏོན། མཛུབ་སྟོན་ཚན་ཁག་གིས་སྔ་གཞུག་ཏུ་ཐེངས་བདུན་ལ་ས་ཆ་གཉིས་ཀྱི་བརྗོད་དོན་སློབ་གསོའི་མགོ་ཁྲིད་ཚན་ཆུང་གི་ཆེད་དོན་ཡར་ཞུ་ལ་ཉན་ནས། བརྗོད་དོན་སློབ་གསོ་སྤེལ་མགོ་བརྩམས་རྗེས་དང་སྤེལ་བའི་བརྒྱུད་རིམ་ཁྲོད་དུ་གཙོ་བོར་དོ་སྣང་བྱེད་དགོས་པའི་གནད་དོན་སྐོར་ནས་དུས་ལྟར་མཛུབ་སྟོན་གྱི་བསམ་འཆར་ཞིབ་མོ་བཏོན་པར་མ་ཟད། ས་ཆ་གཉིས་ཀྱི་བརྟག་དཔྱད་ཞིབ་འཇུག་གི་འཆར་གཞི་དང་གནད་དོན་གསལ་ཁྲའི་ཐད་བཟོ་བཅོས་ཀྱི་བསམ་འཆར་བཅོ་ལྔ་བཏོན་ནས། ས་ཆ་གཉིས་ཀྱི་བསམ་འཆར་དེ་དག་དོན་འཁྱོལ་བྱེད་པར་བསྟུད་མར་སྐུལ་འདེད་བཏང་།
མཛུབ་སྟོན་ཚན་ཁག་བརྒྱད་པའི་མཛུབ་སྟོན་འོག་ཏུ། ཁྲུང་ཆིན་དང་ཅང་ཞིའི་སྐོར་དང་པོའི་བརྗོད་དོན་སློབ་གསོར་ཞུགས་པའི་ཏང་ཡོན་དང་ལས་བྱེད་པས་གཟབ་ནན་གྱིས་མ་ཡིག་ཀློག་པ་དང་མ་ཡིག་སློབ་པ། རྩ་བའི་རིགས་པ་རྟོགས་པར་བྱེད་པ་བཅས་རྒྱུན་འཁྱོངས་ཀྱིས་གཞུང་ལུགས་སློབ་སྦྱོང་ཆེན་མོ་སྤེལ་བ་དང་བསམ་བློར་དྲག་ཆས་ཆེན་མོ་སྤྲས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པའི་དོན་སྙིང་གལ་ཆེན་དང་ཚན་རིག་མ་ལག སྲོག་ཤིང་ཉིང་བཅུད། ལག་ལེན་བླང་བྱ་བཅས་ལ་ཕྱོགས་ཡོངས་ནས་རྒྱུས་ལོན་བྱས་ཤིང་། ཀྲུང་གོའི་ལུགས་ཀྱི་དེང་རབས་ཅན་གྱི་གཞུང་ལུགས་མ་ལག་ཟབ་མོར་བསླབས་པ་དང་ཞིབ་མོར་རྟོགས་པར་བྱས་ཏེ་ལག་ལེན་དུ་བསྟར།
མཛུབ་སྟོན་ཚན་ཁག་བརྒྱད་པས་ཁྲུང་ཆིན་དང་ཅང་ཞི་ས་ཆ་གཉིས་དང་མཉམ་དུ་སྐོར་དང་པོའི་བརྗོད་དོན་སློབ་གསོ་སྤེལ་བའི་ལས་ཁུངས་ལ་ཞིབ་བཤེར་བྱས་ཤིང་། ཁྲུང་ཆིན་གྲོང་ཁྱེར་གཞི་གྲངས་ཆེན་མོ་ཉེར་སྤྱོད་གོང་སྤེལ་དོ་དམ་ཅུའུ་དང་ཅང་ཞི་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་སོགས་སྡེ་ཁག་དང་ལས་ཁུངས་སུ་བཞུགས་མོལ་ཚོགས་འདུ་ཐེངས་བརྒྱད་ལ་བསྡུས་པ་དང་། ལས་ཁུངས་ཞེ་བརྒྱད་ཀྱི་འགན་ཁུར་བློ་མཐུན་གཙོ་བོ་གདན་དྲངས་ཏེ་བརྗེ་རེས་གཏམ་བཤད་དུ་བཅུག་རྗེས། ས་གནས་སྐོར་སྐྱོད་མཛུབ་སྟོན་ཚན་ཁག་གི་ཚན་གཙོ་དང་ཁག་བགོས་ཏང་སྲིད་འགན་ཁུར་བློ་མཐུན་གཙོ་བོས་སྔ་གཞུག་ཏུ་དཔྱད་འཇོག་བྱས་པ་དང་། དེའི་རྗེས་སུ་མཛུབ་སྟོན་ཚན་ཁག་གིས་མཛུབ་སྟོན་བསམ་འཆར་བཏོན།
ཁྲུང་ཆིན་དང་ཅང་ཞིའི་འབྲེལ་ཡོད་ཏང་སྲིད་ལས་ཁུངས་དང་ཁེ་ལས། མཐོ་རིམ་སློབ་ཆེན་སོགས་ནས། མཛུབ་སྟོན་ཚན་ཁག་བརྒྱད་པས་བརྗོད་དོན་སློབ་གསོའི་ཁྲོད་དུ་ཧུར་ཐག་གིས་ཐག་གཅོད་དགོས་པའི་འབུར་ཐོན་གདན་དོན་ལ་ཁ་གཏད་ནས་འདྲི་ཞིབ་བརྟག་དཔྱད་རྒྱུ་ཆ་ཉིས་བརྒྱ་དང་དོན་བཞི་བཀྲམས་པ་དང་། མི་སོ་དྲུག་ལ་ཁ་བརྡ་གླེང་མོལ་བྱས་ཏེ། ཏང་ཡོན་དང་ལས་བྱེད་པ། ལས་བཟོ་བ་བཅས་ཀྱི་བསམ་འཆར་དང་གྲོས་གཞིར་ལེགས་པར་ཉན་ནས་གསེད་བཀྲོལ་སྤྱི་སྡོམ་བྱས་རྗེས་ས་གནས་ཀྱི་མགོ་ཁྲིད་ཚན་ཆུང་གཞུང་སྒྲུབ་ཁང་ལ་སྤྲད། མཛུབ་སྟོན་ཚན་ཁག་གིས་ཐར་ཀར་དུ་གཞི་རིམ་གྱི་ལས་བྱེད་པ་དང་མང་ཚོགས་ཀྱིས་བརྗོད་དོན་སློབ་གསོར་བཅངས་པའི་རེ་བ་དང་གྲོས་གཞིར་ཉན་ནས། མི་དམངས་མང་ཚོགས་ཡིད་ཚིམ་མིན་དེ་བརྗོད་དོན་སློབ་གསོའི་ཕན་འབྲས་ལ་དཔྱད་འཇོག་བྱེད་པའི་རྩ་བའི་ཚན་གཞི་རུ་བཟུང་།
ལོ་ཧོས་ཉིང་གིས་བཤད་རྒྱུར། མཛུབ་སྟོན་ཚན་ཁག་གིས་ས་ཆ་དེ་གཉིས་ཀྱི་སྐོར་དང་པོའི་བརྗོད་དོན་སློབ་གསོ་སྤེལ་བའི་ལས་ཁུངས་ཀྱིས་བརྗོད་དོན་སློབ་གསོ་སྤེལ་བའི་བྱེད་ཐབས་སྣ་ཚོགས་ལ་མུ་མཐུད་དུ་ལྟ་སྐུལ་དང་མཛུབ་སྟོན་བྱེད་རྒྱུ་ཡིན་པ་དང་། ཉམས་མྱོང་བཟང་བོ་དང་བྱེད་ཐབས་བཟང་བོ་དུས་ལྟར་སྤྱི་སྡོམ་བྱེད་རྒྱུ་ཡིན་ལ། འབྱུང་སྲིད་པའི་ནོར་འཁྲུལ་གྱི་བྱ་སྤྱོད་གཏན་འགོག་དང་ཡོ་བསྲང་བྱེད་རྒྱུ་ཡིན། ས་ཆ་དེ་གཉིས་ཀྱི་ཏང་ཨུས་གཙོ་གཞིའི་འགན་འཁྲི་ལག་བསྟར་བཟང་བོ་བྱེད་པར་སྟོབས་ཤུགས་ཡོད་རྒུས་རྒྱབ་སྐྱོར་བྱེད་པ་དང་། ས་ཆ་གཉིས་ཀྱི་ཏང་ཨུ་དང་མཉམ་འབྲེལ་སྒོས་ས་ཆ་དེ་གཉིས་ཀྱི་བརྗོད་སློབ་གསོར་རྒྱུན་མ་ཆད་པར་གྲུབ་འབྲས་གསར་པ་ཐོབ་པར་སྐུལ་འདེད་གཏོང་རྒྱུ་ཡིན་ཟེར།
