ས་གནས་དེའི་དུས་ཚོད་ཟླ9པའི་ཚེས12ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཆང་གིས་ཏིས་པའེ་ཡི་ཀྲ་པིས་ཨར་ཕོ་བྲང་དུ་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཙུང་ཐུང་གཞོན་པའམ་ཙུང་ལི་མུའུ་ཧན་མའོ་ཏི་དང་གྲོས་མོལ་གནང་།

ས་གནས་དེའི་དུས་ཚོད་ཟླ9ཚེས12ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཆང་གིས་ཏིས་པའེ་ཡི་ཀྲ་པིས་ཨར་ཕོ་བྲང་དུ་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཙུང་ཐུང་གཞོན་པའམ་ཙུང་ལི་མུའུ་ཧན་མའོ་ཏི་དང་གྲོས་མོལ་གནང་།

ལིས་ཆང་གིས་བསྟན་དོན། ད་ལོར་ཀྲུང་གོ་དང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་བར་འབྲེལ་བ་བཙུགས་ནས་ལོ་བཞི་ཅུ་འགོར་བའི་སྐབས་དང་ཁེལ་ཡོད། འདས་པའི་ལོ་ངོ40རིང་། རྒྱལ་ཁབ་གཉིས་ཀྱིས་ཁྱབ་ཁོངས་སོ་སོའི་མཉམ་ལས་ལ་ཕྱོགས་ཡོངས་ནས་སྐུལ་འདེད་བཏང་ཞིང་གྲུབ་འབྲས་མི་དམན་པ་བླངས་ཡོད། ཀྲུང་གོ་ཕྱོགས་ཀྱིས་དུས་ཡུན་རིང་པོར་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དེ་ཀྲུང་གོའི་དབུས་ཤར་ཕྱི་འབྲེལ་གྱི་གོ་གནས་མདུན་གྲས་སུ་བཞག་སྟེ། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་མཉམ་དུ་ལག་རྡང་སྦྲེལ་ནས་མདུན་སྐྱོད་བྱེད་པ་དང་། བློ་བརྟན་འགྱུར་མེད་ཀྱིས་ཕན་ཚུན་ལ་རྒྱབ་སྐྱོར་བྱེད་པ། ཕྱོགས་གཉིས་ཀྱི་འབྲེལ་བའི་ཆབ་སྲིད་རྨང་གཞི་ཇེ་བརྟན་དུ་གཏོང་བ། ཁྱབ་ཁོངས་སོ་སོའི་མཉམ་ལས་སྔར་ལས་གཏིང་ཟབ་ཏུ་སྤེལ་ནས། རྒྱལ་ཁབ་གཉིས་ཀྱི་འབྲེལ་བས་རྒྱུན་མཐུད་ངང་གསོན་ཤུགས་གསར་པ་རྙེད་པ་དང་སྔར་ལས་མང་བའི་གྲུབ་འབྲས་ལེན་པར་འབད་པ་བྱས་ཏེ་རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་རྒྱུར་འཐད་པ་ཡིན།

ལིས་ཆང་གིས་ཀྲུང་གོ་དང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ནི་ཐུན་མོང་འཕེལ་རྒྱས་ཀྱི་བགྲོད་ལམ་སྟེང་གི་གྲོགས་པོ་བཟང་པོ་ཡིན་པས། མཉམ་ལས་ལ་ཤུགས་སྣོན་དང་ཕན་ཚུན་ལ་བྱས་རྗེས་འཇོག་པ། ཕྱོགས་གཉིས་ཀྱི་གཞི་རྩའི་ཁེ་ཕན་དང་འཚམ་པར་བྱེད་དགོས། ཀྲུང་གོ་ཕྱོགས་ཀྱིས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ལ་འཕེལ་རྒྱས་གོ་སྐབས་མཉམ་སྤྱོད་བྱེད་པ་དང་། སྔར་ལས་ལེགས་པར་གཉིས་ཕན་མཉམ་རྒྱལ་བྱ་རྒྱུར་འཐད་པ་ཡིན། ཕྱོགས་གཉིས་ཀྱིས་མཉམ་ལས་ཀྱི་སྦས་ཤུགས་སྔོག་འདོན་བྱས་ཏེ། ཕན་ཚུན་གསབ་རེས་ཐུབ་པའི་དགེ་མཚན་འདོན་སྤེལ་གང་ལེགས་བྱེད་པ། ཉོ་ཚོང་མཉམ་ལས་ཀྱི་གཞི་རྒྱ་ཆེ་རུ་བསྐྱེད་པ། རྨང་གཞིའི་སྒྲིག་ཆས་དང་ནུས་ཁུངས་གསར་པ། གཞི་གྲངས་དཔལ་འབྱོར། ལྗང་མདོག་དཔལ་འབྱོར་སོགས་ཁྱབ་ཁོངས་ཀྱི་མཉམ་ལས་ལ་ཤུགས་བསྣན་ནས། ཕྱོགས་གཉིས་ཀྱི་རྒྱུད་མཐུད་ཐུབ་པའི་འཕེལ་རྒྱས་ལ་རོགས་ཤུགས་འདོན་དགོས། ཀྲུང་གོ་ཕྱོགས་ཀྱིས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱིས་ཀྲུང་གོ་རུ་དངུལ་གཏོང་བྱེད་པར་དགའ་བསུ་ཞུ་བཞིན་ཡོད་ལ། ཀྲུང་གོའི་ཁེ་ལས་ཀྱིས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དུ་དངུལ་གཏོང་ལས་སྤེལ་བྱེད་པར་སྐུལ་མ་གཏོང་བཞིན་ཡོད་ཅེས་བསྟན།

མུའུ་ཧན་མའོ་ཏིས་ཀྲུང་གོ་གསར་པ་དབུ་བརྙེས་ནས་ལོ75ལོན་པར་རྟེན་འབྲེལ་ཞུས་ཤིང་། ཀྲུང་གོས་བླངས་པའི་འཕེལ་རྒྱས་ཀྱི་གྲུབ་འབྲས་ཆེན་མོར་ཡིད་སྨོན་བྱེད་པའི་ཚུལ་བསྟན། མུའུ་ཧན་མའོ་ཏི་ཡིས་བཤད་རྒྱུར། རྒྱལ་ཁབ་གཉིས་ཀྱི་འགོ་ཁྲིད་པའི་སེམས་ཁུར་དང་སྣེ་ཁྲིད་འོག ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་ཀྲུང་གོ་གཉིས་ཀྱི་འབྲེལ་བ་ཉེ་བའི་ལོ་འདི་འགར་འཕེལ་རྒྱས་ཆེན་པོ་བྱུང་ཡོད། ཨ་རབ་མཉམ་འབྲེལ་སྲིད་གཞུང་གིས་ཀྲུང་གོའི་འབྲེལ་བའི་འཕེལ་རྒྱས་ལ་ཧ་ཅང་མཐོང་ཆེན་བྱེད་པར་མ་ཟད། ཀྲུང་གོ་གཅིག་གི་སྲིད་ཇུས་ལག་བསྟར་མཐའ་འཁྱོལ་བྱེད་རྒྱུ་ཡིན། རྒྱལ་ཁབ་གཉིས་བར་འབྲེལ་བ་བཙུགས་ནས་ལོ40འགོར་བ་གོ་སྐབས་སུ་བྱས་ཏེ། རང་སྟེང་གི་དགེ་མཚན་འདོན་སྤེལ་གང་ལེགས་བྱེད་པ་དང་། ཀྲུང་གོ་ཕྱོགས་དང་སྦྲེལ་མཐུད་བྱེད་པར་ཤུགས་སྣོན་དང་། ཉོ་ཚོང་གཞི་རྒྱ་ཆེ་རུ་བསྐྱེད་པ། དངུལ་གཏོང་དང་ནུས་ཁུངས། སློབ་གསོ་སོགས་ཁྱབ་ཁོངས་ཀྱི་མཉམ་ལས་ཇེ་ཟབ་ཏུ་གཏོང་བ་དང་། མི་ཆོས་བརྗེ་རེས་དམ་ཟབ་ཏུ་བཏང་ནས། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་ཀྲུང་གོ་གཉིས་ཀྱི་ཕྱོགས་ཡོངས་འཐབ་ཇུས་མཉམ་ལས་གྲོགས་པོའི་འབྲེལ་བས་རྒྱུན་ཆད་མེད་པར་འཕེལ་རིམ་གསར་པ་ལོན་པར་སྐུལ་འདེད་གཏོང་རྒྱུ་ཡིན་ཟེར།

ཉིན་དེའི་སྔ་དྲོར། མུའུ་ཧན་མའོ་ཏི་ཡིས་ཨ་པུའུ་ཀྲ་པིས་མེས་རྒྱལ་ཕོ་བྲང་དུ་ལིས་ཆང་ལ་དགའ་བསུ་ཞུ་བའི་མཛད་སྒོ་བསྡུས།

རིག་འཛིན་སྒྲོལ་མས་བསྒྱུར།