ཟླ1ཚེས16ཉིན། མཚོ་སྔོན་ཞིང་ཆེན་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གིས་ཀྲུའུ་རིན་ཚོགས་འདུ་ཐེངས་སོ་དགུ་པ་བསྡུས། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲའུ་ཅི། ཀྲུའུ་རིན་གཞོན་པ་ཝང་ལིས་མེན་གྱིས་མགོ་འཛིན་བྱས། དབྱང་ཧྥིན་ཁྲུན་དང་། ཉི་མ་སྒྲོལ་མ། ལིའུ་ཐུང་ཏི། ཀྲང་ཧོང་ཡོན། ཝང་ཅིན་ཀྲའེ། ཁྲིན་ཏུང་ཁྲང་བཅས་ཚོགས་འདུར་ཞུགས།
ཚོགས་འདུའི་སྟེང་མཚོ་སྔོན་ཞིང་ཆེན་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གསུམ་པའི་སྟེང་གྲོས་ཞིབ་བྱེད་པར་སྤྲོད་པའི་འབྲེལ་ཡོད་མི་དོན་བྱ་བའི་སྐོར་གྱི་གསལ་བཤད་ལ་ཉན་པ་དང་། མཚོ་སྔོན་ཞིང་ཆེན་མི་དམངས་འཐུས་མི་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གིས་འཐུས་མི་ཁ་ཤས་ཀྱི་ཐོང་ཐང་ལ་ཞིབ་བཤེར་བྱེད་པའི་སྐོར་གྱི་སྙན་ཞུ་དང། མི་དོན་བསྐོ་འཐེན་སྐོར་གྱི་གྲོས་གཞིའི་སྙན་ཞུར་ཉན། ཀྲུའུ་རིན་ཚོགས་འདུའི་སྟེང་གོང་གི་གྲོས་གཞི་ཁག་རྒྱུན་ལས་ཨུ་ཡོན་ལྷན་ཁང་གི་ཚོགས་འདུའི་སྟེང་གྲོས་ཞིབ་བྱེད་པར་སྤྲོད་རྒྱུར་གྲོས་འཆམ་བྱུང་།
ཚོགས་འདུའི་སྟེང་མཚོ་སྔོན་ཞིང་ཆེན་སྐབས་བཅུ་བཞི་བའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གསུམ་པའི་སྐོར་གྱི་གྲོས་གཞི་དང་དུས་ཚོད་བཀོད་སྒྲིག་གི་སྙན་ཞུར་ཉན་ལ། ཀྲུའུ་རིན་ཚོགས་འདུའི་སྟེང་གྲོས་མཐུན་བྱུང་ནས་ཞིང་ཆེན་ཏང་ཨུ་ལ་སྙན་ཞུ་ཕུལ།
ཚོགས་འདུའི་སྟེང་མཚོ་སྔོན་ཞིང་ཆེན་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པའི་ཉིན་རེའི་གྲོས་རིམ་འཆར་ཟིན་གྱི་སྙན་ཞུར་ཉན། ཀྲུའུ་རེན་ཚོགས་འདུའི་སྟེང་རྒྱུན་ལས་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་དང་པོར་སྤྲད་ནས་གྲོས་མཐུན་བྱེད་པར་འཐད་པ་བྱུང་།
ཚོགས་འདུའི་སྟེང་མཚོ་སྔོན་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི2025ལོའི་བྱ་བའི་གཙོ་གནད་མ་ཡིག་དང་། མཚོ་སྔོན་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི2025ལོའི་ཁྲིམས་འཛུགས་བྱ་བའི་འཆར་གཞིའི་འཆར་ཟིན། 2025ལོའི་ཞིབ་བཤེར་དང་ཆོག་མཆན་འགོད་པའི་ཁྲིམས་ལུགས་སྲོལ་ཡིག་གི་བྱ་བའི་འཆར་གཞིའི་འཆར་ཟིན་བཟོ་བའི་གནས་ཚུལ། མཚོ་སྔོན་ཞིང་ཆེན་དམངས་ཆེན་ཨུ་ཡོན་ལྷན་ཁང་གི2025ལོའི་ལྟ་སྐུལ་བྱ་བའི་འཆར་གཞིའི་འཆར་ཟིན། མཚོ་སྔོན་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི2025ལོའི་འཐུས་མི་བྱ་བའི་འཆར་གཞིའི་འཆར་ཟིན་སྙན་ཞུ་བཅས་ལ་ཉན་པ་དང་། ཀྲུའུ་རིན་ཚོགས་འདུའི་སྟེང་རྩ་བའི་ཆ་ནས་གོང་གི་སྙན་ཞུ་ཁག་ཞིང་ཆེན་ཏང་ཨུ་ལ་སྙན་ཞུ་འབུལ་བར་འཐད་པ་བྱུང་།
ཁོན་ཐར་དབང་རྒྱལ་གྱིས་བསྒྱུར།
