ཟླ4པའི་ཚེས21ཉིན། ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི། ཀྲུའུ་ཞི་མགོན་པོ་བཀྲ་ཤིས་ཀྱི་མངགས་བཅོལ་ལྟར། ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི་གཞོན་པ། ཀྲུའུ་ཞི་གཞོན་པ་ཝང་ཀྲིན་ཁྲང་གིས་མགོ་འཛིན་བྱས་ནས་ཞིང་ཆེན་སྲིད་གྲོས་ཀྱི་ཏང་ཙུའུ་གྲོས་ཚོགས་དང་ཀྲུའུ་ཞིའི་གྲོས་ཚོགས་བསྡུས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་ཚོགས་འདུའི་དགོངས་དོན་སློབ་སྦྱོང་དང་བརྒྱུད་བསྒྲགས་བྱས་པ་དང་། འབྲེལ་ཡོད་དོན་དག་ལ་གྲོས་ཞིབ་བྱས།
གྲོས་ཚོགས་ལས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་ཚོགས་འདུའི་དགོངས་དོན་སློབ་སྦྱོང་བྱས་ནས་གོ་བ་ཟབ་མོ་ལེན་པ་དང་། མཚོ་སྔོན་གྱི་དོན་དངོས་དང་སྲིད་གྲོས་ཀྱི་བྱ་བར་ཟུང་འབྲེལ་བྱས་ཏེ། ཆབ་སྲིད་ཀྱི་ལངས་གནས་སྔར་ལས་ཇེ་མཐོར་གཏོང་བ་དང་། དེའི་ཚན་རིག་དང་མཐུན་པའི་འཇིག་རྟེན་ལྟ་བ་དང་བརྟག་ཐབས་སྨྲ་བར་སློབ་སྦྱོང་བྱས་ནས་གོ་བ་ལེན་པ། ཟབ་སྤེལ་དང་ནང་སྒྱུར། ཚུལ་སྒྱུར་བཅས་ཀྱི་བྱ་བ་ལེགས་པོར་སྒྲུབ་ནས། ཧུར་ཐག་སྒོས་སློབ་སྦྱོང་གི་གྲུབ་འབྲས་དེ་གཏན་ཕབ་གཉིས་ལ་མཐའ་གཅིག་ཏུ་གོང་བཀུར་བྱེད་པ་དང་སྲུང་སྐྱོང་གཉིས་ལེགས་པོར་སྒྲུབ་པའི་རང་རྟོགས་ཀྱི་བྱ་སྤྱོད་ལ་བསྒྱུར་དགོས། ཏང་གིས་སྲིད་གྲོས་བྱ་བར་ཕྱོགས་ཡོངས་ནས་མགོ་ཁྲིད་པ་རྒྱུན་འཁྱོངས་བྱེད་པ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་ལ་གཞིགས་ནས། མུ་མཐུད་དུ་ལས་སྒྲུབ་ལས་གཏོད་ཀྱི་སྙིང་སྟོབས་སྐྱེད་པ་དང་། བཅོས་སྒྱུར་གསར་གཏོད་ཀྱི་སྙིང་སྟོབས་ལ་བརྟེན་ནས་འགན་སྒྲུབ་ནུས་པ་འཛུགས་པར་ཤུགས་བསྣན་ཏེ། སྲིད་གྲོས་བྱ་བའི་སྤུས་ཀ་ཇེ་ལེགས་དང་ཕན་འབྲས་ཇེ་མཐོར་འགྲོ་བར་སྐུལ་འདེད་གཏོང་དགོས།
གྲོས་ཚོགས་ལས་ཞིང་ཆེན་སྲིད་གྲོས་ཏང་ཙུའུ་ཡིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་སྤེལ་བ་དང་གནད་དོན་ཞིབ་བཤེར་ཐག་གཅོད་བྱས་པའི་གནས་ཚུལ་གྱི་སྙན་ཞུར་ཉན། གྲོས་ཚོགས་ལས་ཀྲུང་དབྱང་དང་ཞིང་ཆེན་ཏང་ཨུའི་བཀོད་སྒྲིག་བླང་བྱ་ལྟར། གནད་དོན་ཞིབ་བཤེར་ཐག་གཅོད་དང་གཅིག་སྡུད་སྒོས་སྤྱོད་ཚུལ་ལེགས་བཅོས་བྱེད་པ་དེ་སློབ་སྦྱོང་སློབ་གསོའི་བྱེད་ཐབས་གཙོ་བོ་དང་འགག་རྩའི་ལས་རིམ་ལ་བརྩིས་ནས། གནད་དོན་ཤེས་ན་མྱུར་དུ་སྒྱུར་བཅོས་བྱེད་པ་དང་། མྱུར་དུ་ལག་བསྟར་དང་ལེགས་བཅོས་བྱེད་པ། ལེགས་མཐའ་འཁྱོལ་ཡོང་བ་བཅས་བྱས་ཏེ། གནད་དོན་གྱི་གསལ་ཐོ་དེ་གྲུབ་འབྲས་ཀྱི་གསལ་ཐོར་ཚུལ་སྒྱུར་བྱེད་པ་དང་། སྤྱོད་ཚུལ་འཛུགས་སྐྲུན་གྱི་གྲུབ་འབྲས་གསར་བར་བརྟེན་ནས་སྲིད་གྲོས་བྱ་གཞག་གི་སྤུས་ཚད་མཐོ་བའི་འཕེལ་རྒྱས་ལ་འགན་སྲུང་བྱེད་དགོས་པ་ནན་གྱིས་བསྟན།
གྲོས་ཚོགས་ལས་ད་དུང་ཞིང་ཆེན་སྲིད་གྲོས་ཀྱི་ཞིང་ཆེན་ལས་བརྒལ་ནས་སློབ་སྦྱོང་དང་རྟོག་ཞིབ་བྱེད་པ་དང་། ཞིང་ཆེན་ནང་ཁུལ་གྱི་རྟོག་ཞིབ་བཀོད་སྒྲིག དེ་མིན2025ལོའི་ཁྲིམས་འཛུགས་གྲོས་མོལ་འཆར་འགོད་སོགས་ལ་གྲོས་ཞིབ་བྱས།
རིན་ཆེན་རྣམ་རྒྱལ་དང་ཀྲང་ཞའོ་རུང་། ལིས་ཞའོ་ནན། ཐེན་ཁུའེ། ལིའུ་ཏ་ཡའེ། མཱ་ཡུའེ་ཞཱང་། ཕིན་ཡིའུ་ཏུང་། ཞའེ་པའོ་ཨིན་བཅས་གྲོས་ཚོགས་ལ་ཞུགས།
ལྷ་མོ་འཚོས་བསྒྱུར།
