ས་དེའི་ཟླ5པའི་ཚེས9ཉིན། ཨུ་རུ་སིས་མཛད་སྒོ་གཟབ་རྒྱས་བསྡུས་ཏེ། སུའུ་ལེན་གྱི་རླབས་ཆེན་རྒྱལ་སྲུང་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བར་དྲན་གསོ་ཞུས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་འཛམ་གླིང་གི་རྒྱལ་ཁབ20ལྷག་དང་རྒྱལ་སྤྱིའི་རྩ་འཛུགས་ཀྱི་མགོ་ཁྲིད་པ་བཅས་གདན་ཞུས་ལྟར་རྟེན་འབྲེལ་ཞུ་བའི་མཛད་སྒོར་ཞུགས།
ས་དེའི་ཟླ5པའི་ཚེས9ཉིན། ཨུ་རུ་སིས་མཛད་སྒོ་གཟབ་རྒྱས་བསྡུས་ཏེ། སུའུ་ལེན་གྱི་རླབས་ཆེན་རྒྱལ་སྲུང་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བར་དྲན་གསོ་ཞུས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་འཛམ་གླིང་གི་རྒྱལ་ཁབ20ལྷག་དང་རྒྱལ་སྤྱིའི་རྩ་འཛུགས་ཀྱི་མགོ་ཁྲིད་པ་བཅས་གདན་ཞུས་ལྟར་རྟེན་འབྲེལ་ཞུ་བའི་མཛད་སྒོར་ཞུགས།
ཟླ5པའི་མའོ་སི་ཁོ་རུ་གཡུ་ལོ་ཐགས་སུ་བཀྲ་ཞིང་མེ་ཏོག་རྣམ་པར་བཞད་ཡོད། རྒྱལ་ཁ་ཐོབ་པའི་ཉིན་མོའི་དར་ཆ་རླུང་གི་རྒྱུ་ཕྱོགས་དང་བསྟུན་ནས་ལྷབ་ལྷུབ་གཡོ། ཚོགས་ར་ཧྲིལ་བོར་བརྗིད་ཉམས་ལྡན་ཞིང་གཟབ་རྒྱས་ཆེ།
ཞི་ཅིན་ཕིང་ཁུ་ལིས་མུའུ་ལིན་ཕོ་བྲང་དུ་ཕེབས་ནས་དེ་གར་དགའ་བསུ་ཞུ་བཞིན་པའི་ཨུ་རུ་སིའི་ཙུང་ཐུང་ཕུའུ་ཅིང་ལ་བྱམས་བརྩེའི་ངང་ཕྱག་འཇུ་གནང་རྗེས། ཀྲུའུ་ཞི་ཞི་ཅིན་ཕིང་དང་ཙུང་ཐུང་ཕུའུ་ཅིང་གཉིས་མཉམ་དུ་ཞབས་ཐང་གིས་ཚོགས་རར་ཕེབས་ཏེ། གཟིགས་སྟེགས་གཙོ་བོ་ནས་བཞུགས།
སྔ་དྲོའི་ཆུ་ཚོད10སྟེང་དུ་ཁུ་ལིས་མུའུ་ལིན་ཕོ་བྲང་གི་ཅོང་སྒྲ་གྲགས་པ་དང་ལྷན་དུ་རྟེན་འབྲེལ་ཞུ་བའི་མཛད་སྒོ་དངོས་སུ་བསྡུས། དམག་དཔུང་རོལ་དབྱངས་ཚོགས་པས《བླ་ན་མེད་པའི་དམག་འཁྲུག》ཅེས་པའི་རོལ་དབྱངས་དཀྲོལ་ཞིང་། གཟབ་སྦྲེང་རུ་ཁག་གིས་ཨུ་རུ་སིའི་རྒྱལ་དར་དང་རླབས་ཆེན་གྱི་རྒྱལ་སྲུང་དམག་འཁྲུག་གི་རྒྱལ་ཁའི་དར་ཆ་ལ་སྲུང་སྐྱོབ་བྱས་ནས་ཚོགས་ར་རུ་འཛུལ།
ཕུའུ་ཅིང་གིས་ཤིས་ཚིག་ཕུལ་ཏེ། སུའུ་ལེན་གྱིས་མི་འབོར་ཁྲི་སྟོང་མང་པོའི་སྲོག་བློས་བཏང་ནས་མིའི་རིགས་ཡོངས་ཀྱི་ཞི་བདེ་དང་རང་དབང་ལ་སྲུང་སྐྱོབ་བྱས་ཡོད་ཅིང་། ང་ཚོས་ནམ་ཡང་རྒྱལ་ཁ་ཐོབ་པའི་དུས་སྐབས་བློ་ལ་བརྟན་པོར་ངེས་སུ་བཅུག་སྟེ། ཕ་རབས་ཀྱི་ཤུལ་བཞག་རྒྱུན་འཛིན་བྱས་ཏེ་བློ་སེམས་གཅིག་སྒྲིལ་བྱས་ནས་བླ་ན་མེད་པའི་གཟི་བརྗིད་འདི་ལ་དུས་ནམ་ཡང་སྲུང་སྐྱོབ་བྱ་རྒྱུ་ཡིན། ཀྲུང་གོ་མི་དམངས་ཀྱིས་དཔའ་ངར་ཆེན་པོས་འཇར་འགོག་དམག་འཁྲུག་བརྒྱབ་མྱོང་ལ། ང་ཚོས་ཀྲུང་གོ་མི་དམངས་ཀྱིས་མིའི་རིགས་ཀྱི་ཐུན་མོང་གི་འབྱུང་འགྱུར་བསྐྲུན་ཆེད་བྱས་རྗེས་ཆེན་པོ་བཞག་པར་བསྔགས་བརྗོད་ཆེན་པོ་བྱེད་ཀྱིན་ཡོད། ང་ཚོས་འཛམ་གླིང་འཁྲུག་ཆེན་གཉིས་པའི་ལོ་རྒྱུས་བློ་ལ་བརྟན་པོར་ངེས་པའི་སྒོ་ནས་ལོ་རྒྱུས་དཔྱད་གཞིར་འཛིན་དགོས། རྒྱལ་ཁ་ནི་བླ་ན་མེད་པ་ཞིག་ཡིན་པས། ལོ་རྒྱུས་ལ་བཟོ་བཅོས་བྱེད་མི་རུང་ཞིང་། རྒྱལ་ཁ་ཐོབ་མཁན་ལ་བརྙས་བཅོས་དེ་བས་ཀྱང་བྱེད་མི་རུང་། ལོ་རྒྱུས་དང་དྲང་བདེན་དུས་ནམ་ཡང་ང་ཚོའི་ཕྱོགས་སུ་ལངས་ཡོད་ཅེས་བསྟན།
དེའི་རྗེས་སུ་དམག་དཔུང་རོལ་དབྱངས་ཚོགས་པས་ཨུ་རུ་སིའི་རྒྱལ་གླུ་དཀྲོལ་ཞིང་། ཚོགས་ར་རུ་གུས་ལུགས་མེ་སྒྱོགས་བརྒྱབ་པའི་སྒྲ་བསྟུད་མུར་མཆེད་མ་ཐག་ཏུ་གཟབ་རྒྱས་ཀྱི་དམག་གཟིགས་མཛད་སྒོ་དངོས་སུ་བསྡུས། གཟིགས་ཞིབ་རུ་ཁག་གྲལ་འགྲིག་ཅིང་གོམ་སྟབས་མཉམ་པོའི་སྒོ་ནས་ཚོགས་རར་རིམ་བཞིན་བསྐྱོད། དམག་གཟིགས་མཛད་སྒོའི“ལོ་རྒྱུས”ཞེས་པའི་ཚན་པའི་ཁྲོད་དུ། ཨུ་རུ་སིའི་དཔོན་དམག་གིས་སུའུ་ལེན་གྱི་རླབས་ཆེན་རྒྱལ་སྲུང་དམག་འཁྲུག་དུས་སྐབས་ཀྱི་དམག་ལྭ་གྱོན་ནས་ལོ་དེའི་དམག་དར་མཐོན་པོར་བསྒྲེངས་ཤིང་། སྐབས་དེའི་མཚོན་ཆ་དམ་པོར་བཟུང་སྟེ་སྙིང་སྟོབས་ཆེན་པོས་གཟིགས་ཞིབ་དང་ལེན་བྱས་ནས། དམག་གཟིགས་མཛད་སྒོར་ཞིབ་གཟིགས་གནང་མཁན་ཡོངས་ཧྥ་ཤི་སིར་འགོག་རྒོལ་བྱེད་པའི་གཡོ་འགུལ་ཆེ་བའི་ལོ་རབས་དེའི་ཀློང་དུ་ངང་གིས་དྲངས། དམག་གཟིགས་མཛད་སྒོའི“དེང་རབས”ཞེས་པའི་ཚན་པའི་ཁྲོད་དུ། ཨུ་རུ་སིའི་རིགས་སོ་སོའི་དམག་དཔུང་གི་རུ་བསྟར་དང་དེང་རབས་སྒྲིག་ཆས་རུ་བསྟར་གྱིས་གྲལ་འགྲིག་པའི་སྒོ་ནས་གཟིགས་ཞིབ་དང་ལེན་བྱས། མཁའ་དབྱིངས་དམག་དཔུང་གི་འཕུར་སྐྱོད་རུ་ཁག་གིས་འུར་སྒྲ་སྒྲོག་བཞིན་དུ་ཚོགས་རའི་མཁའ་དབྱིངས་སུ་འཕུར་བ་ན། 《རྒྱལ་ཁ་ཐོབ་པའི་ཉིན་མོ》ཞེས་པའི་རོལ་དབྱངས་དུས་ཡུན་རིང་བོར་བར་མེད་མཚམས་མེད་དུ་གྲགས། ཀྲུང་གོ་སོགས་རྒྱལ་ཁབ10ལྷག་གི་དྲག་ཆས་སྟོབས་ཤུགས་ཀྱི་རུ་བསྟར་ཡང་གདན་ཞུས་ལྟར་དམག་གཟིགས་མཛད་སྒོར་ཞུགས། ཀྲུང་གོ་མི་དམངས་བཅིངས་འགྲོལ་དམག་གི་དམག་དཔུང་གསུམ་གྱི་གཟབ་སྦྲེང་རུ་ཁག་གི་རུ་བསྟར་དཔའ་ཉམས་ཆེ་ལ་རྔམ་བརྗིད་ལྡན་པའི་སྒོ་ནས་ཚོགས་ར་རུ་གྲལ་འགྲིག་པའི་ངང་བསྐྱོད།
རྟེན་འབྲེལ་ཞུ་བའི་མཛད་སྒོ་གྲོལ་རྗེས། ཞི་ཅིན་ཕིང་རྒྱལ་ཁབ་གཞན་དག་གི་མགོ་ཁྲིད་པ་དང་མཉམ་དུ་རྟེན་འབྲེལ་ཞུ་ཡུལ་ནས་ཡཱ་ལིས་ཧྲན་ཏཱ་མེ་ཏོག་ལྡུམ་རར་ཕེབས་ནས། མིང་མེད་དཔའ་བོར་མེ་ཏོག་ཕུལ་ཏེ་མྱ་ངན་ཞུས། དེའི་རྗེས་སུ་རྒྱལ་ཁབ་སོ་སོའི་མགོ་ཁྲིད་པས་རྗེས་དྲན་མཉམ་པར་བསྐྱོན།
ཉིན་དེའི་ཉིན་གུང་། ཞི་ཅིན་ཕིང་ཙུང་ཐུང་ཕུའུ་ཅིང་གིས་བཤམས་པའི་སུའུ་ལེན་གྱི་རླབས་ཆེན་རྒྱལ་སྲུང་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བར་དྲན་གསོ་དང་རྟེན་འབྲེལ་ཞུ་བའི་གསོལ་སྟོན་ལ་ཞུགས།
ཚའེ་ཆི་དང་ཝང་དབྱི་སོགས་གོང་གསལ་གྱི་བྱེད་སྒོར་ཞུགས།
བན་དེ་སྐྱབས་ཀྱིས་བསྒྱུར།
