ཝུའུ་ཁི་ལན་གྲོས་ཁང་གིས་ཚེས་བཅུ་གཉིས་ཉིན་བརྡས་ཐག་བཅད་དེ། ཝུའུ་ཁི་ལན་ཏོན་ནེ་ཚི་ཁི་ཀྲིག་དང་ལུའུ་ཀན་སི་ཁི་ཀྲིག་གི་ས་ཁུལ་སྐོར་ཞིག་གི་ས་གནས་རང་སྐྱོང་གི་དམིགས་བསལ་ལམ་ལུགས་ཀྱི་བཅའ་ཁྲིམས་ཀྱི་ལག་བསྟར་ཡུན་ཚད་དེ་ཉིས་སྟོང་ཉི་ཤུ་ལོའི་ཟླ་བཅུ་གཉིས་པའི་ཚེས་སོ་གཅིག་ཉིན་བར་ལོ་གཅིག་གིས་ཇེ་རིང་དུ་གཏོང་རྒྱུ་ཐག་བཅད། 

ཝུའུ་ཁི་ལན་གྲོས་ཁང་གསར་འགྱུར་ཅུའུ་ཡི་དྲ་ཚིགས་སྟེང་སྤེལ་བའི་སྤྱི་སྒྲོག་ལས་བཤད་རྒྱུར། ཉིན་དེར་འདེམ་ཤོག་འཕེན་སྐབས་བསྡོམས་པས་གྲོས་མི་སུམ་བརྒྱ་དང་ཉི་ཤུ་ཡིད་འཐད་བྱུང་བ་དང་། གྲོས་ཁང་གིས་བཅའ་ཁྲིམས་འཆར་ཟིན་ལ་གྲོས་མཐུན་འགོད་པར་མཁོ་བའི་ཆེས་དམའ་བའི་ཚད་ཉིས་བརྒྱ་དང་ཉེ་དྲུག་ལས་བརྒལ་ཡོད་ཟེར། 

ལོ་ཙཱ་བ། བསོད་ནམས་ཚེ་རིང་།