འཛམ་གླིང་འཕྲོད་བསྟེན་རྩ་འཛུགས་ཀྱིས་ཚེས་བཅུ་གཉིས་ཉིན་བསྒྲགས་པའི་གཞི་གྲངས་གསར་བ་ལྟར་ན། འཛམ་གླིང་ཡོངས་སུ་པྲོག་གསར་གློ་ཚད་རིམས་ནད་བྱུང་བའི་ནད་པའི་ཁ་གྲངས་བྱེ་བ་གཉིས་དང་འབུམ་གཅིག་ཁྲི་དྲུག་སྟོང་གཉིས་བཞི་བརྒྱ་དོན་བཞིར་བསླེབ་ཡོད། 

གཞི་གྲངས་ལས་མངོན་པ་ལྟར་ན། ཡོ་རོབ་གླིང་དབུས་ཕྱོགས་ཀྱི་ཚེས་བཅུ་གཉིས་ཉིན་གྱི་དུས་ཚོད་བཅུའི་བར། འཛམ་གླིང་ཡོངས་སུ་པྲོག་གསར་གློ་ཚད་རིམས་ནད་བྱུང་བའི་ནད་པའི་ཁ་གྲངས་འབུམ་གཉིས་དང་ཁྲི་གཅིག་སྟོང་བཞི་དགུ་བརྒྱ་གྱ་ལྔ་ཇེ་མང་དུ་སོང་ནས། བསྡོམས་པས་ནད་པ་བྱེ་བ་གཉིས་དང་འབུམ་གཅིག་ཁྲི་དྲུག་སྟོང་གཉིས་བཞི་བརྒྱ་དོན་བཞིར་བསླེབས་པ་དང་། རྐྱེན་ལམ་དུ་ཤོར་བའི་ནད་པའི་ཁ་གྲངས་སྟོང་བཞི་དང་བརྒྱད་བརྒྱ་སོ་ལྔ་ཇེ་མང་དུ་སོང་ནས། བསྡོམས་པས་འབུམ་བདུན་དང་ཁྲི་གསུམ་སྟོང་བདུན་བཞི་བརྒྱ་བཅུ་བདུན་ལ་བསླེབ་ཡོད། 

ལོ་ཙཱ་བ། བསོད་ནམས་ཚེ་རིང་།