ཚེས་གཉིས་ཉིན། དབྱི་རག་གི་ཙུང་ཐུང་ལཱ་ཞི་ཏི་དང་ཙུང་ལི་སུའུ་ཏན་ཉི་གཉིས་ཀྱིས་པཱ་ཀི་ཏ་རུ་སོ་སོར་འཚམས་འདྲིར་ཡོང་བའི་སོ་ཏི་ཨ་རབ་ཀྱི་ཕྱི་འབྲེལ་བློ་ཆེན་ཧྥེ་ས་ཨར་དང་ཐུག་འཕྲད་བྱས་ཏེ། རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་ལ་སྐུལ་འདེད་གཏོང་དགོས་པ་དང་། མཐུན་སྦྱོར་སྒོས་ས་ཁུལ་གྱི་ཛ་དྲག་གི་གནས་བབ་ཞི་འཇགས་སུ་གཏོང་བར་ཤུགས་སྣོན་དགོས་པ་ནན་གྱིས་བསྟན།
དབྱི་རག་ཙུང་ཐུང་བཞུགས་ཤག་གིས་ཉིན་དེར་སྤེལ་བའི་གསལ་བསྒྲགས་ལྟར་ན། ལཱ་ཞི་ཏི་ཡིས་ཐུག་འཕྲད་བྱེད་སྐབས་བཤད་རྒྱུར། དབྱི་རག་གིས་རྒྱལ་ཁབ་གཉིས་ཀྱི་རིམ་པ་མང་བོའི་མཉམ་ལས་ལ་ཤུགས་སྣོན་འདོད་ཡོད་པར་མ་ཟད། ཐུན་མོང་གི་སེམས་ཁུར་བྱེད་པའི་ས་ཁུལ་དང་རྒྱལ་སྤྱིའི་གནད་དོད་ཐད་མཐུན་སྦྱོར་དང་གྲོས་མོལ་བྱེད་འདོད་ཡོད་ཟེར། ཧྥེ་ས་ཨར་གྱིས་སོ་ཏི་ཨ་རབ་ཀྱིས་རྒྱལ་ཁབ་གཉིས་བར་རང་བྱུང་སོལ་རླངས་གསར་སྤེལ་སོགས་མཉམ་ལས་སྤེལ་འདོད་ཡོད་ཅེས་བསྟན།
དབྱི་རག་གི་ཙུང་ལི་སྨྱན་བྱད་གཞུང་སྒྲུབ་ཁང་གིས་ཀྱང་གསལ་བསྒྲགས་སྤེལ་ནས་བཤད་རྒྱུར། སུའུ་ཏན་ཉི་དང་ཧྥེ་ས་ཨར་གཉིས་ཀྱིས་ཕྱོགས་ཀྱི་འབྲེལ་བ་དང་ཁྱབ་ཁོངས་སོ་སོའི་མཉམ་ལས་ལ་ཤུགས་སྣོན་པ། ས་ཁུལ་དང་རྒྱལ་སྤྱིའི་ལས་དོན་སྟེང་མཐུན་སྦྱོར་བྱེད་པ་སོགས་གནད་དོན་ཐད་གྲོས་བསྡུར་བྱས།
ལྷ་མོ་ཚེ་རིང་གིས་བསྒྱུར།
