ཨེ་ཅིབ་ཀྱི་ཙུང་ཐུང་སེ་ཞི་ཡིས་ཚེས་ཉེར་བཞི་ཉིན་བསྟན་དོན། ཁོས་ཨེ་ཅིབ་གདན་ཞུས་ཐོབ་ནས་གསེར་གྱོམ་མཉམ་ལས་རྐྱེན་སྲོལ་ནང་ཞུགས་པར་གཟེངས་བསྟོད་བྱེད་བཞིན་ཡོད། ཨེ་ཅིབ་ཀྱིས་ད་ཡོད་ཀྱི་གསེར་གྱོམ་ཁོངས་གཏོགས་རྒྱལ་ཁབ་དང་ཁོངས་གཏོགས་རྒྱལ་ཁབ་གསར་བའི་བར་གྱི་མཐུན་སྦྱོར་མཉམ་ལས་བྱས་ཏེ། ཁོངས་གཏོགས་རྒྱལ་ཁབ་བར་གྱི་དཔལ་འབྱོར་མཉམ་ལས་ཀྱི་དམིགས་འབེན་མངོན་འགྱུར་བྱེད་དགོས་པ་དང་། མདུན་དུ་ལྷགས་པའི་གནད་དོན་དང་འགྲན་རྩོད་སྣ་ཚོགས་ཐད་ནས་འཛམ་གླིང་ཡོངས་ཀྱི་འཕེལ་རྒྱས་སུ་འགྲོ་བཞིནཔ་འི་རྒྱལ་ཁབ་དག་གིས་འབོད་སྐུལ་མཐོན་པོར་བསྒྲགས་ནས་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཀྱི་ཁེ་ཕན་ལ་སྐུལ་འདེད་གཏོང་དགོས་ཟེར།

སེ་ཞི་ཡིས་ཨེ་ཅིབ་ཀྱི་ཙུང་ཐུང་བཞུགས་ཤག་ནས་ཉིན་དེར་གསལ་སྒྲོག་སྤེལ་ཏེ་བཤད་རྒྱུར། བདག་གིས་གསེར་གྱོམ་རྒྱལ་ཁབ་ཀྱིས་ཨེ་ཅིབ་གདན་ཞུ་བྱས་ནས་ཉིས་སྟོང་ཉེར་བཞི་ལོའི་ཟླ་དང་པོར་གསེར་གྱོམ་མཉམ་ལས་རྐྱེན་སྲོལ་ནང་ཞུགས་པའི་ཆོད་དོན་ལ་མཐོང་ཆེན་བྱེད་ཅིང་། གསེར་གྱོམ་རགྱལ་ཁབ་དང་ང་ཚོའི་བར་འབྲེལ་བ་བཟང་བོ་ཡོད་ལ། ང་ཚོས་གསེར་གྱོམ་རྒྱལ་ཁབ་ཚང་མས་ང་ཚོར་ཡིད་ཆེས་བྱས་པར་བཀའ་དྲིན་ཞུ་བཞིན་ཡོད་ཟེར།

བསོད་ནམས་ཚེ་རིང་གིས་བསྒྱུར།