ཚེས་ཉེར་བརྒྱད་ཉིན་འཇར་མན་གྱི་ཕྱི་འབྲེལ་བློན་ཆེན་པེ་ཨར་པའོ་ཁི་ཡིས་པའོ་ལིན་ནས་འཚམས་འདྲིར་ཡོང་བའི་དབྱི་ཐཱ་ལེའི་ཙུང་ལི་གཞོན་པའམ་ཕྱི་འབྲེལ་བློན་ཆེན་ཐཱ་ཡཱ་ནེ་ལ་ཐུག་འཕྲད་བྱས།
པེ་ཨར་པའོ་ཁི་ཡིས་གྲོས་མོལ་བྱས་རྗེས་བསྟན་དོན། འཇར་མན་གྱིས་མུ་མཐུད་དུ་དམངས་ཁྲོད་ཀྱི་མཚོ་ཐོག་རྒུད་སྐྱོབ་ལས་ཁུངས་ལ་རྒྱབ་སྐྱོར་བྱེད་རྒྱུ་ཡིན་ཟེར། ཐཱ་ཡཱ་ནེ་ཡིས་བསྟན་དོན། འཇར་མན་གྱི་བྱེད་ཐབས་དེ་ལས་གནས་སྤོར་སྡོད་དམངས་དག་དབྱི་ཐཱ་ལེ་རུ་ཡོང་བར་རོགས་འདེགས་བྱེད་སྲིད་ཟེར།
དབྱི་ཐཱ་ལེ་ནི་གནས་སྤོར་སྡོད་དམངས་དག་ཨ་ཧྥེ་རི་ཁ་བྱང་མའི་ས་ཁུལ་ནས་གྲུ་གཟིངས་ལ་བསྡད་དེ་ས་དཀྱིལ་མཚོ་ཁོངས་བརྒྱུད་ནས་ཡོ་རོབ་གླིང་མནའ་འབྲེལ་རྒྱལ་ཁབ་ཏུ་བགྲོད་པའི་སྐམ་སའི་གནས་གཙོ་བོ་ཞིག་ཡིན་ལ། དེའི་སྔོན་དབྱི་ཐཱ་ལེའི་སྲིད་གཞུང་གིས་ཕྱི་རྒྱལ་གྱི་དམངས་ཁྲོད་རྒུད་སྐྱོབ་གྲུ་གཟིངས་ནི་གནས་སྤོར་སྡོད་དམངས་ཀྱི་སྐྱེལ་འདྲེན་གྲུ་གཟིངས་སུ་གྱུར་ཡོད་པར་སྐྱོན་འཛུགས་བྱས།
བསོད་ནམས་ཚེ་རིང་གིས་བསྒྱུར།
