ཕཱ་ལེ་སི་ཐན་དབྱི་སི་ལན་འགོག་རྒོལ་རྩ་འཛུགས་ཧཱ་མཱ་སིའི་སྨྱན་བྱད་གཞུང་སྒྲུབ་ཁང་གིས་ཚེས19ཉིན་གྱི་ཞོགས་པར་གསལ་སྒྲོག་སྤེལ་ཏེ། དབྱི་སི་རལ་གྱི་དམག་དཔུང་གིས་ཚེས18ཉིན་གྱི་དགོང་མོར་ཅཱ་ཧྲའི་བྱང་ཕྱོགས་ཀྱི་ཅེ་པཱ་ལེ་ཡེ་ཡུལ་གྱར་བའི་སྒར་སའི་དམངས་ཀྱི་སྡོད་ཁང་མང་བོར་འགས་གཏོར་བཏང་སྟེ། བུད་མེད21དང་བཅས་པའི་མི33རྐྱེན་ལམ་དུ་ཤོར་ཟེར།

གསལ་སྒྲོག་ལས་བཤད་རྒྱུར། འཇབ་རྒོལ་དེ་ལས་ད་རུང་མི85ལ་རྨས་ཕོག་ཡོད་ལ། རྨས་མ་མང་ཆེ་བའི་རྨས་སྐྱོན་ཚབས་ཆེན་རེད་ཟེར། རྐྱེན་ལམ་དུ་ཤོར་བའི་མི་མང་བོ་ཁང་བའི་ཞིག་རོའི་འོག་ཏུ་མནན་ཡོད་པས། རྐྱེན་ལམ་དུ་ཤོར་བའི་མི་གྲངས་མི་ལྔ་བཅུར་བསླེབས་ཀྱང་སྲིད་ཟེར། གསལ་སྒྲོག་ལས་ནན་གྱིས་བསྟན་དོན། ཨ་མེ་རི་ཁ་དང་དབྱིན་ཇི། འཇར་མན། ཧྥ་རན་སི་བཅས་རྒྱལ་ཁབ་ཀྱི་འགེབས་སྲུང་འོག དབྱི་སི་རལ་གྱིས་མུ་མཐུད་དུ་འཇབ་རྒོལ་འགུལ་སྐྱོད་སྤེལ་བ་རེད་ཟེར།

དབྱི་སི་རལ་གྱི་དམག་དཔུང་གིས་མིག་སྔར་ད་རུང་འཇབ་རྒོལ་དོན་རྐྱེན་དེའི་ཐད་ནས་རྣམ་འགྱུར་ཅི་ཡང་བསྟན་མེད།

བསོད་ནམས་ཚེ་རིང་གིས་བསྒྱུར།