ཟླ་དགུ་བའི་ཚེས་བཅུ་དྲུག་ཉིན། ཀྲུང་གོའི་མཚོ་དམག་གི་ཧོང་ཧྲན་རྟགས་ཅན་གྱི་གྲུ་གཟིངས་དང་ཨུ་རུ་སིའི་ཐི་ལི་པུའུ་ཚི་རྟགས་ཅན་གྱི་ཆུ་འཛུལ་གྲུ་གཟིངས་ལ་རྒོལ་བའི་གྲུ་གཟིངས་མཉམ་དུ་སྦྱོང་བརྡར་བྱེད་སའི་མཚོ་ཁོངས་སུ་འགྲོ་བཞིན་པ།
ཟླ་དགུ་བའི་ཚེས་བཅུ་དྲུག་ཉིན། ཀྲུང་གོ་དང་ཨུ་རུ་སའི་ཉིས་སྟོང་བཅུ་དྲུག་ལོའི་མཚོ་ཐོག་མཉམ་འབྲེལ་ཞེས་པའི་དམག་དོན་སྦྱོང་བརྡར་གྱིས་ཧྲིན་ཅང་ཤར་ངོས་ཀྱི་མཚོ་ཁོངས་ནས་མཚོ་ཐོག་གི་མཉམ་འབྲེལ་འགུལ་སྐྱོད་སྦྱོང་བརྡར་སྤེལ། སྦྱོང་བརྡར་ནས་འགུལ་བདེའི་མཐུན་སྦྱོར་བྱེད་ཐབས་ལ་བརྟེན་ནས་དམག་དོན་སྦྱོང་བརྡར་ལ་ཞུགས་པའི་ཕྱོགས་གཉིས་ཀྱི་སྦྱོང་བརྡར་ཆུ་ཚད་དང་འཐབ་རྩལ་ནུས་པར་ཚད་འཇལ་བྱས། སྦྱོང་བརྡར་བྱེད་སྐབས་ཀྲུང་གོ་དང་ཨུ་རུ་སི་ཕྱོགས་གཉིས་ཀྱིས་ཐོག་དང་པོར་བཀོལ་བའི་ཀྲུང་གོ་དང་ཨུ་རུ་སིའི་མཉམ་འབྲེལ་ཆེད་སྤྱོད་བཀོད་འདོམ་བརྡ་འཕྲིན་མ་ལག་ལ་བརྟེན་ནས། དུས་ལྟར་གཡུལ་སའི་གནས་ཚུལ་ལ་རྒྱུས་ལོན་བྱས་པ་དང་། མྱུར་ཞིང་གཅིག་ཆོད་ཀྱི་འཐབ་འཛིང་བྱེད་ཐབས་དང་གཟབ་ནན་གྱི་འགོག་རྒོལ་འགུལ་སྐྱོད་སྤེལ་ཏེ། སྦྱོང་བརྡར་གྱི་གྲུབ་འབྲས་བཟང་བོ་མངོན་པར་བྱས་ཡོད།