ཨེ་ཅིབ་དང་ཁི་ཝེ་ཐིའི་མཁའ་དམག་གིས་ཚེས་དྲུག་ཉིན་ནས་བཟུང་ཨེ་ཅིབ་ནས་ཚབ་མིང་ལ་ཡེ་ཨར་མུའུ་ཁི་གསུམ་པ་ཞེས་པའི་མཉམ་འབྲེལ་དམག་དོན་སྦྱོང་བརྡར་བྱ་འགུལ་སྤེལ་མགོ་བརྩམས།
ཨེ་ཅིབ་དཔོན་ཕྱོགས་ཀྱིས་བསྒྲགས་པ་ལྟར་ན། དམག་དོན་སྦྱོང་བརྡར་དེ་ལ་བར་སྣང་ནས་ཆམ་ཕབ་གཏོང་བ་དང་། འགོག་སྲུང་། དགྲ་བོའི་དམིགས་འབེན་ལ་བར་སྣང་ནས་མྱུལ་ཞིབ་བྱེད་པ་སོགས་ཀྱི་སྦྱོང་བརྡར་ནང་དོན་འདུས་པ་རེད།
བསྒྲགས་པ་ལྟར་ན། དམག་དོན་སྦྱོང་བརྡར་དེ་སྤེལ་བའི་དམིགས་ཡུལ་ནི་ཨེ་ཅིབ་དང་ཁི་ཝེ་ཐི་ཡིས་མཉམ་དུ་བར་སྣང་ལས་འགན་ལག་བསྟར་བྱེད་པའི་ནུས་པ་ཇེ་དྲག་ཏུ་གཏོང་བ་དང་། ཕྱོགས་གཉིས་ཀྱི་དམག་དོན་མཉམ་ལས་ལ་ཡར་སྐུལ་གཏོང་བའི་ཆེད་དུ་རེད། རྒྱལ་ཁབ་གཉིས་ཀྱིས་དེའི་སྔོན་ཉིས་སྟོང་བཅུ་ལོའི་ཟླ་བཅུ་གཉིས་པ་དང་ཉིས་སྟོང་བཅུ་དྲུག་ལོའི་ཟླ་བཞི་བར་ཡེ་ཨར་མུའུ་ཁི་དང་པོ་དང་ཡེ་ཨར་མུའུ་ཁི་གཉིས་པ་ཞེས་པའི་མཉམ་འབྲེལ་དམག་དོན་སྦྱོང་བརྡར་བྱ་འགུལ་སྤེལ་བ་རེད།
ཉིས་སྟོང་བཅུ་བཞི་ལོའི་ཟླ་དྲུག་པར་སེ་ཞི་ཡིས་ཨེ་ཅིབ་ཀྱི་ཙུང་ཐུང་གི་འགན་ཁུར་བའི་ཚུན་ལ། ཨེ་ཅིབ་ཀྱིས་རྒྱལ་ཁབ་མང་བོའི་བར་དམག་དོན་མཉམ་ལས་མང་དུ་སྤེལ་བ་རེད།
