དབྱི་རག་ཉེན་རྟོག་ཕྱོགས་ཀྱིས་ཚེས་ཉེར་དྲུག་ཉིན་བཤད་རྒྱུར། དབྱི་རག་གི་ཉེན་རྟོག་པ་ལྔ་དབྱི་རག་བྱང་ཕྱོགས་ཀྱི་ཅི་ཨར་ཁུའུ་ཁི་ཞིང་ཆེན་ནས་ལམ་འགྲམ་འགས་གཏོར་འཇབ་རྒོལ་ཐེབས་ཏེ་རྐྱེན་ལམ་དུ་ཤོར་ཟེར།
ཅི་ཨར་ཁུའུ་ཁི་ཞིང་ཆེན་གྱི་ཉེན་རྟོག་དཔོན་པོ་ཨོ་པེ་ཏིས་ཀྱིས་གསར་འགོད་པར་བཤད་རྒྱུར། རྒྱལ་ཕྲན་མཉམ་འབྲེལ་ཉེན་རྟོག་པའི་སྐོར་གཡེང་རུ་ཁག་ཅིག་གིས་ཉིན་དེའི་ཞོགས་པར་ཞིང་ཆེན་དེའི་ནུབ་ཕྱོགས་ཀྱི་ལཱ་ཧྲ་ཏི་གྲོང་རྡལ་ཉེ་འདབས་ཀྱི་མྱུར་བགྲོད་གཞུང་ལམ་ཞིག་གི་སྟེང་དུ་སྐོར་གཡེང་བྱེད་སྐབས་ལམ་འགྲམ་གྱི་འགད་རྫས་འགས་གཏོར་འཇབ་རྒོལ་ཐེབས་ཏེ། ཉེན་རྟོག་པའི་རླངས་འཁོར་གཅིག་ལ་གཏོར་བརླག་ཐེབས་པ་དང་། ཉེན་རྟོག་པ་ལྔ་རྐྱེན་ལམ་དུ་ཤོར་ཟེར།
ཁོས་བཤད་རྒྱུར། ཉེན་རྟོག་ཕྱོགས་ཀྱིས་བལྟས་ན། ཐེངས་འདིའི་འཇབ་རྒོལ་དོན་རྐྱེན་ནི་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱི་ཁོངས་མིས་བཟོས་པ་ཡིན་པར་འདོད། མིག་སྔར་དབྱི་རག་གི་བདེ་འཇགས་དམག་དཔུང་གིས་ས་ཁུལ་དེ་བཀག་སྡོམ་བྱས་ནས་སྔོག་བཤེར་བྱེད་བཞིན་ཡོད།
ལོ་ཙཱ་བ། བསོད་ནམས་ཚེ་རིང་།
