ཨ་མེ་རི་ཁའི་དམག་མི་གཉིས་ཨ་ཧྥུའུ་ཧན་ནས་རྐྱེན་ལམ་དུ་ཤོར། 
2019.06.27 ཁུངས། ཞིན་ཧྭ་གསར་འགྱུར་དྲ་བ། ཀློག་གྲངས། 25

བྱང་ཆིངས་རྩ་འཛུགས་ཀྱི་ཨ་ཧྥུའུ་ཧན་དུ་སྡོད་པའི་མཉམ་འབྲེལ་དམག་དཔུང་གིས་ཚེས་ཉེར་དྲུག་ཉིན་བདེན་དཔང་བྱས་དོན། ཨ་མེ་རི་ཁའི་དམག་མི་གཉིས་ཚེས་ཉེར་ལྔ་ཉིན་ཨ་ཧྥུའུ་ཧན་ནས་རྐྱེན་ལམ་དུ་ཤོར་ཟེར། 

བྱང་ཆིངས་རྩ་འཛུགས་ཀྱི་ཨ་ཧྥུའུ་ཧན་དུ་སྡོད་པའི་མཉམ་འབྲེལ་དམག་དཔུང་གི་མགྲིན་ཚབ་པས་ཁ་པར་བཅར་འདྲིའི་ཁྲོད་གསར་འགོད་པར་བཤད་རྒྱུར། ཨ་མེ་རི་ཁའི་དམག་མི་གཉིས་ཨ་ཧྥུའུ་ཧན་ནས་རྐྱེན་ལམ་དུ་ཤོར་བ་ངས་བདེན་དཔང་བྱས་པ་ཡིན་ཟེར། 

མགྲིན་ཚབ་པ་དེས་ཨ་མེ་རི་ཁའི་དམག་མི་དེ་གཉིས་ཇི་ལྟར་རྐྱེན་ལམ་དུ་ཤོར་བའི་ཐད་ཀྱི་གནས་ཚུལ་ཞིབ་ཏུ་བརྗོད་མེད་པ་རེད། 

ཐཱ་ལེ་པན་གྱིས་ཉིན་དེར་གསལ་སྒྲོག་སྤེལ་ཏེ། ཐཱ་ལེ་པན་གྱི་དྲག་ཆས་ཉེས་ཅན་གྱིས་ཚེས་ཉེར་ལྔ་ཉིན་ཝ་ཨར་ཏཱ་ཁི་ཞིང་ཆེན་གྱི་སེ་དབྱེ་ཏཱ་པཱ་ཏི་ས་ཁུལ་ནས་ཨ་མེ་རི་ཁའི་དམག་མིར་འཇབ་རྒོལ་བྱས་ཏེ། ཨ་མེ་རི་ཁའི་དམག་མི་གཉིས་བསད་ཡོད་ཟེར། 



ལོ་ཙཱ་བ། བསོད་ནམས་ཚེ་རིང་།