མང་རྫོང་མི་རིགས་སློབ་འབྲིང་གིས་ཉེ་སྔོན་རྩོམ་རིག་སློབ་གསོའི་བྱ་འགུལ་ཏེ་དགེ་རྒན་སྟག་འབུམ་རྒྱལ་གྱི་གསར་རྩོམ་བརྒྱུད་རིམ་ལ་ལྟ་བ་ཞེས་པ་སྤེལ། མང་རྫོང་མི་རིགས་སློབ་འབྲིང་གི་དགེ་སློབ་དྲུག་བརྒྱ་ཙམ་བྱ་འགུལ་ལ་ཞུགས།

 བྱ་འགུལ་སྤེལ་སྐབས་དེང་རབས་བོད་ཀྱི་རྩོམ་སྟེགས་སུ་གོ་གནས་གལ་ཆེན་བཟུང་ཡོད་པའི་དགེ་རྒན་སྟག་འབུམ་རྒྱལ་ནར་སོན་གྱི་ལོ་ཟླ་དང་སློབ་གཉེར་གྱི་བརྒྱུད་རིམ། གསར་རྩོམ་གྱི་མྱོང་བ་བཅས་ལ་རྒྱུས་ལོན་དང་མཉམ་རོལ་བྱས། 

དགེ་རྒན་སྟག་འབུམ་རྒྱལ་གྱི་བརྩམས་སྒྲུང་ཁྲོད་ཀྱི་བརྗོད་བྱ་ཕལ་ཆེ་བ་ནི། རོང་འབྲོག་ས་ཁུལ་དུ་འཚོ་གནས་ལ་རོལ་བཞིན་པའི་མི་སེར་དཀྱུས་མའི་ལས་དབང་དང་རྒྱུན་གཏན་གྱི་སྤྱི་ཚོགས་འཚོ་བའི་སྣང་ཚུལ་མཚོན་པ་གཙོ་བོར་བྱས་ཡོད་པས། ཁོང་ནི་བོད་ཀྱི་ཞིང་གྲོང་གི་རྩོམ་པ་པོའི་ཚབ་མཚོན་མི་སྣ་རེད་ཅེས་བརྗོད་ན་ཆོག་སྟེ། དེ་ནི་ཁོ་རང་ཉིད་ཀྱི་འཚོ་བ་ཡིན་པ་དང་ཁོ་རང་ཉིད་ཆེས་ཆ་རྒྱུས་ཡོད་པའི་འཚོ་བ་ཡིན་ལ། འཚོ་བ་དེ་དག་བརྩམས་ཆོས་ཀྱི་ནང་དུ་དྲངས་པས།  དངོས་ཡོད་དང་འཆར་ཡན་གྱིས་ཕྱུག་པའི་བརྩམས་ཆོས་ཕུལ་དུ་བྱུང་བ་རེ་རེ་བརྩམས་གྲུབ་བྱུང་བ་རེད།  དེ་བཞིན་དུ་ཁོང་ནི་བོད་ཀྱི་སྒྲུང་གཏམ་རྩོམ་པ་པོའི་ཁྲོད་ནས་བརྩམས་