སྤྱི་ཟླ4བའི་ཚེས23ཉིན་གྱི་དུས་ཚོད་བཅུ་གཉིས་དང་སྐར་མ་སུམ་ཅུའི་སྟེང་། མཚོ་སྔོན་དགེ་འོས་སློབ་ཆེན་མི་རིགས་དགེ་འོས་སློབ་གླིང་བོད་ཀྱི་སྐད་ཡིག་དང་རྩོམ་རིག་སྡེ་ཁག་གིས་མཐུན་རྐྱེན་སྦྱར་ཏེ། 2015 ལོའི་ཞིབ་འཇུག་འཛིན་གྲྭས་འཛམ་གླིང་དཔེ་ཀློག་ཉིན་མོར་སློབ་གྲོགས་རྣམས་ཀྱི་དཔེ་ཀློག་གི་འདུན་པ་ཇེ་ཆེ་དང་། དཔེ་ཀློག་གི་དགོས་གལ་རང་བཞིན་ཤེས་རྟོགས་བྱ་རྒྱུ། སློབ་གྲྭའི་སློབ་སྦྱོང་གི་མཁའ་དབུགས་སྔར་ལས་ཕུན་སུམ་ཇེ་ཚོགས་སུ་གཏོང་པ་བཅས་དགེ་མཚན་དུ་མར་དམིགས་ནས་དཔེ་ཆ་རིན་མེད་གཟིགས་འབུལ་དང་བོད་རིག་པའི་ཤེས་བྱའི་དྲི་བ་དྲིས་ལན། དཔེ་ཆར་ཇི་ལྟར་ལྟ་བའི་སྐོར་གྱི་ཐབས་ལམ་སོགས་སྣ་འཛོམས་རང་བཞིན་གྱི་བྱ་འགུལ་ཞིག་སྤེལ།
དེར་གཙོ་བོ་དགེ་རྒན་ཆེན་མོ་རྒྱ་ཡེ་བཀྲ་བྷོའི་དཔེ་ཆར་ཇི་ལྟར་ལྟ་བའི་སྐོར་གྱི་གླེང་མོལ་ཞེས་པའི་ཚོགས་བཤད་ཀྱི་ཟིན་བྲིས་དང་། རྒྱའི་རྩོམ་པ་པོ་ཧྥིན་ཇེའུ་ཚེ་ཡི་དཔེ་ཆར་རེག་པ་ཞེས་པའི་ལྷུག་རྩོམ། གཞན་ད་དུང་རྒྱ་བོད་དབྱིན་གསུམ་གྱི་ལམ་ནས་འཛམ་གླིང་དཔེ་ཀློག་ཉིན་མོའ