སྤྱི་ཟླ4བའི་ཚེས20ཉིན་ནས་ཚེས25ཉིན་བར། མང་རྫོང་མི་རིགས་སློབ་འབྲིང་གིས་འཛམ་གླིང་དཔེ་ཀློག་ཉིན་མོ་བསུ་བ་དང་སློབ་གྲྭའི་སྐབས་གཉིས་པའི་དཔེ་ཀློག་དུས་ཆེན་གྱི་བྱེད་སྒོ་སྤེལ།

ཐེངས་འདིའི་དཔེ་ཀློག་དུས་ཆེན་ནི་མང་རྫོང་མི་རིགས་སློབ་འབྲིང་གི་སློབ་ཨུ་དང་སློབ་སྟོན་ཁང་གིས་རྩ་འཛུགས་བྱས་ཤིང་། བྱེད་སྒོའི་ནང་དོན་ལ་འཛིན་གྲྭ་སོ་སོའི་དཔེ་ཀློག་གི་བཟང་ངན་འབྱེད་པ་དང་སློབ་གྲོགས་སོ་སོའི་དཔེ་ཀློག་གི་མང་ཉུང་བསྡུར་བ། ལག་བྲིས་ཚགས་པར་དང་དཔེ་ཀློག་མྱོང་ཟིན་འགྲན་པ། ད་དུང་དགེ་སློབ་གཉིས་ཀྱིས་དཔེ་ཀློག་མྱོང་ཚོར་གཏམ་བཤད་དུ་སྤེལ་བ་བཅས་ཀྱིས་གྲུབ་པ་ཞིག་ཡིན་པས། འགྲན་ཞུགས་པ་ཆེས་མང་ཞིང་འགྲན་བསྡུར་རྣམ་གྲངས་ཆེས་ཆེ་བའི་བྱེད་སྒོ་ཞིག་ཀྱང་རེད།

གཞན་ཡང་། སྤྱི་ཟླ4བའི་ཚེས25ཉིན་གྱི་ཕྱི་དྲོར་སློབ་གྲྭའི་ལུས་རྩལ་ར་བ་རུ་དགེ་སློབ་གཉིས་ཀྱི་དཔེ་ཀློག་མྱོང་ཚོར་གྱི་གཏམ་བཤད་འགྲན་བསྡུར་བྱས་ཤིང་། ཐེངས་འདིའི་འགྲན་བསྡུར་ལ་སློབ་གྲྭའི་ལོ་རིམ་སྡེ་ཁག་གསུམ་གྱི་དགེ་སློབ35ཞུགས་ཡོད་ལ། དཔྱད་འདེམས་དགེ་རྒན་དག་གིས་འགྲན་ཞུགས་པའི་གཏམ་བཤད་ཀྱི་བརྗོད་གཞིའི་ནང་དོན་དང་དལ་ལྷོད་རན་པའི་བརྩེ་དུང་གི་ཉམས་འགྱུར། གསལ་དག་སྙན་གསུམ་གྱི་སྐད་གདངས། གར་སྟེགས་ཀྱི་གཟི་ཉམས། བློ་འ