གཟབ་ནན་གྱིས་ཞིང་ཆེན་ཡོངས་ཀྱི་བདུན་ལྔ་བཅའ་ཁྲིམས་འཆར་འགོད་ལག་བསྟར་དོན་འཁྱོལ་བྱེད་པ་དང་བཅའ་ཁྲིམས་སྡེ་བར་སྐྱོད་པའི་བྱ་འགུལ་གཏིང་ཟབ་ཏུ་སྤེལ་བ། ཧུར་ཐག་གིས་རྒྱ་ཆེའི་མང་ཚོགས་ཀྱི་བཅའ་ཁྲིམས་སྤུས་ཚད་མཐོར་འདེགས་གཏོང་བ་དང་ཁྲིམས་སྐྱོང་འདུ་ཤེས་ཇེ་དྲག་ཏུ་གཏོང་བ། རྒྱུན་ཆད་མེད་པར་མི་དམངས་མང་ཚོགས་དང་ལྷག་པར་དུ་དབུལ་ཕོངས་མང་ཚོགས་ཀྱི་བཅའ་ཁྲིམས་འདུ་ཤེས་ཀྱི་དགོས་མཁོ་སྐོང་ཆེད། མཚོ་སྔོན་ཞིང་ཆེན་ཁྲིམས་འཛིན་ཐིན་གྱིས་ཁྲིམས་སྐྱོང་དྲིལ་སྒྲོག་སློབ་གསོ་ཞིང་ཆེན་ཡོངས་ཀྱི་གནད་ཕིགས་དབུལ་སྐྱོར་བྱ་བའི་ཁྲོད་བཞག་སྟེ་མཉམ་དུ་སྐུལ་འདེད་གཏོང་རྒྱུ་རྒྱུན་འཁྱོངས་བྱས་པ་དང་རྒྱ་བོད་ཡིག་རིགས་གཉིས་ཀྱི་མཚོ་སྔོན་ཞིང་ཆེན་གྱི་གནད་ཕིགས་དབུལ་སྐྱོར་སྡེ་བར་སྡོད་པའི་ཧྲུའུ་ཅི་དང་པོའི་བཅའ་ཁྲིམས་ཤེས་བྱའི་ཀློག་དེབ་ཅེས་པ་ཁྲི་ལྔ་རྩོམ་སྒྲིག་པར་སྐྲུན་བྱས་ཏེ་ཞིང་ཆེན་ཡོངས་ཀྱི་ས་ཁུལ་སོ་སོར་བཀྲམ།
བཅའ་ཁྲིམས་ཤེས་བྱའི་ཀློག་དེབ་དེས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཁྲིམས་ལྟར་རྒྱལ་ཁབ་སྐྱོང་བའི་འབྲེལ་ཡོད་རྣམ་བཤད་དང་རྩ་ཁྲིམས་ཤེས་བྱ། བཅའ་ཁྲིམས་ཁྲིམས་སྲོལ་ཐད་ཀྱི་ཤེས་བྱ་དང་ཏང་གི་སྒྲིག་ལུགས་བཅས་ཕྱོགས་བཞིའི་ཐད་ནས་དྲི་བ་དྲིས་ལན་གྱི་རྣམ་པ་སྤྱད་དེ་མང་ཚོགས་ཀྱིས་སེམས་ཁུར་བྱེད་པའི་འབྲེལ་ཡོད་བཅའ་ཁྲིམས་ཤེས་བྱར་འགྲེལ་བཤད་གནད་བསྡུས་བྱས་ཡོད་པ་དང་། གཙོ་བོར་མང་ཚོགས་ཀྱི་ཐོན་སྐྱེད་འཚོ་བ་དང་འབྲེལ་བ་དམ་པོ་ཡོད་པའི་རྒྱུ་ནོར་རྒྱུན་འཛིན་དང་བུད་མེད་དང་བྱིས་པའི་ཁེ་དབང་ལ་འགན་སྲུང་བྱེད་པ། ངལ་རྩོལ་གན་རྒྱ། ས་ཞིང་འགན་གཙང་ལེན་བྱེད་པ། ཁོར་ཡུག་སྲུང་སྐྱོབ། འགལ་བ་ཐག་གཅོད་བྱེད་པ་སོགས་བཅའ་ཁྲིམས་ཤེས་བྱར་ཁ་གསལ་ཞིང་གོ་བདེ་བའི་སྒོ་ནས་ལན་བཏབ་ཡོད། དེ་ལས་གཞན། རྒྱལ་ཁབ་ཀྱི་བདེ་འཇགས་ལ་འབྲེལ་བ་ཡོད་པའི་ཉེས་དོན་བཅའ་ཁྲིམས་དང་སྤྱི་ཚོགས་བདེ་སྐྱོང་དོ་དམ། མི་རིགས་ཆོས་ལུགས་ཐད་ཀྱི་བཅའ་ཁྲིམས་ཤེས་བྱ་དང་དེ་མིན་རྒྱུན་ལྡན་གྱི་བཅའ་ཁྲིམས་ཐད་ཡིག་ཆ་ཡང་ནང་དུ་བཀོད་ཡོད་པས་སྡེ་སྡོད་ཧྲུའུ་ཅི་དང་པོ་དང་སྡེ་སྡོད་ལས་བྱེད་པས་གནད་ཕིགས་དབུལ་སྐྱོར་དང་གནད་ཕིགས་དབུལ་ཐར་གྱི་ཁྲིམས་སྐྱོང་དྲིལ་སྒྲོག་སློབ་གསོ་སྤེལ་བ་དང་རོང་འབྲོག་མང་ཚོགས་ཀྱི་བཅའ་ཁྲིམས་དང་འབྲེལ་བ་ཡོད་པའི་གནད་དོན་ཐག་གཅོད་བྱེད་པ། ཁྲིམས་སྐྱོང་འདུ་ཤེས་དང་ཁྲིམས་སྐྱོང་བྱེད་ཐབས་སྤྱད་དེ་གནད་ཕིགས་དབུལ་སྐྱོར་འཆར་གཞི་བདེ་བླག་ངང་ལག་བསྟར་བྱེད་པར་རོགས་སྐྱོར་གྱི་ནུས་པ་འདོན་ཐུབ།
