ཚགས་དམ་པའི་སྒོ་ནས་དབུལ་སྐྱོར་ཁུལ་གྱི་རུལ་སྲུང་ལ་ངོ་རྒོལ་དང་སྤྱོད་གཙང་དར་སྤེལ་བྱ་བར་སྐུལ་འདེད་བྱེད་པའི་ཆེད་དུ། ཟླ་དགུ་བའི་ཚེས་བཅུ་དགུ་ཉིན། མཚོ་སྔོན་ཞིང་ཆེན་མི་དམངས་ཞིབ་དཔྱོད་ཁང་གི་ལས་ཐོག་ཉེས་གསོག་ལ་སྔོན་འགོག་བྱེད་པའི་དྲིལ་བསྒྲགས་ཟླ་བའི་བྱ་འགུལ་མགོ་བརྩམ་པ་དང་། བྱ་འགུལ་གྱི་ཉིན་དེར་ཞིང་ཆེན་ཞིབ་དཔྱོད་ཁང་གིས་ཞིང་ཆེན་སྦྲགས་སྲིད་ཀུང་ཟི་དང་མཉམ་དུ་ལས་ཐོག་ཉེས་གསོག་ལ་སྔོན་འགོག་བྱེད་པའི་སྦྲགས་སྲིད་སྐྱེལ་འདྲེན་ལམ་གྱི་ཆེད་དོན་བྱ་འགུལ་སྤེལ།
དྲིལ་བསྒྲགས་ཟླ་བའི་བྱ་འགུལ་སྟེང་དོགས་སོན་དྲིལ་བསྒྲགས་བྱ་བ་ཞིང་གྲོང་དུ་བསྐྱོད་པ་དང་ནག་ཉེས་སྔོན་འགོག་དང་དབུལ་སྐྱོར་སྤེལ་བ་བརྗོད་གཞིར་བཟུང་སྟེ། དབུལ་སྐྱོར་མཁྲེགས་གཏོར་གྱི་ལམ་ལུགས་དང་ཁྲིམས་ལུགས་ཁྲིམས་སྲོལ་དྲིལ་བསྒྲགས་བྱེད་པ་གཙོ་བོར་བཟུང་སྟེ། ལས་ཐོག་ཉེས་གསོག་གྱོད་དོན་དཔེར་བླངས་ནས་གནད་དོན་བྱུང་བའི་རྒྱུ་རྐྱེན་དང་གནོད་སྐྱོན་ལ་སྤྱི་སྡོམ་དང་དབྱེ་ཞིབ་བྱེད་པ། ཞང་དང་གྲོང་རྡལ། སྡེ་བའི་ཨུ་ཡོན་ལྷན་ཁང་གི་ལས་བྱེད་མི་སྣར་རུལ་སྲུང་ལ་ངོ་རྒོལ་དང་བྱ་བའི་ལས་གཞི་དམ་སྲུང་བྱེད་དགོས་པའི་ཉེན་བརྡ་དང་སློབ་གསོ་བཏང་།
བྱ་འགུལ་གྱི་སྐབས་སུ་ཞིང་ཆེན་དང་གྲོང་ཁྱེར། ཁུལ་སོ་སོའི་ཞིབ་དཔྱོད་ཁང་གིས་རང་རང་ས་ནས་ཞིབ་དཔྱོད་མི་སྣ་བསྡུ་རབ་བྱས་ཏེ། ཉིས་སྟོང་བཅུ་བདུན་ལོའི་ཞིང་ཆེན་ཡོངས་ཀྱི་ཞིབ་དཔྱོད་ཁང་གིས་ལས་ཐོག་ཉེས་གསོག་ལ་སྔོན་འགོག་བྱེད་པའི་སྒྲོག་སྤེལ་ཚོགས་པ་བཙུགས་ཏེ། ཞིང་ཆེན་ཡོངས་ཀྱི་ཞང་དང་གྲོང་རྡལ་སུམ་བརྒྱ་གོ་དགུ་ལྷག་ལ་སོང་ནས་དྲིལ་བསྒྲགས་བྱ་འགུལ་སྤེལ་བ་དང་། སྦྲགས་སྲིད་སྐྱེལ་འདྲེན་མཁན་སྡེ་བའི་ནང་དུ་བསྐྱོད་པའི་དགེ་མཚན་འདོན་སྤེལ་བྱས་ཏེ། མཚོ་སྔོན་ཞིང་ཆེན་དབུལ་སྐྱོར་ཁུལ་གྱི་ཁྲིམས་འགལ་དཔེ་འོས་གྱོད་དོན་ཉེན་སྐུལ་ཟིན་ཐོ་སྦྲགས་སྲིད་ཀྱི་ལམ་ནས་རྗོང་དང་གྲོང་རྡལ་སོ་སོར་བསྐུར་ཏེ། རྒྱ་ཆེའི་མི་དམངས་མང་ཚོགས་ལ་ལས་ཐོག་ཉེས་གསོག་ལ་སྔོན་འགོག་བྱེད་པའི་འབྲེལ་ཡོད་ཤེས་བྱ་དྲིལ་བསྒྲགས་བྱས་པ་དང་སྔོན་འགོག་གི་བྱ་བ་ཐམས་ཅད་དོན་ཐོག་ཏུ་འཁྱོལ་བར་ཁག་ཐེག་བྱས།
ཡིག་སྒྱུར་བ། ཀུན་བཟང་སྒྲོལ་མ།
