སྤྱོད་ཁང་བཅོས་སྒྱུར་ལས་དོན་ནི་རྨང་གཞིའི་བཟོ་སྐྲུན་དང་དཔལ་ཡོན་བཟོ་སྐྲུན། དམངས་ཚིས་བཟོ་སྐྲུན། ཞང་དང་སྡེ་བ་བསྐྱར་དར་འཐབ་ཇུས་ཀྱི་ལས་རིམ་གལ་ཆེན་བཅས་ཡིན་པས། ཉེ་ལམ། ཡུས་ཧྲུའུ་བོད་རིགས་རང་སྐྱོང་ཁུལ་གྱིས་དུས་ཡུན་ལོ་ངོ་གསུམ་གྱི་འཆར་གཞིའི་ནང་དུ་སྤྱོད་ཁང་ཁྲི་གཉིས་དང་སྟོང་ལྔ་བཞི་བརྒྱ་འཛུགས་སྐྲུན་བྱས་ཏེ། ཡུས་ཧྲུའུ་ཁུལ་ཧྲིལ་བོར་སྤྱོད་ཁང་གི་ཁ་གྲངས་འདང་ངེས་ཡོད་པར་བྱེད་པ་དང་སྤྱོད་ཁང་འགྲེམ་ཚུལ་ལུགས་དང་མཐུན་པ། བྱེད་ནུས་ཆེ་ལ་སྤྱོད་སྒོ་ལེགས་པ། དོ་དམ་ཕན་འབྲས་ལྡན་པ། ཁོར་ཡུག་སྲུང་སྐྱོབ་དང་འཕྲོད་བསྟེན་ལ་ཕན་པ་བཅས་ལ་འབད་དེ། སྤྱོད་ཁང་དཔལ་ཡོན་ཅན་གྱི་དམིགས་ཚད་ལ་སླེབས་པར་བྱས་ནས། མང་ཚོགས་ཀྱི་འཚོ་བར་སྟབས་བདེ་གང་མང་བསྐྲུན་རྒྱུ་དང་། མི་དམངས་མང་ཚོགས་ཀྱི་ཉིན་རེར་ཡར་རྒྱས་འགྲོ་བཞིན་པའི་འཚོ་བའི་དགོས་མཁོ་བསྐང་ཅི་ཐུབ་བྱེད་རྒྱུ་རེད།