ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་འཁོར༦༩ལོན་པའི་དུས་འདིར། མཚོ་ནུབ་ཁུལ་མི་རིགས་སྐད་ཡིག་གཞུང་སྒྲུབ་ཁང་གིས་སྣེ་ཁྲིད་དེ་མཚོ་ནུབ་ཁུལ་དྲིལ་སྒྲོག་པུའུ་དང་ཁུལ་སློབ་གསོ་ཅུའུ། ཁུལ་རྩོམ་རིག་སྒྱུ་རྩལ་ལྷན་ཚོགས། ཁུལ་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་བཅས་ཀྱིས་མཉམ་དུ་གཙོ་སྒྲུབ་གནང་ཞིང་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་དང་མཚོ་ནུབ་རྒྱང་སྒྲོག་བརྙན་འཕྲིན་ཁང་གཉིས་ཀྱིས་རོགས་སྒྲུབ་བརྙན་ཕབ་བྱས་པའི་མི་རིགས་མཐུན་སྒྲིལ་དྲིལ་སྒྲོག་ཟླ་ཞེས་པའི་བརྗོད་དོན་བྱ་འགུལ་ཏེ༼ མཚོ་ནུབ་ཁུལ་བོད་ཀྱི་སློབ་གྲྭ་ཆུང་འབྲིང་གི་མི་རིགས་སྐད་ཡིག་སྙན་ངག་གྱེར་འདོན་འགྲན་ཚོགས་སྐབས་དགུ་བ ༽ དེ་ཚེས༡༣ཉིན་ཏུའུ་ལན་རྫོང་མཐོ་རིམ་སློབ་འབྲིང་དུ་བདེ་བླག་ངང་བསྡུས།
བྱ་འགུལ་གྱིས༼ གུང་ཁྲན་ཏང་བཟང་། སྤྱི་ཁྱབ་ཧྲུའུ་ཅི་བཟང་། ཏང་གི་བཀའ་ལ་ཉན། ཏང་གི་རྗེས་སུ་འབྲངས ༽ཞེས་པ་བརྗོད་བྱར་བཟུང་སྟེ། མཚོ་ནུབ་ཁུལ་གྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གསར་གཏོད་བྱེད་པའི་ཕན་འབྲས་ཁྱོན་ཡོངས་ནས་སྲ་བརྟན་དང་མཐོར་འདེགས་སུ་གཏོང་ཆེད་དང་། ནན་ཏན་གྱིས༼ འདུ་ཤེས་བཞི ༽ དཀྱིལ་སྙིང་དུ་བཟུང་སྟེ། ཞིང་ཆེན་ཏང་ཨུའི་སྐབས་བཅུ་གསུམ་པའི་ཚང་འཛོམས་གྲོས་ཚོགས་ཐེངས་བཞི་བའི་དགོངས་དོན་དང་༼སྔོན་འགྲོ་གཅིག་དང་སྤུས་ལེགས་གཉིས ༽ ཀྱི་ཐབས་ཇུས་དོན་འཁྱོལ་བྱེད་ཆེད། མཚོ་ནུབ་ཁུལ་གྱིས་མི་རིགས་སློབ་གྲྭ་ཆུང་འབྲིང་གི་སློབ་མ་སུམ་བཅུ་ལྷག་རྩ་འཛུགས་བྱས་ཏེ་ཐེངས་འདིའི་འགྲན་ཚོགས་འདི་སྤེལ་བ་ཡིན། འགྲན་ཚོགས་ཁྲོད་སློབ་མ་རྣམས་ཀྱིས་དུང་བའི་རླབས་ཀྱི་ཟེགས་མ་དང་དབྱངས་ཅན་ངག་གི་འགྱུར་ཁུག་གིས་མེས་རྒྱལ་ལ་བསྟོད་གླུ་འབུལ་བ་དང་མཚོ་ནུབ་ཁུལ་གྱི་མི་རིགས་སློབ་གསོའི་འཕེལ་རྒྱས་དང་ཏང་གི་མི་རིགས་སློབ་གསོའི་སྲིད་ཇུས་ཀྱི་གཡུར་དུ་ཟ་བའི་གྲུབ་འབྲས་མངོན་པར་མཚོན་ཡོད།
བྱ་འགུལ་འདིའི་དམིགས་ཡུལ་ནི་རྒྱ་ཆེ་བའི་ན་ཆུང་གཞོན་ནུ་རྣམས་ཀྱི་རྒྱལ་གཅེས་རིང་ལུགས་ཀྱི་བསམ་བློ་སྐྱེད་སྲིང་དང་། ན་ཆུང་སློབ་གྲོགས་རྣམས་ཀྱིས་ཆུང་དུས་ནས་མི་རིགས་ཀྱི་སྐད་ཡིག་དང་སྲོལ་རྒྱུན་རིག་གནས་ལ་སློབ་སྦྱོང་བྱས་ནས་མི་རིགས་སྐད་ཡིག་གི་བཀོལ་སྤྱོད་དང་རྩོམ་རིག་འབྲི་སྦྱོང་ཐད་ཀྱི་ནུས་པ་མཐོར་འདེགས་བྱ་རྒྱུ། སློབ་རའི་རིག་རྩལ་འཚོ་བ་ཕུན་སུམ་ཇེ་ཚོགས་སུ་གཏོང་བ་བཅས་ཀྱི་ཆེད་དུ་མི་རིགས་སྐད་ཡིག་སྙན་ངག་གྱེར་འདོན་འགྲན་ཚོགས་འདི་བསྡུས་པ་ཡིན་ལ།འགྲན་ཚོགས་འདི་ལྟ་བུ་བརྒྱུད་ནས་མཚོ་ནུབ་ཁུལ་གྱིས་ན་ཆུང་སློབ་བུ་མང་པོའི་བློ་གྲོས་ཀྱི་གཤིན་སར་མི་རིགས་སྐད་ཡིག་དང་རྩོམ་རིག་གསར་རྩོམ་གྱི་ས་བོན་གྲངས་མེད་གཏོར་ཏེ་མ་འོངས་པའི་མཚོ་ནུབ་ས་ཁུལ་གྱི་མི་རིགས་སྐད་ཡིག་འཕེལ་རྒྱས་དང་སློབ་གསོ་ཡར་སྐུལ།རྩོམ་རིག་གསར་རྩོམ་སོགས་ཀྱི་ཐད་འཇོན་མི་མང་པོ་སྐྱེད་སྲིང་བྱེད་པར་རྨང་གཞི་བརྟན་པོ་འདིང་ངེས།
ཐེངས་འདིའི་བྱ་འགུལ་སྟེང་ཕེབས་པའི་འབྲེལ་ཡོད་འགོ་ཁྲིད་ལྷན་རྒྱས།
མཚོ་ནུབ་ཁུལ་མི་རིགས་སྐད་ཡིག་བྱ་བའི་གཞུང་སྒྲུབ་ཁང་གི་ཀྲུའུ་རིན་གཞོན་པ་ཚེ་རིང་རྣམ་རྒྱལ་གྱིས་གཏམ་བཤད་གནང་བཞིན་པ།
ཏུའུ་ལན་རྫོང་གི་རྫོང་དཔོན་གཞོན་པ་བསམ་གཏན་ཚེ་རིང་གིས་གཏམ་བཤད་གནང་བཞིན་པ།
ཐེངས་འདིའི་འགྲན་སྡུར་གྱི་དཔྱད་འདེམས་པ་ལྷན་རྒྱས།
གྱེར་འདོན་བྱེད་པའི་ཉམས་སྣང་།
གྱེར་འདོན་བྱེད་པའི་ཉམས་སྣང་།
གྱེར་འདོན་བྱེད་པའི་ཉམས་སྣང་།
གྱེར་འདོན་བྱེད་པའི་ཉམས་སྣང་།
གྱེར་འདོན་བྱེད་པའི་ཉམས་སྣང་།
སློབ་ཆུང་རིམ་པའི་ཕུལ་བྱུང་བྱ་དགའ་ཐོབ་མཁན་རྣམས།
སློབ་ཆུང་རིམ་པའི་བྱ་དགའ་ཨང་གསུམ་པ་ཐོབ་མཁན་རྣམས།
སློབ་ཆུང་རིམ་པའི་བྱ་དགའ་ཨང་གཉིས་པ་ཐོབ་མཁན་རྣམས།
སློབ་ཆུང་རིམ་པའི་བྱ་དགའ་ཨང་གཉིས་པ་ཐོབ་མཁན།
སློབ་འབྲིང་རིམ་པའི་ཕུལ་བྱུང་བྱ་དགའ་ཐོབ་མཁན་རྣམས།
སློབ་འབྲིང་རིམ་པའི་བྱ་དགའ་ཨང་གསུམ་པ་ཐོབ་མཁན་རྣམས།
སློབ་འབྲིང་རིམ་པའི་བྱ་དགའ་ཨང་གཉིས་པ་ཐོབ་མཁན་རྣམས།
སློབ་འབྲིང་རིམ་པའི་བྱ་དགའ་ཨང་དང་པོ་ཐོབ་མཁན།
མཚོ་ནུབ་ཁུལ་བོད་ཀྱི་སློབ་གྲྭ་ཆུང་འབྲིང་གི་མི་རིགས་སྐད་ཡིག་སྙན་ངག་གྱེར་འདོན་འགྲན་ཚོགས་སྐབས་དགུ་བ་བདེ་བླག་ངང་མཇུག་བསྡུས།
གསར་འགོད་པ། དབང་རྒྱལ་ཚེ་རིང་། ཐུབ་བསྟན། ལྷ་བརྟན་ཚེ་རིང་།
