རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་འབུད་རྫས་ལས་སྣོན་བྱེད་བཞིན་པ།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་འབུད་རྫས་ལས་སྣོན་བྱེད་བཞིན་པ།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་འབུད་རྫས་སྐྱེལ་འདྲེན་བྱེད་བཞིན་པ།
ཉེ་བའི་ལོ་འགའི་རིང་།གནད་འཁེལ་དབུལ་སྐྱོར་གྱི་སྐུལ་འདེད་དང་གོང་རིམ་འབྲེལ་ཡོད་སྡེ་ཁག་གིས་ཤུགས་ཆེན་གྱིས་རྒྱབ་སྐྱོར་བྱས་འོག རྨ་ལྷོ་བོད་རིགས་རང་སྐྱོང་ཁུལ་རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་དེ་རང་གི་ཁྱད་ཆོས་ལྡན་པའི་ཕྱུག་འགྱུར་གྱི་ལམ་དུ་ཞུགས་འགོ་བརྩམས།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་ནིཉིས་སྟོང་བཅུ་དྲུག་ལོའི་ཟླ་གསུམ་པར་བཙུགས། སྐྱེ་དངོས་ནུས་སྲི་འབུད་རྫས་འཕེལ་རྒྱས་གཏོང་བ་གཙོ་བོར་འཛིན་པའི་ཚན་རྩལ་ཁོར་སྲུང་རང་བཞིན་འཛོམས་པའི་རོང་འབྲོག་མང་ཚོགས་ཀྱི་དཔལ་འབྱོར་མཉམ་ལས་རྩ་འཛུགས་ཤིག་ཡིན།
མཉམ་ལས་ཁང་བཙུགས་པ་ནས་བཟུང་། སྔ་ཕྱིར་ཁྱོན་བསྡོམས་སྒོར་ཁྲི་ཉིས་བརྒྱ་དང་དྲུག་ཅུ་ཡི་མ་དངུལ་བཏང་ནས་ཐོན་སྐྱེད་རྟེན་གཞི་ཐོག་མར་འཛུགས་སྐྲུན་བྱས་ཤིང་། མཉམ་ལས་ཁང་གི་སྤྱིའི་རྒྱ་ཁྱོན་ལ་མུའུ་ཉེར་གཅིག་ཡོད།
རྩེ་ཁོག་རྫོང་ཨུ་དང་རྫོང་མི་དམངས་སྲིད་གཞུང་གིས་ཤུགས་ཆེན་གྱིས་རྒྱབ་སྐྱོར་བྱས་འོག སྔ་རྗེས་སུ་སྒོར་ཁྲི་དོན་ལྔ་ལྷག་བཏང་སྟེ། ཐོན་སྐྱེད་ལས་གཞི་རྒྱ་བསྐྱེད་བཏང་། མཉམ་ལས་ཁང་གིས་ལྕི་བ་དང་རིལ་མ་རྒྱུ་ཆ་གཙོ་བོ་བྱས་ཏེ། དེང་རབས་ལག་རྩལ་གྱིས་ལས་སྣོན་བརྒྱུད། ཉིན་རེར་ཏུན་བཅོ་ལྔ་ཐོན་སྐྱེད་བྱེད་ཐུབ་པར་མ་ཟད་དེ་དག་ཐད་ཀར་བཀོལ་སྤྱོད་བྱེད་ཆོག་པའི་རྣམ་པ་གསར་བའི་འབུད་རྫས་གཙང་མ་བཟོས། ལས་བཟོ་བ་རེར་ཟླ་རེར་སྒོར་ཆིག་སྟོང་བརྒྱད་བརྒྱའི་གླ་ཕོགས་བྱིན་ཏེ་མིག་སྔའི་འཚོ་བའི་གནད་དོན་ཐག་གཅོད་བྱེད་པར་རོགས་རམ་བྱས།
དེའི་མཚུངས་སུ་མཉམ་ལས་ཁང་གིས་ཐོན་སྐྱེད་གཞི་ཁྱོན་ཅན་དང་ཚན་རྩལ་ཅན་དུ་འཛུགས་སྐྲུན་བྱེད་པར་ཉེ་འཁོར་གྱི་དབུལ་ཁྱིམ་མི་སྣར་སྣེ་ཁྲིད་བྱས་ནས། སྐྱེ་ཁམས་སྲུང་སྐྱོབ་དང་མ་མཐའི་འཚོ་བའི་འགན་སྲུང་ཁྱིམ་ཚང་། དབུལ་ཁྱིམ་གྱི་ཡོང་སྒོ་འཕར་སྣོན་སོགས་ཀྱི་ཐད་ནུས་པ་ཆེན་པོ་བཏོན་པ་རེད།
མཉམ་ལས་ཁང་གིས་དཀའ་བ་ཁྱད་བསད་ཀྱིས་དྭངས་གཙང་འབུད་རྫས་ཐོན་སྐྱེད་བྱེད་པ་དང་། རྩེ་ཁོག་རྫོང་གི་རྫོང་མཁར་གྱི་རྒྱ་ཆེའི་སྡོད་དམངས་ཀྱི་འབུད་རྫས་གཙང་མ་བཀོལ་བར་ཧུར་བརྩོན་བྱས། རང་ས་གནས་ཀྱི་སྐྱེ་ཁམས་སྲུང་སྐྱོབ་ལ་སྐུལ་འདེད། ཕྱུགས་ཟོག་གི་ཨོང་ལུད་ཀྱིས་བཟོས་པའི་ཁོར་ཡུག་འབག་བཙོག་གི་སྣང་ཚུལ་ཇེ་ཉུང་དུ་གཏོང་བ་དང་། ཕྱུགས་ལས་ས་ཁུལ་དུ་ནུས་ཁུངས་དཀོན་པའི་གནད་དོན་ཐག་གཅོད་བྱེད་པ་སོགས་ཀྱི་ཐད་ལའང་ནུས་པ་ཆེན་པོ་བཏོན་ཡོད།
བསྡོམས་རྩིས་རགས་ཙམ་བྱས་པ་ལྟར་ན། མཉམ་ལས་ཁང་གིས་ལོ་རེར་ཁོར་སྲུང་འབུད་རྫས་ཏུན་བཞི་སྟོང་བཞི་བརྒྱ་ཐོན་སྐྱེད་བྱས་པ་དང་། དཔལ་འབྱོར་ཡོང་སྒོ་སྒོར་ཁྲི་སུམ་བརྒྱ་དང་གོ་དྲུག་མངོན་འགྱུར་བྱས། རྫོང་ཡོངས་ཀྱི་ཞང་གྲོང་སོ་སོའི་དབུལ་ཁྱིམ་ཁ་ཤས་དང་ཨོང་ལུད་ཉོ་སྡུད་ཀྱི་གན་རྒྱ་བཞག་སྟེ། ལོ་རེར་རྫོང་ཡོངས་ཀྱི་གྲོང་བརྡལ་གསུམ་དང་ཞང་བཞི་ཡི་དབུལ་ཁྱིམ་སོ་གསུམ་གྱི་ལག་ཏུ་ཨོང་ལུད་ཏུན་སུམ་སྟོང་ཉོ་སྡུད་བྱས་ཤིང་། སྒོར་ཁྲི་ཞེ་བརྒྱད་ཀྱིས་དཔལ་འབྱོར་ཡོང་སྒོ་མངོན་འགྱུར་བྱས་པར་མ་ཟད། དབུལ་བོ་བཅུ་གསུམ་གྱི་ལས་ཞུགས་གནད་དོན་ཐག་གཅོད་བྱས་ཤིང་། མི་རེར་ལོ་རེའི་ཆ་སྙོམས་ཡོང་སྒོ་སྒོར་ཉིས་ཁྲི་དྲུག་བརྒྱ་དྲུག་བརྒྱ་སླེབས།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་འབུད་རྫས་ལས་སྣོན་བྱེད་བཞིན་པ།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་ལས་སྣོན་བྱས་པའི་འབུད་རྫས།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་ལས་སྣོན་བྱས་པའི་འབུད་རྫས།
རྩེ་ཁོག་རྫོང་རྩེ་རོང་ཚན་རྩལ་ཁོར་སྲུང་འབུད་རྫས་ལས་སྣོན་ཆེད་ལས་མཉམ་ལས་ཁང་གིས་འབུད་རྫས་སྐྱེལ་འདྲེན་བྱེད་བཞིན་པ།
གསར་འགོད་པ། ཁྱུང་ཐར་རྒྱལ།
