མཚོ་སྔོན་ལྷོ་ཕྱོགས་འབྲོག་ཁུལ་གྱི་ཁངས་ཆག་གནོད་འཚེའི་ནམ་ཟླའི་འགན་སྲུང་ཞབས་ཞུའི་བྱ་བ་ཧུར་ཐག་གིས་སྒྲུབ་ཆེད། སྤྱི་ཟླ་གཉིས་པའི་ཚེས་བཅུ་གཉིས་ཉིན་ཞིང་ཆེན་གནམ་གཤིས་རྟོག་དཔྱོད་ཁང་གིས་བརྡ་སྦྱོར་སྤེལ་ནས་ཉེ་ལམ་གྱི་ནམ་ཟླའི་ཞབས་ཞུའི་བྱ་བར་བཀོད་སྒྲིག་གང་ལེགས་བྱས།
བརྡ་སྦྱོར་ནང་དུ། རིམ་པ་སོ་སོའི་གནམ་གཤིས་སྡེ་ཁག་གིས་བསམ་བློའི་སྟེང་ཚད་མཐོའི་མཐོང་ཆེན་བྱེད་པ་དང་རྩ་འཛུགས་འགོ་ཁྲིད་ལ་ཤུགས་སྣོན། འོས་འགན་ལག་བསྟར་བཅས་ཤུགས་དྲག་ཏུ་གཏོང་དགོས་པ་དང་། ཉེ་ལམ་གྱི་ཁངས་ཆག་གནས་ཚུལ་དང་གནོད་ཐེབས་གནས་ཚུལ་ལ་གཞིགས་ནས་སྔོན་གྱི་བྱ་བའི་རྨང་གཞིའི་སྟེང་གནམ་གཤིས་ཞབས་ཞུའི་བྱ་བར་སྔར་ལས་བཀོད་སྒྲིག་ལེགས་པོ་བྱས་ནས་རིགས་སོ་སོའི་གནམ་གཤིས་ཞབས་ཞུའི་བྱ་བར་ནོར་འཁྲུལ་ཅི་ཡང་མི་འབྱུང་བར་ཁག་ཐེག་བྱེད་དགོས་ལ། ཞིང་ཆེན་གནམ་གཤིས་རྟོག་དཔྱོད་ཁང་དང་ནམ་ཟླའི་ལྟེ་གནས་སོགས་ལས་ཁུངས་ཀྱིས་མཚོ་སྔོན་ལྷོ་ཕྱོགས་འབྲོག་ཁུལ་གྱི་ཁངས་འབབ་པའི་སྔོན་བརྡ་དང་སྔོན་དཔག་བྱ་བ་གཙིགས་སུ་བཟུང་ནས་སྣེ་ཁྲིད་ཤུགས་སྣོན་བྱེད་དགོས་པ་དང་། གྲོང་ཁྱེར་དང་ཁུལ་སོ་སོའི་གནམ་གཤིས་རྟོག་དཔྱོད་ཁང་གིས་ཀྱང་བྱ་བའི་འོས་འགན་དངོས་འབེབས་བྱས་ཏེ་ཞབས་ཞུའི་བྱ་བ་ལེགས་པོར་སྒྲུབ་དགོས་ལ། གནོད་ཁུལ་འབྲེལ་ཡོད་སྡེ་ཁག་གིས་དུས་ལྟར་ཁ་གཏད་རང་བཞིན་གྱི་ཞབས་ཞུའི་ཐོན་རྫས་འདོན་སྤྲོད་བྱས་ནས་ས་ཁུལ་སྲིད་གཞུང་གི་གནོད་འགོག་གནོད་སེལ་བྱ་བར་ནུས་ཤུགས་གཉིས་འཛོམས་ཀྱི་སྲིད་ཇུས་གཞི་འཛིན་ས་འདོན་སྤྲོད་བྱེད་དགོས་པའི་རེ་བ་བཏོན་ཡོད།
