ཉེ་ལམ། གསར་འགོད་པས་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཁྲོམ་ར་ལྟ་སྐུལ་དོ་དམ་ཅུའུ་ནས་རྒྱུས་ལོན་པའི་གནས་ཚུལ་ལྟར་ན། མཚོ་ནུབ་ཁུལ་གྱིས་དོན་དངོས་དང་འབྲེལ་ནས། དམངས་ཚིས་ལ་དོ་སྣང་དང་ཞིང་སྡེ་ལ་ཐུགས་ཁུར། ཞིང་བ་མང་ཚོགས་ལ་སེམས་ཁུར་བྱེད་པ་གཙོ་བོར་བཟུང་ནས། ཞིང་ལས་དང་ཞིང་སྡེ། ཞིང་བ་མང་ཚོགས་ཀྱི་དགོས་མཁོར་དམ་དུ་དམིགས་ཏེ། མཚོ་ནུབ་ཁུལ་གྱི་ཉིས་སྟོང་བཅུ་དགུ་ལོར་ཞིང་སྡེ་རུ་བསྐྱོད་ནས་ཞིང་ལས་ཐོན་སྐྱེད་རྒྱུ་ཆ་རྫུན་མ་འགོག་པའི་ཆེད་དོན་འགུལ་སྐྱོད་ཇུས་གཞི་གཏན་འབེབས་བྱས་པ་དང་། རྫུན་འགོག་དང་དམངས་ཕན། ཚད་ལྡན་ལུགས་མཐུན་བཅས་དམིགས་འབེན་བྱས་ནས། ནན་ཏན་སྒོས་ཞིང་ལས་ཐོན་སྐྱེད་རྒྱུ་ཆ་རྫུན་མ་འགོག་པ་དང་ཁྲིམས་ལྟར་ལག་བསྟར་བྱས་ནས། ཞིབ་བཤེར་ཞབས་ཞུ་སོགས་འགུལ་བསྐྱོད་རབ་དང་རིམ་པ་སྤེལ།
དེ་དང་མཉམ་དུ། གསུམ་གཅིག་ལྔ་རྒྱལ་སྤྱིའི་འཛད་སྤྱོད་པའི་ཁེ་དབང་ཉིན་མོའི་དྲིལ་སྒྲོག་བྱ་འགུལ་གྱི་གོ་སྐབས་དང་བསྟུན་ནས། ཞིང་ས་དང་ཞིང་བའི་ཁྱིམ་དུ་སོང་ནས། ཞིང་ལས་ཐོན་སྐྱེད་རྒྱུ་ཆ་རྫུན་མ་བཀག་ནས་ཞིང་སྡེར་ཞབས་ཞུ་སྒྲུབ་པ་དང་། དཔྱིད་ཀྱི་རྨོ་འདེབས་ལ་ཁག་ཐེག་དང་ཐོན་སྐྱེད་ལ་སྐུལ་འདེད་བྱེད་ཅེས་པའི་ཁྲིམས་འཛིན་དང་ལག་རྩལ་ཞབས་ཞུ། ཁེ་དབང་སྲུང་སྐྱོབ་བྱེད་པའི་བྱ་འགུལ་སྤེལ། ཞུ་གཏུག་བྱེད་ཡུལ་བཙུགས་པ་དང་འདྲི་རྟོགས་ཞབས་ཞུའི་སྟེགས་བུ་བརྒྱུད་ནས། ཡུལ་དངོས་སུ་རྫུན་འགོག་ཤེས་བྱ་དང་རྫུན་འགོག་བྱེད་ཐབས་ཁྱབ་སྒྲོག་བྱས་པ་དང་། བཅའ་ཁྲིམས་ལྟ་སྐུལ་དྲིལ་སྒྲོག་བྱ་འགུལ་སྤེལ། ཡུལ་དངོས་སུ་ཞིང་བའི་འདྲི་རྟོག་དང་ལེན་བྱས་པ་དང་དོན་དངོས་སུ་ཞིང་བའི་ཁེ་དབང་སྲུང་སྐྱོབ་བྱས།
