གསར་འགོད་པས་ཞིང་ཆེན་རིག་གནས་དང་ཡུལ་སྐོར་ཐིན་ནས་རྒྱུས་ལོན་བྱུང་བ་ལྟར་ན། མཚོ་སྔོན་ཞིང་ཆེན་གྱི་མཚོ་སྔོན་གཙག་དྲུབ་ཁེ་ལས་དྲུག་སྐོར་དང་པོའི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་དབུལ་སྐྱོར་ལས་ཞུགས་བྱེད་ཡུལ་དུ་གཏན་ཁེལ་བྱས།
ཉེ་བའི་ལོ་འགའི་རིང་ལ། ཞིང་ཆེན་ཡོངས་ཀྱི་རིམ་པ་སོ་སོའི་རིག་གནས་དང་ཡུལ་སྐོར་སྡེ་ཁག་གིས་ཡུལ་བབ་དང་བསྟུན་པ་དང་ཁྱད་ཆོས་མངོན་པར་བྱེད་རྒྱུ་རྒྱུན་འཁྱོངས་བྱས་ཏེ་གཟུགས་འདས་ཤུལ་བཞག་རིག་གནས་ཐོན་ཁུངས་སྔོག་འདོན་དང་བཀོལ་སྤྱོད་བཟང་བོ་བྱས་པ་དང་། ལྷག་པར་དུ་སྲོལ་རྒྱུན་སྒྱུ་རྩལ་རིགས་ཀྱི་གཟུགས་འདས་ཤུལ་བཞག་རིག་གནས་བཀོལ་སྤྱོད་བྱས་ཏེ་གཟུགས་འདས་ཤུལ་བཞག་རིག་གནས་དང་དབུལ་སྐྱོར་མཉམ་བསྲེས་བྱེད་པ་མངོན་འགྱུར་བྱས་ཏེ་གཟུགས་འདས་ཤུལ་བཞག་རིག་གནས་ཀྱིས་དབུལ་ཐར་མཁྲེགས་གཏོར་དང་ཞང་སྡེ་དར་རྒྱས་ལ་རོགས་འདེགས་བྱེད་པའི་ཐད་དཔེ་སྟོན་སྣེ་ཁྲིད་ཀྱི་བྱེད་ནུས་བཏོན་པ་དང་། དབུལ་ཕོངས་མང་ཚོགས་དག་རྒྱུན་མཐུད་བརྟན་འཇགས་ངང་དབུལ་ཐར་བྱེད་པར་འགན་སྲུང་བྱེད་པའི་ཐད་ཀྱི་བྱེད་ཐབས་གཙོ་བོར་གྱུར།
ད་ལོའི་ཚུན་ལ། ཞིང་ཆེན་རིག་གནས་དང་ཡུལ་སྐོར་ཐིན་གྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མཚོ་སྔོན་གཙག་དྲུབ་ཀྱི་མིང་རྟགས་གསར་སྐྲུན་མཐོར་འདེགས་གཏོང་བའི་ཇུས་ཆོད་བཀོད་སྒྲིག་གཞིར་བཟུང་ནས་མཚོ་སྔོན་གཙག་དྲུབ་ཀྱི་བརྒྱད་ཅན་གཅིག་གི་བཟོ་སྐྲུན་ལག་བསྟར་བྱེད་པར་སྐུལ་འདེད་བཏང་བ་དང་། ཞིང་ཆེན་དབུལ་སྐྱོར་གསར་སྤེལ་ཅུའུ་དང་མཉམ་དུ་ཞིང་ཆེན་ཡོངས་ཀྱི་ཁྱབ་ཁོངས་སུ་ཀོས་ནན་རྫོང་རིན་ཆེན་བོད་ཀྱི་རིག་གནས་གསར་སྤེལ་ཚད་ཡོད་ཀུང་ཟི་སོགས་ཁེ་ལས་དྲུག་ཞིང་ཆེན་རིམ་པའི་མཚོ་སྔོན་གཙག་དྲུབ་ཀྱི་དབུལ་སྐྱོར་ལས་ཞུགས་བྱེད་ཡུལ་དུ་གཏན་ཁེལ་བྱས།
མཚོ་སྔོན་ཞིང་ཆེན་གྱི་སྐོར་དང་པོའི་མཚོ་སྔོན་གཙག་དྲུབ་དབུལ་སྐྱོར་ལས་ཞུགས་བྱེད་ཡུལ་གྱིས་མི་རིགས་གཙག་དྲུབ་ཀྱི་ལས་སྣོན་ཕྱིར་འཚོང་དང་། འགྲེམ་སྟོན་བརྗེ་རེས། ཞིབ་འཇུག་གསར་སྤེལ། དྲིལ་སྒྲོག་གསོ་སྦྱོང་སོགས་བྱ་འགུལ་ལ་རྒྱབ་སྐྱོར་བྱས་ཏེ་མི་རིགས་སྲོལ་རྒྱུན་གཙག་དྲུབ་ལག་རྩལ་གྱི་ཐུན་མིན་ཁྱད་ཆོས་འདོན་སྤེལ་གང་ལེགས་བྱེད་པ་དང་། གཟུགས་འདས་ཤུལ་བཞག་རིག་གནས་ཀྱིས་གནད་ཕིགས་དབུལ་སྐྱོར་ལས་རིགས་ལ་སྐུལ་འདེད་གཏོང་བར་རོགས་འདེགས་བྱས་ཏེ་དབུལ་ཕོངས་མང་ཚོགས་ཀྱི་ཁྱིམ་སྡོད་ལས་ཞུགས་མངོན་འགྱུར་བྱས་ནས་དབུལ་ཐར་ཕྱུག་འགྱུར་བྱེད་པར་རོགས་སྐྱོར་བྱེད་རྒྱུ་རེད།
