2020ལོའི་ཟླ2པའི་ཚེས7ཉིན་གྱི་ཆུ་ཚོད0ནས24བར་མཚོ་སྔོན་ཞིང་ཆེན་དུ་ཏོག་དབྱིབས་ནད་དུག་གི་རིམས་ནད་འགོས་པ་གཏན་འཁེལ་བྱས་པའི་ནད་པ་གཅིག་ཀྱང་ཇེ་མང་དུ་སོང་མེད་པ་དང་། ནད་པ་ལྕི་མོའི་རིགས་གཅིག་ཀྱང་ཇེ་མང་དུ་སོང་མེད་ལ། རིམས་ནད་ལས་འདས་པའི་ནད་པ་གཅིག་ཀྱང་མེད་པ་དང་། ནད་དྲག་ནས་སྨན་ཁང་ལས་བུད་པའི་ནད་པའང་མེད།

ཟླ2ཚེས7ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་དུ་བསྡོམས་པས་ཏོག་དབྱིབས་ནད་དུག་གི་གློ་ཚད་རིམས་ནད་འགོས་པ་གཏན་འཁེལ་བྱས་པའི་ནད་པ18ཡོད་ཅིང་།  ནད་པ་ལྕི་མོ1དང་། འདས་པའི་ནད་པ་མེད།  སྨན་ཁང་ནས་ཕྱིར་བུད་པའི་ནད་པ3ཡོད་ལ། ནད་པ་བཅོ་བརྒྱད་ཀྱི་ནང་དུ་ཟི་ལིང་གྲོང་ཁྱེར་དུ་ནད་པ15ཡོད་པ་དང་། མཚོ་བྱང་ཁུལ་དུ་ནད་པ3ཡོད། གཏན་འཁེལ་བྱས་ཟིན་པའི་ནད་པ15སྨན་ཁང་དུ་སྨན་བཅོས་བྱེད་བཞིན་ཡོད།

མིག་སྔར་ནད་པར་འབྲེལ་འདྲིས་ཡོད་པའི་མི411ལ་རྗེས་འདེད་བརྟག་དཔྱད་བྱེད་བཞིན་ཡོད་ལ།   ཉིན་དེར་སྨན་བཅོས་ལྟ་ཞིབ་བྱས་པ་བརྒྱུད་མི41ལ་ནད་འགོས་མེད་པར་གཏན་འཁེལ་བྱས་པ་དང་།  མི370ལ་མུ་མཐུད་དུ་སྨན་བཅོས་ལྟ་ཞིབ་བྱེད་བཞིན་ཡོད།