2020ལོའི་ཟླ2པའི་ཚེས16ཉིན་གྱི་ཆུ་ཚོད0ནས24བར། མཚོ་སྔོན་ཞིང་ཆེན་དུ་ཏོག་གསར་གློ་ཚད་ནད་རྟགས་ཐག་བཅད་པའི་ནད་པ་གཅིག་ཀྱང་ཇེ་མང་དུ་ཕྱིན་མེད་པ་དང་། ནད་པ་ལྕི་མོའང་མེད་ལ། ཚེ་འདས་ནད་པ་ཡང་གཅིག་ཀྱང་མེད། ནད་དྲག་ནས་སྨན་ཁང་ནས་ཕྱིར་བུད་པའི་ནད་པའང་མེད།  ཉིན་དེར་ནད་རྟགས་ཐག་བཅད་པའི་ནད་པ་དང་དོགས་ཡོད་གསར་བྱུང་ནད་པ་གཅིག་ཀྱང་ཇེ་མང་དུ་ཕྱིན་མེད།

ཟླ2པའི་ཚེས16ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་གྱིས་བསྡོམས་རྩིས་བྱས་ནས་ཏོག་གསར་གློ་ཚད་ནད་རྟགས་ཐག་བཅད་པའི་ནད་པ18སྙན་སེང་ཞུས་ཡོད་ལ། དེའི་ནང་ནད་པ་ལྕི་མོ2ཡོད་པ་དང་། ཚེ་འདས་ནད་པ་མེད་ལ། ནད་དྲག་ནས་སྨན་ཁང་ནས་ཕྱིར་བུད་པའི་ནད་པ13བཅས་ཡོད་པ་རེད། བསྡོམས་རྩིས་བྱས་པ་ལྟར་ན་ནད་རྟགས་ཐག་བཅད་པའི་ནད་པའི་ནང་ཟི་ལིང་གྲོང་ཁྱེར་དུ་ནད་པ15དང་མཚོ་བྱང་ཁུལ་དུ་ནད་པ3ཡོད་པ་དང་། ད་དུང་ནད་པ5སྨན་ཁང་དུ་བསྡད་ནས་སྨན་བཅོས་བྱེད་ཀྱིན་ཡོད་པ་རེད།

མིག་སྔར་བསྡོམས་རྩིས་བྱས་པ་ལྟར་ན་ནད་པ་དང་འབྲེལ་འདྲིས་ཡོད་པའི་མི437ལ་རྗེས་འདེད་ལྟ་ཞིབ་བྱས་པ་དང་། དེའི་ནང་མི194ལ་སྨན་བཅོས་ལྟ་ཞིབ་བྱེད་མཚམས་བཞག་ཅིང་། ད་དུང་མི243གྱིས་སྨན་བཅོས་ལྟ་ཞིབ་དང་ལེན་བྱེད་བཞིན་ཡོད་པ་རེད།