ཉེ་ལམ་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་དང་། ཞིང་ཆེན་ནོར་སྲིད་ཐིན་གཉིས་ཀྱིས་སྤེལ་བའི《མཚོ་སྔོན་ཞིང་ཆེན་གྱི་ལས་ཞུགས་ཁ་གསབ་རོགས་དངུལ་དོ་དམ་བྱེད་ཐབས》དཔར་ནས་བཀྲམས་ཏེ། ཞིང་ཡོངས་ཀྱི་ལས་ཞུགས་ཁ་གསབ་རོགས་དངུལ་སྟེར་བའི་ཁྱབ་ཁོངས་དང་ཚད་གཞི་གསལ་བོར་བསྟན་པ་མ་ཟད། རོགས་དངུལ་རེ་ཞུ་བཀོལ་སྤྱོད་དང་བགོ་བཤའ་གཤམ་སྤྲོད་ཀྱི་བརྒྱུད་རིམ་ཚད་ལྡན་དུ་གཏོང་དགོས་པ་དང་། རོགས་དངུལ་གྱི་ལྟ་སྐུལ་དོ་དམ་དང་འགན་འཁྲི་བརྩད་ཞིབ་རྐྱེན་སྲོལ་མཐུས་ཚང་དུ་བཏང་ནས། ལས་ཞུགས་ཁ་གསབ་རོགས་དངུལ་བཀོལ་སྤྱོད་དང་དོ་དམ་གང་ལེགས་བྱེད་པར་སྔར་ལས་དངོས་གཉེར་གོ་ཆོད་ཀྱི་ལམ་ལུགས་ཀྱི་འགན་སྲུང་མཁོ་སྤྲོད་བྱས།
《མཚོ་སྔོན་ཞིང་ཆེན་གྱི་ལས་ཞུགས་ཁ་གསབ་རོགས་དངུལ་དོ་དམ་བྱེད་ཐབས》ཀྱིས་རིགས་སོ་སོའི་ངལ་རྩོལ་པ་དང་ལས་ཁུངས་ལ་འབྲེལ་བ་ཡོད་པའི་རོགས་དངུལ་ཁ་གསབ་བྱེད་ཐབས་ཕྱོགས་ཡོངས་ནས་གསེད་བཀྲོལ་ཕྱོགས་སྡོམ་དང་ཞིབ་ཚགས་སུ་བཏང་ཡོད་ལ། ཉེ་བའི་ལོ་ཤས་རིང་གི་ནུས་རྩལ་མཐོར་འདེགས་ཆེད་དམིགས་ཀྱི་བྱ་འགུལ་དང་ན་གཞོན་གྱི་དངོས་སྦྱོང་འཆར་གཞི། ལས་སྐྲུན་ཀྱིས་ལས་ཞུགས་ལ་ཡར་སྐུལ་སོགས་ཀྱི་བྱ་བ་གལ་ཆེན་དང་ཟུང་འབྲེལ་བྱས་ཏེ་འབྲེལ་ཡོད་ཁ་གསབ་ནང་དོན་ཇེ་མང་དུ་བཏང་བ་དང་། རོགས་སྐྱོར་བྱ་ཡུལ་དང་ཚད་གཞི། ཞུ་སྒྲུབ་བརྒྱུད་རིམ་བཅས་གཏན་ཁེལ་བྱས་ཏེ། ཞིང་ཡོངས་ཀྱི་མཐོ་རིམ་སློབ་གྲྭའི་མཐར་ཕྱིན་སློབ་མ་དང་ལས་གཉེར་དཀའ་ངལ་ཅན། དམག་ཁུངས་ལས་བུད་པའི་དམག་མི་སོགས་ཚོགས་པ་གཙོ་བོ་དང་། ལས་ཁུངས་དང་ཁེ་ལས། གསོ་སྦྱོང་ལས་ཁུངས་བཅས་ལ་ཁྱབ་ཅིང་། ཁ་གསབ་རྣམ་གྲངས་དག་ནུས་རྩལ་གསོ་སྦྱོང་དང་གདེང་འཇོག་གསལ་འབྱེད། སྤྱི་ཚོགས་འགན་སྲུང་གསབ་དངུལ། ལས་གཉེར་ལྟ་སྦྱོང་སོགས་རིགས་ཆེ་གྲས་དགུ་དང་དོན་ཚན་ཉེར་ལྔ་ཅན་གྱི་ལས་ཞུགས་ཁ་གསབ་རོགས་དངུལ་གྱི་རོགས་སྐྱོར་སྲིད་ཇུས་མ་ལག་བཙུགས།
ལོ་ཙཱ་བ་མི་ཕམ་མགོན་པོ།
