མཚོ་སྔོན་ཞིང་ཆེན་མགོ་ལོག་ཁུལ་རྨ་སྟོད་ས་འགུལ་བྱུང་རྗེས།  ཞིང་ཆེན་ཏང་ཨུས་ལྔ་བའི་ཉེར་གཉིས་ཉིན་གྱི་རྨ་སྟོད་ས་འགུལ་གྱི་ཡོམ་འགོག་རྒུད་སྐྱོབ་བྱ་བའི་ཆེད་དོན་གྲོས་ཚོགས་བསྡུས་པ་དང་།    གྲོས་ཚོགས་སྟེང་།   ས་འགུལ་བྱུང་རྗེས་ཀྱི་སླར་གསོ་བྱ་བའི་གོ་རིམ་ཧ་ཅང་གལ་ཆེ་བས།  ས་གནས་ཏང་ཨུ་གཙོ་བྱས་པའི་འབྲེལ་ཡོད་སྡེ་ཁག་གིས་གནོད་ཐེབས་མང་ཚོགས་ཀྱི་ཐོན་སྐྱེད་འཚོ་བ་བཀོད་སྒྲིག་བཟང་བོ་བྱེད་དགོས་ཞེས་ནན་གྱིས་བསྟན།

ས་འགུལ་བྱུང་རྗེས།   འབྲེལ་ཡོད་སྡེ་ཁག་སོ་སོས་ཞིང་ཆེན་ཏང་ཨུའི་ཆེད་དོན་གྲོས་ཚོགས་ཀྱི་དགོངས་དོན་ལག་བསྟར་ནན་མོ་བྱས་ཏེ་གནོད་ཐེབས་མང་ཚོགས་བཀོད་སྒྲིག་དང་འཚོ་བ་སླར་གསོའི་བྱ་བ་གོ་རིམ་ཡོད་པའི་སྒོ་ནས་སྤེལ་བ་དང་།   ཡོམ་འགོག་རྒུད་སྐྱོབ་དངོས་རྫས་འཕྲོ་རིམ་འཕྲོར་གནོད་ཁུལ་དུ་སྐྱེལ་ནས་གནོད་ཐེབས་མང་ཚོགས་ཀྱི་ཐོན་སྐྱེད་འཚོ་བ་སླར་གསོ་དང་། ས་འགུལ་རྗེས་ཀྱི་བསྐྱར་འཛུགས་བྱ་བ་བཟང་བོར་བསྒྲུབ་པར་རྨང་གཞི་བརྟན་པོ་བཏིངས།  ཏང་ཡོན་འགོ་ཁྲིད་ལས་བྱེད་པ་རྣམས་ཀྱིས་མི་དམངས་གཙོར་འཛིན་པ་རྒྱུན་འཁྱོངས་དང་། གསར་བརྗེའི་སྲོལ་རྒྱུན་དར་སྤེལ།   ཐོག་མའི་སེམས་འདུན་ཡིད་ལ་དམ་པོར་ཉར་བ་དང་།   ས་འགུལ་རྗེས་ཀྱི་སླར་གསོའི་བྱ་བ་གོ་རིམ་ལྡན་པའི་སྒོ་ནས་སྤེལ་ཏེ་མིག་སྔར་གནོད་ཐེངས་མང་ཚོགས་ཀྱིས་ཆེས་སེམས་ཁུར་བྱེད་པའི་གནད་དོན་དང་།  ཁོ་ཚོའི་ཆེས་ཐད་ཀར་དང་ཆེས་དངོས་ཡོད་ཀྱི་ཁེ་ཕན་གནད་དོན་ཐག་བཅད།

ས་འགུལ་རྗེས་ཀྱི་སླར་གསོའི་བྱ་བའི་འགན་འཁྲི་ལྕི་བ་དང་ལས་འགན་མང་པོ་ཡོད།   ས་འགུལ་བྱུང་ནས་ད་བར་དུ།   ཏང་ཡོན་ལས་བྱེད་པ་དང་མེ་གསོད་མེ་འགོག་བདེ་འཇགས་མི་སྣ།   སྤྱི་བདེ་ཉེན་རྟོག་པ།  སྨན་བཅོས་མི་སྣ།  སློབ་གྲྭའི་དགེ་རྒན་སོགས་ཀྱིས་རང་ཉིད་བློས་གཏོང་བའི་སྙིང་སྟོབས་ཀྱིས་ས་འགུལ་རྗེས་ཀྱི་མང་ཚོགས་ཀྱི་ཐོན་སྐྱེད་འཚོ་བ་སླར་གསོའི་བྱ་བ་གོ་རིམ་ལྡན་པའི་སྒོ་ནས་སྤེལ་ཏེ།   ཡོམ་འགོག་རྒུད་སྐྱོབ་བྱ་བར་དུས་རིམ་རང་བཞིན་གྱི་གྲུབ་འབྲས་བླངས་ཡོད་ལ།   ས་གནས་མང་ཚོགས་ཀྱི་ཁས་ལེན་ཐོབ་ཡོད།

                                                                                                                   ལྷ་མོ་ཚེ་རིང་གིས་བསྒྱུར།