ཟླ་དགུ་པའི་ཚེས་བཅོ་བརྒྱད་ཉིན་ནས་ཚེས་ཉེར་ལྔ་ཉིན་བར་དུ། མཚོ་སྔོན་ཞིང་ཆེན་འཕྲོད་བསྟེན་དང་བདེ་ཐང་བྱ་བའི་ཨུ་ཡོན་ལྷན་ཁང་དང་ཞིང་ཆེན་ས་གནས་ནད་རིགས་སྔོན་འགོག་ཚོད་འཛིན་ཁང་སྔ་ཕྱིར་མཚོ་བྱང་བོད་རིགས་རང་སྐྱོང་ཁུལ་ཧེ་ཡན་རྫོང་དང་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་། ཡུས་ཧྲུའུ་བོད་རིགས་རང་སྐྱོང་ཁུལ་ཡུས་ཧྲུའུ་གྲོང་ཁྱེར། མགོ་ལོག་བོད་རིགས་རང་སྐྱོང་ཁུལ་པད་མ་རྫོང་། རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར། མཚོ་ནུབ་སོག་རིགས་བོད་རིགས་རང་སྐྱོང་ཁུལ་གཏེར་ལེན་ཁ་གྲོང་ཁྱེར་བཅས་སུ་སོང་ནས། ཉིས་སྟོང་ཉེར་གཅིག་ལོའི་ཐུམ་འབུའི་ནད་འགོག་བཅོས་དྲིལ་སྒྲོག་སློབ་གསོ་འབྲོག་ཁུལ་ཏུ་བསྐྱོད་པའི་སྐོར་སྐྱོད་འཁྲབ་སྟོན་བྱ་འགུལ་སྤེལ།
ཐེངས་འདིའི་སྐོར་སྐྱོད་འཁྲབ་སྟོན་བྱ་འགུལ་གྱིས་ཐུམ་འབུའི་ནད་འགོག་བཅོས་དྲིལ་སྒྲོག་སློབ་གསོ་འབྲོག་ཁུལ་ཏུ་བསྐྱོད་པ་དྲིལ་སྒྲོག་འདུ་ཤེས་སུ་བཟུང་ནས། མང་ཚོགས་ཀྱིས་ཉན་སྤྲོ་ཞིང་ལྟ་འདོད་ཆེ་བའི་རིག་རྩལ་ལེ་ཚན་འཁྲབ་སྟོན་ཐབས་ལམ་སྤྱད་དེ། མང་ཚོགས་ཀྱི་བདེ་ཐང་དགོས་མཁོ་དང་དམ་པོར་འབྲེལ་ཅི་ཐུབ་ཀྱིས། ཐུམ་འབུའི་ནད་ཀྱི་འབྱུང་རྐྱེན་དང་ཉེན་ཁ། སྔོན་འགོག བཅོས་ཐབས་སོགས་ཀྱི་ནང་དོན་གཙིགས་སུ་བཟུང་ནས། གཅིག་གཉིས་གསུམ་བཞི་ལྔ་ཡི་ཐུམ་འབུའི་ནད་འགོག་བཅོས་ཤེས་བྱ་ཁྱབ་བརྡལ་དུ་བཏང་བ་དང་། འབྲོག་ཁུལ་གྱི་མང་ཚོགས་དང་འགོག་བཅོས་ལས་གཉེར་པར་བྱ་འགུལ་སྤེལ་སའི་ཡུལ་དངོས་ནས་ཁྲིད་སྟོན་བྱས་ཏེ། ཐུམ་འབུའི་ནད་ཀྱི་དྲིལ་སྒྲོག་སློབ་གསོ་སྤེལ། ཐེངས་འདིའི་བྱ་འགུལ་གྱིས་ད་དུང་ས་གནས་སོ་སོའི་རིམས་ནད་ཚོད་འཛིན་ལྟེ་གནས་ཀྱི་འབྲེལ་ཡོད་མི་སྣ་གདན་དྲངས་ཏེ་བྱ་འགུལ་ཁྲོད་ཟབ་ཞུགས་བྱེད་དུ་བཅུག་ནས། འདྲི་རྩད་སྟེགས་བུ་བསྐྲུན་ནས་དྲིལ་སྒྲོག་བྱ་འགུལ་སྤེལ་ཏེ། ཐུམ་འབུའི་ནད་སྔོན་འགོག་བཅོས་ཐབས་སྐོར་གྱི་ཤེས་བྱ་ཁྲིད་པར་མ་ཟད། འགོས་ཁྱབ་བརྒྱུད་ལམ་དང་ནད་རྟགས། སྨན་བཅོས་སྐྱོབ་བཅོས་སྲིད་ཇུས། སྔོན་འགོག་དང་ཚོད་འཛིན་སོགས་ཀྱི་ནང་དོན་ཐད་སྒྲོག་འགྲེལ་དང་དྲིལ་སྒྲོག་བྱས།
བྱ་འགུལ་གྱིས་ཐུམ་འབུའི་ནད་ཀྱི་འབྲེལ་ཡོད་ཤེས་བྱ་ངོ་སྤྲད་པ་བརྒྱུད་དེ། འབྲོག་ཁུལ་གྱི་མང་ཚོགས་དང་འཕྲོད་བསྟེན་སྡེ་ཁག་གི་འབྲེལ་ཡོད་ལས་བྱེད་པ་དང་ལས་བཟོ་པ། སློབ་གྲྭའི་དགེ་སློབ་བཅས་ཀྱི་ཐུམ་འབུའི་ནད་འགོག་བཅོས་ཤེས་བྱའི་ངོས་ཟིན་གྱི་ཚད་སྔར་ལས་ཇེ་མཐོར་བཏང་། དུས་མཚུངས་སུ། རིམ་པ་བདུན་གྱི་སྒོ་ནས་ལག་པ་བཀྲུ་རྒྱུ་རྒྱུན་འཁྱོངས་དང་མི་ཚང་མས་སྔོན་འགོག་སྒོས་ཐུམ་འབུའི་ནད་མཆེད་པར་བཀག་འགོག་ནུས་ལྡན་བྱས་ནས། སྤྱི་ཚོགས་ཡོངས་མཉམ་དུ་ཐུམ་འབུའི་ནད་འགོག་བཅོས་ཀྱི་མཁྲེགས་གཏོར་དམག་འཐབ་ནང་ཞུགས་ཏེ་རྒྱལ་ཁ་ལེན་ཐུབ་པའི་མཁའ་དབུགས་ལེགས་པོ་བསྐྲུན།
བན་དེ་སྐྱབས་ཀྱིས་བསྒྱུར།
