ཟླ་བཅུ་གཉིས་པའི་ཚེས་ཉེར་གཉིས་ཉིན། ཞིང་ཆེན་ཏང་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པ་དང་། ཞིང་ཆེན་སྲིད་གྲོས་གཞུང་སྒྲུབ་ཐིན་དང་ཞིང་ཆེན་ཏང་ཨུའི་ཏང་གི་སློབ་གྲྭ་གཉིས་ཀྱིས་སྒྲུབ་འགན་ཁུར་བའི་ཚོགས་ཡུན་ཉིན་བཅུའི་ཞིང་ཆེན་ཡོངས་ཀྱི་གྲོང་ཁྱེང་དང་རྫོང་གི་སྲིད་གྲོས་ཀྲུའུ་ཞིའི་གསོ་སྦྱོང་འཛིན་གྲྭས་སློབ་ཁྲིད་ཀྱི་ནང་དོན་སོ་སོ་ཡོངས་གྲུབ་བྱས་ནས་གསོ་སྦྱོང་བདེ་བླག་ངང་མཇུག་སྒྲིལ།
ཐེངས་འདིའི་གསོ་སྦྱོང་འཛིན་གྲྭ་ནི་གྲོང་ཁྱེར་དང་རྫོང་སོ་སོའི་སྲིད་གྲོས་ཀྱི་སྐབས་བརྗེ་བྱ་བའི་རྗེས་སུ། རང་ཞིང་གིས་སྤེལ་བའི་སྲིད་གྲོས་ཀྲུའུ་ཞི་དང་ཀྲུའུ་ཞི་གཞོན་པའི་གཅིག་བསྡུས་གསོ་སྦྱོང་སློབ་སྦྱོང་ཐོག་མ་ཡིན་ལ། ཞིང་ཆེན་ཡོངས་ཀྱི་གྲོང་ཁྱེར་དང་རྫོང་སོ་སོའི་སྲིད་གྲོས་ཀྱི་ཀྲུའུ་ཞི་དང་ཀྲུའུ་ཞི་གཞོན་པ་བཞི་བཅུ་ལ་བསམ་བློའི་ངོས་ཟིན་མཐོར་འདེགས་གཏོང་བ་དང་འགན་འཁྲི་གསལ་བོ་བྱེད་པ། འདུ་ཤེས་རྒྱ་བསྐྱེད་པའི་གཅིག་བསྡུས་གསོ་སྦྱོང་ཐེངས་ཤིག་བྱས། ཐེངས་འདིའི་གསོ་སྦྱོང་གིས་སློབ་ཁང་སློབ་ཁྲིད་དང་ཡུལ་དངོས་སློབ་ཁྲིད་སོགས་ཀྱི་བྱེད་ཐབས་མང་པོ་སྤྱད་པ་དང་། སློབ་ཁྲིད་ནང་དོན་ལ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་བྱ་བར་ཤུགས་སྣོན་དང་ལེགས་བཅོས་བྱེད་པའི་སྐོར་གྱི་དགོངས་པ་གལ་ཆེན་གཙོར་བྱས་ཏེ། ཏང་གི་གཞུང་ལུགས་དང་ཏང་གི་ལོ་རྒྱུས་དང་ཏང་གཤིས་སློབ་གསོ། འཐབ་ཕྱོགས་གཅིག་གྱུར་གྱི་རིག་པའི་གཞུང་ལུགས་དང་ལག་ལེན། ལས་བྱེད་པའི་ནུས་པ་མཐོར་འདེགས་གཏོང་བ་སོགས་ཕྱོགས་མང་པོའི་ཁྱབ་པར་བྱས་ཡོད།
ཚང་མས་བལྟས་ན། ཐེངས་འདིའི་གསོ་སྦྱོང་གི་ནང་དོན་ཕུན་སུམ་ཚོགས་པ་དང་དམིགས་སའི་རང་བཞིན་དྲག་པོ་ལྡན་ལ། ཏང་གི་ལོ་རྒྱུས་སློབ་སྦྱོང་སློབ་གསོ་ཐེངས་ཤིག་བྱས་པར་མ་ཟད། མི་དམངས་སྲིད་གྲོས་ཀྱི་ངོ་བོའི་གཏན་གནས་དང་སྲིད་གྲོས་ལོ་རྒྱུས། གོ་རིམ་ཧྲིལ་བོའི་མི་དམངས་དམངས་གཙོའི་ལག་ལེན་ལ་སྐུལ་འདེད་གཏོང་བ་སོགས་ཀྱི་ཐད་ལ་རྒྱུས་ལོན་སྔར་ལས་གཏིང་ཟབ་བྱས་པ་དང་། སྔར་ལས་ལྷག་པའི་སྒོ་ནས་ཏང་གཤིས་གསོ་སྦྱོང་ཇེ་དྲག་ཏུ་བཏང་བ་དང་གཞུང་ལུགས་རྨང་གཞི་ཇེ་བརྟན་དུ་བཏང་ལ། ཕྱོགས་བསྡུས་སྤུས་ཚད་མཐོར་འདེགས་དང་འགན་སྒྲུབ་ནུས་པ་ཇེ་དྲག་ཏུ་བཏང་བར་འདོད།
ལྷ་མོ་ཚེ་རིང་གིས་བསྒྱུར།
