གསར་འགོད་པས་ཞིང་ཆེན་ནགས་ལས་དང་རྩྭ་ས་ཅུའུ་ནས་རྒྱུས་ལོན་བྱུང་བ་ལྟར་ན། ཉེ་ལམ། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་གྱི་ཉིས་སྟོང་ཉེར་གཉིས་ལོའི་བྱ་བའི་འཆར་འགོད་དངོས་སུ་འགྲེམ་སྤེལ་བྱས་ཏེ། ཉིས་སྟོང་ཉེར་ལྔ་ལོའི་བར་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་ཁྱོན་ཡོངས་ནས་ཡོངས་འགྲུབ་བྱེད་རྒྱུ་རེད།

རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་གྱི་ཉིས་སྟོང་ཉེར་གཉིས་ལོའི་བྱ་བའི་འཆར་འགོད་ལས་མཚོ་སྔོན་གྱིས་རྒྱལ་ཁབ་སྤྱི་གླིང་གཙོ་གཞི་ཡིན་པའི་རང་བྱུང་སྲུང་སྐྱོབ་ཁུལ་གྱི་ཁོངས་གཏོགས་ནས་མདུན་དུ་སྐྱོད་པར་སྐུལ་འདེད་གཏོང་བའི་སྤྱིའི་དམིགས་འབེན་དང་རེ་བ་ལྟར། གཙོ་བོ་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་གྱི་མཐོ་ས་གསར་བ་གསར་སྐྲུན་བྱེད་པ་དང་། མཚོ་སྔོན་གྱིས་རྒྱལ་ཁབ་སྤྱི་གླིང་གཙོ་གཞི་ཡིན་པའི་རང་བྱུང་སྲུང་སྐྱོབ་ཁུལ་གྱི་མ་ལག་དཔེ་སྟོན་ཞིང་ཆེན་འཛུགས་སྐྲུན་གྱི་ཉིས་སྟོང་ཉི་ཤུ་ལོ་ནས་ཉིས་སྟོང་ཉེར་གཉིས་ལོའི་ལོ་གསུམ་གྱི་འགུལ་སྐྱོད་དེ་འགུལ་སྐྱོད་ཕྱོགས་སྟོན་དུ་བཟུང་སྟེ། རང་བྱུང་སྲུང་སྐྱོབ་ཁུལ་གྱི་བར་སྟོང་བཀོད་སྒྲིག་འཐུས་ཚང་དུ་གཏོང་བ་དང་རང་བྱུང་སྲུང་སྐྱོབ་ཁུལ་ལ་གཅིག་གྱུར་དང་རིམ་པ་བགར་ནས་དོ་དམ་བྱེད་པའི་སྒྲིག་སྲོལ་གསར་བ་འཛུགས་པ། འཆར་འགོད་ཚད་གཞིའི་མ་ལག་འཛུགས་པ། རང་བྱུང་སྲུང་སྐྱོབ་ཁུལ་གྱི་དོ་དམ་ནུས་པ་ཇེ་ཆེར་གཏོང་བ། མི་དང་རང་བྱུང་འཆམ་མཐུན་མཉམ་གནས་བྱེད་པར་སྐུལ་འདེད་གཏོང་བ་སོགས་ཀྱི་ཕྱོགས་ནས་བྱེ་བྲག་གི་བྱ་བའི་ལས་འགན་སུམ་ཅུ་གཏན་ལ་ཕབ་པ་དང་། འགན་འཁྲིའི་ལས་ཁུངས་གཏན་འཁེལ་གསལ་བོ་བྱས་ནས། ཉིས་སྟོང་ཉེར་ལྔ་ལོའི་བར་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་ལས་འགན་ཁྱོན་ཡོངས་ནས་ཡོངས་འགྲུབ་བྱེད་པར་རྨང་གཞི་བརྟན་པོ་འདིང་རྒྱུ་རེད།

                                                                                                             བཀྲ་ཤིས་འབུམ་གྱིས་བསྒྱུར།