འཛད་སྤྱོད་པའི་ཁེ་དབང་སྲུང་སྐྱོབ་ཀྱི་མཉམ་སྐྲུན་མཉམ་སྤྱོད་རྐྱེན་སྲོལ་མྱུར་དུ་འཛུགས་པ་དང་། ཕྱོགས་གཉིས་ཀྱི་འཛད་སྤྱོད་ཁེ་དབང་མཉམ་ལས་གཏིང་ཟབ་ཏུ་གཏོང་བ། ཞིང་ཆེན་གཉིས་ཀྱི་འཛད་སྤྱོད་ཁོར་ཡུག་བཟང་བོ་བསྐྲུན་ཆེད། ཟླ་དྲུག་པའི་ཚེས་ཉེར་དགུ་ཉིན། མཚོ་སྔོན་ཞིང་ཆེན་འཛད་སྤྱོད་པའི་མཐུན་ཚོགས་དང་སི་ཁྲོན་ཞིང་ཆེན་འཛད་སྤྱོད་པའི་ཁེ་དབང་སྲུང་སྐྱོབ་ཨུ་ཡོན་ལྷན་ཁང་གཉིས་ཀྱིས་འཛད་སྤྱོད་པའི་ཁེ་དབང་སྲུང་སྐྱོབ་བྱ་བའི་བརྗེ་རེས་བཞུགས་མོལ་ཚོགས་འདུ་དང་འཛད་སྤྱོད་ཁེ་དབང་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན་འགོད་པའི་མཛད་སྒོ་བསྡུས།
ཐེངས་འདིའི་མཉམ་ལས་ནི་ཞིང་ཆེན་གཉིས་ཀྱི་འཛད་སྤྱོད་རིམ་སྤོར་བྱེད་པར་སྐུལ་འདེད་གཏོང་བ་དང་། མཉམ་ལས་ཀྱི་སྦས་ཤུགས་སྔོག་འདོན་བྱེད་པ་དང་མཉམ་ལས་ཀྱི་རིམ་པ་མཐོར་འདེགས་གཏོང་བ། མཉམ་ལས་ཁྱབ་ཁོངས་རྒྱ་སྐྱེད་པ། མཉམ་ལས་ཀྱི་ནང་དོན་ཇེ་ཟབ་ཏུ་གཏོང་བ། མཉམ་ལས་ཀྱི་གྲུབ་འབྲས་རྒྱ་སྐྱེད་པ་དང་། འཛད་སྤྱོད་ཁེ་དབང་སྲུང་སྐྱོབ་ཀྱི་མཉམ་སྐྲུན་མཉམ་སྤྱོད་རྣམ་པ་འཛུགས་སྐྲུན་བྱེད་པའི་བྱེད་ཐབས་གལ་ཆེན་ཡིན་ལ། ཞིང་ཆེན་གཉིས་ཀྱི་འཛད་སྤྱོད་ཁེ་དབང་སྲུང་སྐྱོབ་ཁྱབ་ཁོངས་ཀྱི་བྱ་བ་མཉམ་ལས་སྒོས་འཕེལ་རྒྱས་སུ་གཏོང་བ་དང་། དགེ་མཚན་ཁ་གསབ་བྱེད་པ། འཛད་སྤྱོད་ཁེ་དབང་སྲུང་སྐྱོབ་བྱ་བའི་ཁྱབ་ཁོངས་ཀྱི་བརྗེ་རེས་མཉམ་ལས་མཐོར་འདེགས་གཏོང་བ། དུས་རབས་གསར་བའི་འཛད་སྤྱོད་ཁེ་དབང་སྲུང་སྐྱོབ་བྱ་བ་བཟང་བོར་བསྒྲུབ་པའི་ཕན་ཡོད་བྱེད་ཐབས་དེ་ལས་ཀྱང་ཡིན་ལ། དེས་སི་ཁྲོན་དང་མཚོ་སྔོན་ཞིང་ཆེན་གཉིས་ཀྱིས་མཉམ་དུ་འཛད་སྤྱོད་ཁེ་དབང་སྲུང་སྐྱོབ་བྱེད་པའི་ཞབས་ཞུ་ཆུ་ཚད་མཐོར་འདེགས་གཏོང་བ་དང་འཛད་སྤྱོད་པ་ཡིད་ཚིམ་ཚད་མཐོར་འདེགས་གཏོང་བ། དཔལ་འབྱོར་སྤྱི་ཚོགས་་སྤུས་ཚད་མཐོ་བའི་ངང་འཕེལ་རྒྱས་སུ་གཏོང་བ་བཅས་ཀྱི་ཐད་རྨང་གཞི་བརྟན་པོ་བཏིངས།
གྲོས་མཐུན་ནང་། ཕྱོགས་གཉིས་ཀྱིས་འཛད་སྤྱོད་པའི་ཁེ་དབང་སྲུང་སྐྱོབ་ཆ་འཕྲིན་མཉམ་སྤྱོད་བརྗེ་རེས་ཤུགས་སྣོན་པ་དང་འཛད་སྤྱོད་ཚོང་ར་དར་རྒྱས་གོང་འཕེལ་གཏོང་བ། འཛད་སྤྱོད་ཐད་ཀྱི་ཞུ་གཏུག་དང་འགལ་རྩོད་ཐག་གཅོད་པ། མཉམ་དུ་ཚོང་རྫས་ཞབས་ཞུའི་སྤྱི་ཚོགས་ལྟ་སྐུལ་སྤེལ་བ། འཛད་སྤྱོད་དྲིལ་སྒྲོག་སློབ་གསོ་བཅས་ཕྱོགས་ལྔའི་ཐད་ནས་མཉམ་ལས་ཀྱི་རྐྱེན་སྲོལ་ཇེ་ཟབ་ཏུ་གཏོང་རྒྱུ་ཡིན་པ་དང་། འཛད་སྤྱོད་པའི་ཁེ་དབང་སྲུང་སྐྱོབ་བྱ་བའི་མཉམ་འབྲེལ་གྲོས་ཚོགས་ཀྱི་ལམ་ལུགས་འཛུགས་པ་དང་སི་ཁྲོན་དང་མཚོ་སྔོན་ཞིང་ཆེན་གཉིས་ཀྱི་འཛད་སྤྱོད་པའི་ཁེ་དབང་སྲུང་སྐྱོབ་འབྲེལ་འདྲིས་གཞུང་སྒྲུབ་ཁང་འཛུགས་པ། འཛད་སྤྱོད་པའི་ཁེ་དབང་སྲུང་སྐྱོབ་དྲིལ་སྒྲོག་འབྲེལ་འདྲིས་རྐྱེན་སྲོལ་འཛུགས་པ་སོགས་ཀྱི་བྱེད་ཐབས་བརྒྱུད་དེ། མཉམ་དུ་འཛད་སྤྱོད་པའི་ཁྲིམས་མཐུན་ཁེ་དབང་ལ་སྲུང་སྐྱོབ་བྱེད་རྒྱུ་གཏན་ཁེལ་གསལ་བོ་བྱས།
གོ་རིམ་རྗེས་མར། མཚོ་སྔོན་ཞིང་ཆེན་འཛད་སྤྱོད་པའི་མཐུན་ཚོགས་དང་སི་ཁྲོན་ཞིང་ཆེན་འཛད་སྤྱོད་པའི་ཁེ་དབང་སྲུང་སྐྱོབ་ཨུ་ཡོན་ལྷན་ཁང་གིས་མུ་མཐུད་དུཞིང་ཆེན་གཉིས་ཀྱི་ཁུལ་ཁོངས་བརྒལ་བའི་འཛད་སྤྱོད་ཁེ་དབང་སྲུང་སྐྱོབ་མཉམ་ལས་རྐྱེན་སྲོལ་འཐུས་ཚང་དུ་གཏོང་བ་དང་། འཛད་སྤྱོད་ཁེ་དབང་སྲུང་སྐྱོབ་ཀྱི་ཐོན་ཁུངས་མཉམ་སྤྱོད་དང་ཁུལ་ཁོངས་བརྗེ་རེས་གཏིང་ཟབ་ཏུ་གཏོང་བ། ཞིང་ཆེན་གཉིས་ཀྱི་དཔལ་འབྱོར་སྤྱི་ཚོགས་འཆམ་མཐུན་གཏན་འཇགས་ངང་འཕེལ་རྒྱས་སུ་གཏོང་བར་སྐུལ་འདེད་གཏོང་བ། མཉམ་དུ་སེམས་བདེ་བག་ཕེབས་ཀྱི་འཛད་སྤྱོད་ཁོར་ཡུག་འཛུགས་སྐྲུན་བྱེད་པ། ཞིང་ཆེན་གཉིས་ཀྱི་དཔལ་འབྱོར་མཉམ་དུ་དར་རྒྱས་གོང་འཕེལ་དུ་གཏོང་བར་རོགས་འདེགས་བྱས་ནས། ཞིང་ཆེན་གཉིས་ཀྱི་འཛད་སྤྱོད་ཁེ་དབང་སྲུང་སྐྱོབ་བྱ་བ་ཐེམ་སྐས་གསར་བ་ཞིག་ཏུ་བསླེབ་པར་སྐུལ་འདེད་གཏོང་རྒྱུ་རེད།
རིན་ཆེན་མཚོས་བསྒྱུར།
