ཉེ་ལམ། རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་མཚོ་སྔོན་ཞིང་ཆེན་གྱི་བཙོག་བཟོ་བཅོས་སྐྱོང་དང་ནུས་ཁུངས་གྲོན་ཆུང་དང་ཐཱན་ཇེ་ཉུང་དུ་གཏོང་བའི་ཐད་ཀྱི2022ལོའི་ཀྲུང་དབྱང་སྔོན་རྩིས་ནང་གི་ཆེད་སྤྱོད་མ་དངུལ་སྒོར་བྱེ་བ་གཉིས་བཏང་སྟེ། ཟི་ལིང་གྲོང་ཁྱེར་གྱི་ལས་རིགས་གཙོ་བོའི་ནུས་ཁུངས་གྲོན་ཆུང་དང་ཐཱན་ཉུང་སྒྱུར་བཀོད་ཐད་རྒྱབ་སྐྱོར་བྱས།
ཀྲུང་དབྱང་སྔོན་རྩིས་ནང་གི་མ་དངུལ་གྱིས་ཟི་ལིང་གྲོང་ཁྱེར་གྱི་ལས་རིགས་གཙོ་བོའི་ནུས་ཁུངས་གྲོན་ཆུང་དང་ཐཱན་ཉུང་སྒྱུར་བཀོད་ལས་གཞི་ལེགས་འགྲུབ་བྱུང་རྗེས། ཟི་ལིང་གྲོང་ཁྱེར་གྱི་ཁེ་ལས་ཐོན་ཁུངས་ཕྱིར་བསྡུ་བེད་སྤྱོད་ནུས་པ་དང་སྲ་གཟུགས་གད་སྙིགས་ཕྱོགས་བསྡུས་བེད་སྤྱོད་ནུས་པ་མཐོར་འདེགས་བྱེད་པ་དང་། ལས་རིགས་གཙོ་བོ་དང་ཁྱབ་ཁོངས་གཙོ་བོའི་ལྗང་མདོག་ཐཱན་དམའ་འཕེལ་རྒྱས་ཐད་དཔེ་སྟོན་སྣེ་ཁྲིད་བྱེད་ཐུབ།
ཉེ་བའི་ལོ་འགའི་རིང་ལ། མཚོ་སྔོན་གྱིས་ལྗང་མདོག་ཐཱན་ཉུང་འཁོར་རྒྱུག་གི་དེང་རབས་ཐོན་ལས་མ་ལག་བཙུགས་པ་དང་། ཚན་རིག་དང་མཐུན་པ་དང་གོ་རིམ་ལྡན་པའི་སྒོ་ནས་ཐཱན་རྩེར་སོན་དང་ཐཱན་སྙོམས་སྦྱོར་བྱས་ལ། མཁོ་འདོན་སྣེ་དང་འཛད་སྤྱོད་སྣེ། སྲ་ཐཱན་སྣེ་བཅས་ནས་མཉམ་དུ་ཤུགས་འདོན་པ་རྒྱུན་འཁྱོངས་བྱས་ཏེ། ནུས་ཁུངས་གྲུབ་ཚུལ་གྱི་འཐབ་ཇུས་རང་བཞིན་གྱི་ལེགས་སྒྲིག་ལ་སྐུལ་འདེད་བཏང་། ཐཱན་རྩེར་སོན་ཐད་ཀྱི་འགུལ་སྐྱོད་ཆེན་པོ་བཅུ་བརྟན་བརླིང་ངང་སྤེལ་ནས། གོ་རིམ་ལྡན་པའི་ངང་ཁྱབ་ཁོངས་གཙོ་བོའི་ནུས་ཁུངས་གྲོན་ཆུང་དང་ཐཱན་དམའ་བྱ་བ་སྤེལ།
གོ་རིམ་རྗེས་མར། མཚོ་སྔོན་ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གིས་འབྲེལ་ཡོད་ས་ཁུལ་དང་ཁེ་ལས་ཀྱིས་ལས་གཞི་མྱུར་དུ་འཛུགས་སྐྲུན་བྱེད་པ་དང་། ལས་གཞིའི་སྤུས་ཚད་དང་མ་དངུལ་བདེ་འཇགས་ཀྱི་ལྟ་སྐུལ་དོ་དམ་ལ་ཤུགས་སྣོན་པར་མཛུབ་སྟོན་དང་སྐུལ་འདེད་བྱེད་པ་དང་། ཀྲུང་དབྱང་སྔོན་རྩིས་ནང་གི་དངུལ་གཏོང་ཕན་འབྲས་འདོན་སྤེལ་གང་ལེགས་བྱས་ནས། ཕན་ལྡན་དངུལ་གཏོང་རྒྱ་སྐྱེད་པ་དང་ལྗང་མདོག་ཐཱན་དམའ་འཕེལ་རྒྱས་ལ་སྐུལ་འདེད་གཏོང་བའི་ཐད་ཤུགས་ཡོད་ཀྱི་འདེགས་སྐྱོར་འདོན་སྤྲོད་བྱེད་རྒྱུ་རེད།
རིན་ཆེན་མཚོས་བསྒྱུར།
