ཉེ་སྔོན། རྒྱལ་ཁབ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་གིས་རང་ཞིང་གི་བཙོག་བཟོ་བཅོས་སྐྱོང་དང་ནུས་ཁུངས་གྲོན་ཆུང་དང་ཐཱན་ཉུང་གི2022ལོའི་ཀྲུང་དབྱང་སྔོན་རྩིས་ནང་གི་ཆེད་སྤྱོད་མ་དངུལ་སྒོར་བྱེ་བ་གཉིས་བཏང་སྟེ། ཟི་ལིང་གྲོང་ཁྱེར་གྱི་ལས་རིགས་གཙོ་བོའི་ནུས་ཁུངས་གྲོན་ཆུང་དང་ཐཱན་ཉུང་སྒྱུར་བཀོད་ཐད་རྒྱབ་སྐྱོར་བྱས།
རྒྱུས་ལོན་བྱུང་བ་ལྟར་ན། ཀྲུང་དབྱང་སྔོན་རྩིས་ནང་གི་མ་དངུལ་གྱིས་ཟི་ལིང་གྲོང་ཁྱེར་གྱི་ལས་རིགས་གཙོ་བོའི་ནུས་ཁུངས་གྲོན་ཆུང་དང་ཐཱན་ཉུང་སྒྱུར་བཀོད་ཐད་རྒྱབ་སྐྱོར་བྱེད་པའི་ལས་གཞི་འཛུགས་སྐྲུན་བྱས་རྗེས། ཟི་ལིང་གྲོང་ཁྱེར་གྱི་ཁེ་ལས་ཐོན་ཁུངས་ཕྱིར་བསྡུ་བེད་སྤྱོད་ནུས་པ་དང་སྲ་གཟུགས་གད་སྙིགས་ཕྱོགས་བསྡུས་བེད་སྤྱོད་ནུས་པ་མཐོར་འདེགས་གཏོང་བ་དང་། ལས་རིགས་གཙོ་བོ་དང་ཁྱབ་ཁོངས་གཙོ་བོའི་ལྗང་མདོག་ཐཱན་ཉུང་འཕེལ་རྒྱས་སུ་གཏོང་བར་སྣེ་ཁྲིད་བྱེད་ཐུབ། གོ་རིམ་རྗེས་མར། ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གིས་འབྲེལ་ཡོད་ས་ཁུལ་དང་ཁེ་ལས་ཀྱིས་ལས་གཞི་འཛུགས་སྐྲུན་བྱེད་པར་མཛུབ་སྟོན་དང་སྐུལ་འདེད་གཏོང་བ་དང་། ལས་གཞིའི་སྤུས་ཚད་དང་མ་དངུལ་བདེ་འཇགས་དོ་དམ་ལ་ཤུགས་སྣོན་པ། ཀྲུང་དབྱང་སྔོན་རྩིས་ནང་གི་དངུལ་གཏོང་ཕན་འབྲས་འདོན་སྤེལ་གང་ལེགས་བྱས་ནས། ཕན་ཡོད་དངུལ་གཏོང་རྒྱ་སྐྱེད་པ་དང་ལྗང་མདོག་ཐཱན་ཉུང་འཕེལ་རྒྱས་ལ་སྐུལ་འདེད་གཏོང་བའི་ཐད་ཤུགས་ཡོད་འདེགས་སྐྱོར་འདོན་སྤྲོད་བྱེད་རྒྱུ་རེད།
རིན་ཆེན་མཚོས་བསྒྱུར།
