འཕེལ་རྒྱས་ཀྱི་ཁོར་ཡུག་སྔར་ལས་ལེགས་སྒྱུར་དང་། དམངས་གཉེར་དཔལ་འབྱོར་དང་ཁེ་ལས་འབྲིང་ཆུང་ཕྲན་གསུམ་གྱི་སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱེད་པར་སྐུལ་འདེད་གཏོང་ཆེད། མགོ་ལོག་བོད་རིགས་རང་སྐྱོང་ཁུལ་རྨ་སྟོད་རྫོང་གིས་ཁེ་ལས་ལ་རོགས་བྱས་ཏེ་དཀའ་ཁག་སེལ་བའི་སྲིད་ཇུས་སྣ་ཚོགས་དངོས་འབེབས་ཡོང་བར་སྐུལ་འདེད་ནན་མོ་བཏང་ནས། རྫོང་ཡོངས་ཀྱི་ཁེ་ལས་འབྲིང་ཆུང་ཕྲན་གསུམ་གྱི་བདེ་ཐང་བརྟན་འཇགས་འཕེལ་རྒྱས་ལ་ཁག་ཐེག་བྱས།
རྨ་སྟོད་རྫོང་གིས་ཁེ་ལས་འབྲིང་ཆུང་ཕྲན་གསུམ་གྱི་འཕེལ་རྒྱས་དོན་དངོས་དང་ཟུང་འབྲེལ་བྱས་ཏེ། རྨ་སྟོད་རྫོང་གི་ཁེ་ལས་ལ་རོགས་བྱས་ཏེ་དཀའ་ཁག་སེལ་བ་དང་ཁེ་ལས་འབྲིང་ཆུང་ཕྲན་གསུམ་གྱི་རྒྱུན་མཐུད་འཕེལ་རྒྱས་ལ་སྐུལ་འདེད་གཏོང་བའི་བྱེད་ཐབས་ཉེར་གཉིས་གཏན་འབེབས་བྱས་ཏེ། རྨ་སྟོད་རྫོང་རྨ་ཆུ་ཡུལ་སྐོར་འཕེལ་རྒྱས་ཚད་ཡོད་ཀུང་སི་སོགས་ཁེ་ལས་བདུན་རྩ་འཛུགས་བྱས་ཏེ་ཉིས་སྟོང་ཉེར་གཉིས་ལོའི་མགོ་ལོག་ཁུལ་གྱི་ཁེ་ལས་ལ་རོགས་བྱས་ཏེ་དཀའ་ཁག་སེལ་བ་དང་ཁེ་ལས་འབྲིང་ཆུང་ཕྲན་གསུམ་གྱི་རྒྱུན་མཐུད་འཕེལ་རྒྱས་ལ་སྐུལ་འདེད་གཏོང་བའི་ཆེད་སྤྱོད་མ་དངུལ་གྱི་རྣམ་གྲངས་རིགས་བརྒྱད་ཡར་ཞུ་བྱས་པ་དང་། མ་དངུལ་སྒོར་ས་ཡ་གཅིག་དང་ཁྲི་གཅིག་ཡར་ཞུ་བྱས་ཡོད་ལ། སྒོར་འབུམ་གཉིས་ཁྲི་དགུ་དངོས་འབེབས་བྱས་ཟིན།
ཁྲོམ་རའི་གཙོ་ཤུགས་ཀྱིས་ཁེ་ལས་ལ་རོགས་བྱས་ཏེ་དཀའ་ཁག་སེལ་བའི་སྲིད་ཇུས་ཤེས་ཚད་སྔར་ལས་མཐོ་རུ་གཏོང་བ་དང་། སྲིད་ཇུས་རྒྱུད་སྒྲོག་ལམ་བུ་ཡངས་པོར་གཏོང་བ། ཁེ་ལས་ལ་རོགས་བྱས་ཏེ་དཀའ་ཁག་སེལ་བའི་སྲིད་ཇུས་དྲིལ་སྒྲོག་བྱ་བ་ནན་ཏན་གྱིས་སྒྲུབ་པ་བཅས་ཀྱི་ཆེད། རྨ་སྟོད་རྫོང་གིས་དྲ་ལམ་དང་ཡུལ་དངོས་ཟུང་འབྲེལ་གྱི་རྣམ་པ་བཀོལ་སྤྱོད་གང་ལེགས་བྱས་ཏེ། ཁེ་ལས་ལ་རོགས་བྱས་ཏེ་དཀའ་ཁག་སེལ་བའི་སྲིད་ཇུས་སྣ་ཚོགས་དངོས་འབེབས་དང་དྲིལ་སྒྲོག་ཤུགས་ཆེན་བྱས་པ་དང་། ཁེ་ལས་འབྲིང་ཆུང་ཕྲན་གསུམ་བརྟན་འཇགས་བདེ་ཐང་ངང་འཕེལ་རྒྱས་སུ་འགྲོ་བར་རོགས་རམ་བྱས།
རིག་འཛིན་སྒྲོལ་མས་བསྒྱུར།
