ཉེ་སྔོན་མཚོ་སྔོན་ཞིང་ཆེན་ཏང་ཨུའི་དྲིལ་སྒྲོག་པུའུ་དང་ཞིང་ཆེན་དཔལ་ཡོན་གཞུང་སྒྲུབ་ཁང་གིས་གཙོ་སྒྲུབ་བྱས་པའི་ཉིས་སྟོང་ཉེར་གསུམ་ལོའི་མཚོ་སྔོན་གྱི་དུས་ཚིགས་གཉིས་པའི་མི་བཟང་ཁྱབ་བསྒྲགས་བྱེད་པའི་མཛད་སྒོ་མཚོ་ཤར་གྲོང་ཁྱེར་ཧུའུ་ཀྲུའུ་ཧོར་རིགས་རང་སྐྱོང་རྫོང་ནས་སྤེལ། མཚོ་སྔོན་གྱི་མི་བཟང་བཅུ་གསུམ་ལ་གཟེངས་བསྟོད་ཐོབ།
མཚོ་སྔོན་གྱི་མི་བཟང་བཅུ་གསུམ་ནི་སོ་སོར་གཞན་ལ་རོགས་རམ་བྱེད་པར་དགའ་བའི་མི་བཟང་ནི་མཚོ་བྱང་བོད་རིགས་རང་སྐྱོང་ཁུལ་ཧེ་ཡན་རྫོང་གསེར་ཐང་ཡུལ་ཚོ་ཏུང་ཏཱ་སྡེ་བའི་ཏང་ཀྲི་པུའུ་ཧྲུའུ་ཅི་ཉིག་ཧྲིང་ཡུག་དང་། རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་རོང་བོ་གྲོང་རྡལ་ན་གཞོན་ལམ་སྡེ་ཁུལ་གྱི་ཏང་ཀྲི་པུའུ་ཧྲུའུ་ཅི་མཱ་ཡུས་མཱེ། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཏུའུ་ལན་རྫོང་ཤིང་སྡེ་ཡུལ་ཚོ་དར་དམར་སྡེ་བའི་གློག་བརྙན་གཏོང་མཁན་ཏུང་ཏི་པུའུ། ཟི་ལིང་གྲོང་ཁྱེར་རྟ་ཐང་ཧོས་རིགས་རང་སྐྱོང་རྫོང་ཙོང་ཆུའི་པགས་བརྙན་ཟློས་གར་འཁྲབ་ལེན་བྱེད་པའི་དང་བླངས་པ་ལིས་ཚེ་ཐིན་བཅས་དང་། དྲང་བདེན་རྟུལ་ཕོད་ཅན་གྱི་མི་བཟང་ནི་ཅང་སུའུ་ཐུང་འཛུགས་སྐྲུན་སྤྱི་ཁྱབ་སྡེ་ཚོགས་ཚད་ཡོད་ཀུང་ཟིའི་ལས་གཞིའི་ལས་གཉེར་བ་ཟུར་པ་ཞུའུ་ཧོས། ཡིད་ཆེས་བརྟན་སྲུང་གི་མི་བཟང་ནི་རྨ་ལྷོ་ཁུལ་སོག་རྫོང་ལས་བྱེད་པ་རྒན་པའི་ཞབས་ཞུའི་ལྟེ་གནས་ཀྱི་ཀྲུའུ་རིན་ནམ། ཟི་ལིང་དུ་སྡོད་པའི་ལས་བྱེད་པ་རྒན་པའི་ཞབས་ཞུའི་ལས་དོན་ཁང་གི་མགོ་བ་ཚེ་དབང་རྣམ་རྒྱལ་དང་། རྨ་ལྷོ་ཁུལ་ཐུན་རིན་གྲོང་ཁྱེར་རེབ་གོང་ཀླུ་སྒྲུབ་ཐང་གའི་སྒྱུ་རྩལ་གླིང་གི་མགོ་བ་ཆོས་གྲགས། ལས་བཀུར་འབད་འབུངས་ཅན་གྱི་མི་བཟང་ནི་མཚོ་ལྷོ་བོད་རིགས་རང་སྐྱོང་ཁུལ་ཐུན་ཏེ་རྫོང་འཕྲལ་སྒྲུབ་དོ་དམ་ཅུའུ་ཡི་ཅུའུ་ཀྲང་ཟུར་པ་བདུད་མགོན་སྐྱབས་དང་། མཚོ་ཤར་གྲོང་ཁྱེར་དཔའ་ལུང་ཧོས་རིགས་རང་སྐྱོང་རྫོང་མཐའ་རྒྱ་བོད་རིགས་ཡུལ་ཚོ་མཐའ་ཡས་སྡེ་བའི་ཧྲུའུ་ཅི་དང་པོ་ཟུར་པ་ལིའུ་ཡུས་ཝུན། མཚོ་སྔོན་ཞིང་ཆེན་ལུས་རྩལ་བྱ་བའི་རུ་ཁག་དང་པོའི་ལུས་རྩལ་པའམ་རིམ་པ་གཉིས་པའི་རྩལ་ཁྲིད་པ་ཆོས་དབྱིངས་སྐྱིད། མཚོ་བྱང་ཁུལ་ཧེ་ཡན་རྫོང་གི་རྩོམ་པ་པོ་བསོད་ནམས་ཚེ་རིང་། མཚོ་ནུབ་ཁུལ་ཏུའུ་ལན་རྫོང་ཁྲ་ཧན་ཝུའུ་སུའུ་གྲོང་རྡལ་ཞི་ཧི་ཐན་སྡེ་བ་ཞོལ་མའི་ཧྲུའུ་ཅི་དང་པོ་དབྱང་ཞའོ་ཏུང་། ཀྲུང་གོ་ལྕགས་ལམ་མཚོ་བོད་སྡེ་ཚོགས་ཚད་ཡོད་ཀུང་ཟིའི་ཟི་ལིང་གློག་དོན་གྱི་མགོ་ཁྲིད་གཞོན་པ་ཡེ་ཅིན་ཧྥུའུ་བཅས་རེད།
ཁྱབ་བསྒྲགས་མཛད་སྒོའི་སྟེང་བརྙན་ཐུང་གཏོང་བ་དང་། གླེང་མོལ་བྱེད་པ། གུས་འདུད་ཞུ་བའི་ཞུ་ཚིག་འབུལ་བ། རིག་རྩལ་འཁྲབ་སྟོན། རྗེས་དྲན་དཔང་ཡིག་སྟེར་བ་བཅས་ཀྱི་རྣམ་པ་བརྒྱུད་དེ་མཚོ་སྔོན་གྱི་མི་བཟང་གི་ཡིད་སེམས་འགུལ་བའི་བྱས་རྗེས་དང་བླ་མེད་ཀུན་སྤྱོད་གསོན་ཉམས་ལྡན་པར་མངོན་པར་བྱས། མཚོ་སྔོན་གྱི་མི་བཟང་ཚང་མར་གནམ་ས་འགུལ་བའི་གཏམ་རྒྱུད་མེད་ལ། ཡིད་འགུལ་ཐེབས་པའི་སྐད་བརྡ་མེད་ཀྱང་། སྤྱིར་བཏང་གི་འཚོ་བའི་ཁྲོད་འགན་འཁྲིའི་འདུ་ཤེས་ཁུར་དུ་བླངས་ནས། མི་ཡུལ་གྱི་བརྩེ་བ་དྲོན་མོ་བརྒྱུད་སྤྲོད་བྱས་ཡོད། ཡིད་ཀྱི་དང་བ་འདྲེན་པའི་མིང་རེ་རེ་དང་། མི་རྣམས་ཡར་བརྩོན་ལ་སྐུལ་བའི་གཏམ་རྒྱུད་རེ་རེ། དྲོད་ཁོལ་ལྡན་པའི་སྣང་བརྙན་རེ་རེས་ཡུལ་དངོས་ཀྱི་ལྟད་མོ་བ་མང་བོ་ཡིད་འགུལ་ཐེབས་པར་བྱས་ཡོད་ལ། ཡུལ་དངོས་སུ་དུས་ངེས་མེད་དུ་འབྲུག་སྟོང་ལྡིར་བ་ལྟ་བུའི་ཐལ་མོ་རྡེབ་སྒྲ་གྲགས་ནས་མིག་དཔེར་གུས་འདུད་ཞུས།
བསོད་ནམས་ཚེ་རིང་གིས་བསྒྱུར།
