2024ལོར། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ན་གོར་མོ་གྲོང་ཁྱེར་གྱིས་ཞིང་ཆེན་ཏང་ཨུ་དང་ཁུལ་ཏང་ཨུས་བཏོན་པའི་བྱེད་ཐབས་བཟང་བོར་དམ་པོར་དམིགས་ནས།  སྤྱོད་ཚུལ་ལེགས་སྒྱུར་ལ་སྐུལ་འདེད་དང་སྐྱེ་སྟོབས་དང་གསོན་ཤུགས་འཕེལ་བར་བྱས་ཏེ།  ཏང་བཅོས་སྐྱོང་ནན་མོ་བྱེད་པར་རེ་བ་དང་སྒུལ་ཤུགས་བསྣན་པ་དང་།  དོན་དངོས་དང་ཟུང་འབྲེལ་གྱིས་གྲོང་ཁྱེར་ཡོངས་ཀྱི་ཁྱབ་ཁོངས་སུ་ཆེད་དོན་བཅོས་སྒྲིག་ལས་དོན་སྤེལ་ཏེ། དཔལ་འབྱོར་དང་སྤྱི་ཚོགས་སྤུས་ཚད་མཐོན་པོས་འཕེལ་རྒྱས་འགྲོ་བར་ལམ་ལུགས་ཀྱི་ཁོར་ཡུག་བཟང་པོ་ཞིག་བསྐྲུན་པར་མ་ཟད། རྐྱེན་སྲོལ་གྱི་འགན་ལེན་ཆེན་པོ་འདོན་སྤྲོད་བྱས།

རྒྱུ་མཚན་ཅི་ཡིན་པའི་གནད་དོན་འདྲི་བ་དང་།  ཇི་ལྟར་སྒྲུབ་དགོས་པའི་གནད་དོན་ལ་བསམ་གཞིགས་གཏོང་བ།  ཅི་ཞིག་སྒྲུབ་དགོས་པའི་གནད་དོན་གཏན་འཁེལ་གསལ་བོ་བྱེད་པ་བཅས་ཀྱི་ཕྱོགས་གསུམ་ལ་དམ་པོར་དམིགས་པ་དང་། ཏང་གི་སྒྲིག་ཁྲིམས་སློབ་སྦྱོང་སློབ་གསོ་དང་ཟུང་འབྲེལ་བྱས་ཏེ། ན་གོར་མོ་གྲོང་ཁྱེར་གྱིས་རང་རྟོགས་སྒོས་ཕྱོགས་ཡོངས་ནས་ཏང་བཅོས་སྐྱོང་ནན་མོ་བྱེད་པར་སྐུལ་འདེད་གཏོང་རྒྱུ་དེ“འདུ་ཤེས་བཞི”ཇེ་དྲག་ཏུ་གཏོང་བ་དང་།  “རང་རྟོན་བཞི”ཇེ་བརྟན་དུ་གཏོང་བ།“སྲུང་སྐྱོང་གཉིས”སྒྲུབ་ཐུབ་པ་བཅས་ཀྱི་བྱེ་བྲག་གི་བྱ་སྤྱོད་དུ་བརྩིས་ཤིང་།  དུས་ཚིགས་དང་པོར་རྙོག་འཛིང་ཆེ་ལ་འགྱུར་ལྡོག་མང་བའི་ཕྱི་ཕྱོགས་ཁོར་ཡུག་དང་དཔལ་འབྱོར་གྲུབ་ཆ་རིམ་སྤོར་གྱི་ནང་ཁུལ་དགོས་མཁོར་དམིགས་ཏེ།  གྲོང་ཁྱེར་ཡོངས་ཀྱི་གོང་འོག་ཚང་མས་བཅོས་སྒྱུར་དེ་འཕེལ་རྒྱས་དོན་གཉེར་དང་སྤྱོད་ཚུལ་ལེགས་སྒྱུར་བྱེད་པའི་ཐད་དོན་འཁྱོལ་བྱེད་པ་རྒྱུན་འཁྱོངས་བྱས་པས། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་གྱི་མ་དངུལ་གཏོང་ཤུགས་ཆེ་རུ་ཕྱིན་པ་དང་། ལས་ཞུགས་དངོས་གོང་གི་ཆུ་ཚད་སྤྱིའི་ཆ་ནས་བརྟན་བརླིང་བྱུང་བ། དམངས་འཚོའི་འགན་ལེན་ནུས་ལྡན་དུ་གྱུར་ནས་གྲོང་ཁྱེར་ཡོངས་ཀྱི་ས་ཁུལ་གྱི་ཐོན་སྐྱེད་སྤྱིའི་ཐོན་རིན་བསྡོམས་འབོར་སྒོར་ཐེར་འབུམ་གཅིག་དང་དུང་ཕྱུར་གསུམ་ལྷག་ཡོངས་འགྲུབ་བྱས།

《ཕྱོགས་ཡོངས་ནས་ཏང་བཅོས་སྐྱོང་ནན་མོ་བྱེད་པའི་འཐབ་རྩོད་ཀྱི་སྙིང་སྟོབས་དར་སྤེལ་བཏང་ནས་ན་གོར་མོ་གྲོང་ཁྱེར་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཆེད་དོན་བྱ་བའི་ཇུས་གཞི》པར་འགྲེམ་བྱས་ཏེ། ཏང་ཡོན་ལས་བྱེད་པའི་ཆབ་སྲིད་ཀྱི་ལངས་གནས་མི་མཐོ་བ་དང་ཏང་ནང་ཁུལ་གྱི་ཆབ་སྲིད་འཚོ་བ་ཚད་ལྡན་མིན་པ་སོགས་ཀྱི་སྣང་ཚུལ་གཙོ་གནད་དུ་བཟུང་ནས་བཅོས་སྒྲིག་བྱས་པ་དང་། འཐབ་རྩོད་ཀྱི་སྙིང་སྟོབས་ཞན་པ་དང་། འཐབ་རྩོད་ཀྱི་འཇོན་ཐང་ཆེན་པོ་མེད་པ།  སྙིང་སྟོབས་ཆུང་བ། འཇིགས་སྣང་གི་སེམས་ཡོད་པ། །  སྒྲིག་ཁྲིམས་ལག་བསྟར་ནན་མོ་མི་བྱེད་པ། གནད་དོན་གྱི་ཁུངས་སྣེ་ཡུན་རིང་ཐག་གཅོད་མི་བྱེད་པ་སོགས་ཀྱི་གནད་དོན་གཙོར་བཟུང་ནས་བཅོས་སྒྲིག་བྱས་ཤིང་། འགོ་ཁྲིད་ལས་བྱེད་པས་དབང་ཆ་སྤྱད་དེ་སྒྲིག་འགལ་ངང་བཟོ་སྐྲུན་ལས་གཞིར་ཐེ་གཏོགས་བྱེད་པ་དང་། སྤྱི་པའི་དབང་ཆ་གང་བྱུང་དུ་སྤྱོད་པ་དང་དབང་ཆར་བརྟེན་ནས་སྒེར་ཕན་གཉེར་བ་སོགས་ཀྱི་གནད་དོན་ཐག་གཅོད་བྱས།

ཏང་བཅོས་སྐྱོང་ནན་མོ་བྱེད་པའི་འཐབ་རྩོད་ཀྱི་སྙིང་སྟོབས་དར་སྤེལ་བཏང་ནས་སྤུས་ཚད་མཐོ་བའི་འཕེལ་རྒྱས་ཀྱི་ནུས་པར་སྐུལ་འདེད་གཏོང་བ་དང་། ཁེ་ལས་ལ་རོགས་སྐྱོར་དང་ཁེ་ལས་ལ་དྲོད་སྐྱིད་སྦྱིན་པའི་དཔྱིད་རླུང་བྱ་སྤྱོད་རྒྱུན་མཐུད་ངང་སྤེལ་བ། སྲིད་ཇུས་དྲིལ་སྒྲོག་དང་དཀའ་གནད་སེལ་བ། ཞབས་ཞུ་ཇེ་ལེགས་སུ་གཏོང་བ་བཅས་ཀྱི་བྱ་སྤྱོད་གཏིང་ཟབ་ཏུ་སྤེལ་བ་བརྒྱུད། གྲོང་ཁྱེར་ཡོངས་ཀྱི་གཞི་ཁྱོན་ལྡན་པའི་བཟོ་ལས་ཁེ་ལས73ལས་ཀ་དང་ཐོན་སྐྱེད་སླར་གསོ་བྱས་ཚད90.4%བསླེབས་པ་དང་།  དུས་མཚུངས་སུ་བརྟན་ཐོག་ཡར་འཕེལ་དང་།  འཕེལ་རྒྱས་ཁྲོད་ནས་བརྟན་འཇགས་ལ་སྐུལ་འདེད།  སྔོན་འཛུགས་རྗེས་གཏོར་བཅས་རྒྱུན་འཁྱོངས་བྱས་ཏེ། ཞིང་ཕྱུགས་ལས་བརྟན་པོའི་ངང་འགོ་བརྩམས་པ་དང་།   ཞབས་ཞུའི་ལས་རིགས་རྒྱུན་མཐུད་ངང་སླར་གསོ་བྱུང་བ། དམངས་འཚོའི་བདེ་སྐྱིད་རྒྱུན་ཆད་མེད་པར་ཆེ་རུ་ཕྱིན་ཡོད།

སྡེ་ཁག་སོ་སོ་དང་ལས་ཁུངས་སོ་སོས་བཅོས་སྒྲིག་བྱེད་ཐབས་བཟོས་ནས་ཆེད་དོན་བཅོས་སྒྲིག་ལས་དོན་དེ་མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་བཅོས་སྒྲིག་དང་གཅིག་སྡུད་བཅོས་སྒྲིག་བཞི་དང་ཟུང་འབྲེལ་བྱས་ཏེ། ཆེད་དོན་བཅོས་སྒྲིག་ལས་དོན་ལ་བརྟེན་ནས་ལས་དོན་དོན་འཁྱོལ་བྱེད་པར་སྐུལ་འདེད་གཏོང་བ་དང་བྱ་བའི་ཕན་འབྲས་ལ་བརྟེན་ནས་ཆེད་དོན་བཅོས་སྒྲིག་གི་གྲུབ་འབྲས་ལ་ཞིབ་བཤེར་བྱས་ཏེ། གྲོང་ཁྱེར་ཡོངས་སུ་དག་ཐེར་དང་། འཕེལ་རྒྱས། དམངས་ཕན་བཅས་ཕན་ཚུན་སྐུལ་འདེད་གཏོང་བའི་རྣམ་པ་བཟང་པོ་ཞིག་ཆགས་པར་བྱས་ནས། གྲོང་ཁྱེར་ཡོངས་ཀྱི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་སྲ་ཞིང་བརྟན་པའི་འགན་ལེན་འདོན་སྤྲོད་བྱས།

སྒྲོལ་མ་སྐྱིད་ཀྱིས་བསྒྱུར།