ཟླ11པའི་ཚེས19ཉིན། མཚོ་སྔོན་ཞིང་ཆེན་གྱི་ཡོ་རོབ་དང་ཨ་མེ་རི་ཁའི་སློབ་གྲོགས་ཚོགས་པ་སྟེ་ཕྱི་འགྲིམ་སློབ་མའི་མཛའ་འབྲེལ་ལྷན་ཚོགས་འཛུགས་པའི་ཚོགས་ཆེན་དང་ཚོགས་མིའི་འཐུས་མི་ཚོགས་ཆེན་ཐེངས་དང་པོ་འཚོགས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་པད་ཁོ་གྲོས་ཚོགས་སུ་ཞུགས་པར་མ་ཟད་གཏམ་བཤད། ཡོ་རོབ་དང་ཨ་མེ་རི་ཁའི་སློབ་གྲོགས་ཚོགས་པ་སྟེ་ཕྱི་འགྲིམ་སློབ་མའི་མཛའ་འབྲེལ་ལྷན་ཚོགས་ཀྱི་ཏང་ཙུའུ་ཧྲུའུ་ཅི། དྲུང་ཡིག་ཆེན་མོ་ལིས་མེན་གྱིས་ཤིས་ཚིག་ཕུལ།
གྲོས་ཚོགས་སྟེང་དམངས་གཙོ་ཏང་ཁག་སོ་སོའི་ཞིང་ཆེན་ཨུ་ཡོན་ལྷན་ཁང་དང་། ཞིང་ཆེན་གྱི་མང་ཚོགས་ཚོགས་པའི་འཐུས་མིས་ཤིས་ཚིག་ཕུལ་བ་དང་། སྐབས་དང་པོའི་ལས་འཛིན་ལྷན་ཚོགས་ཀྱི་ལས་འཛིན་པ་དང་འགོ་ཁྲིད་སྒྲིག་གཞིའི་ཁོངས་མི་བདམས་ཐོན་བྱུང་།
གྲོས་ཚོགས་ལས་ཞིང་ཆེན་གྱི་ཡོ་རོབ་དང་ཨ་མེ་རི་ཁའི་སློབ་གྲོགས་ཚོགས་པ་སྟེ་ཕྱི་འགྲིམ་སློབ་མའི་མཛའ་འབྲེལ་ལྷན་ཚོགས་འཛུགས་པ་དེ་ནི་ཀྲུང་དབྱང་གི་བླང་བྱ་ཡིན་ལ་མཚོ་སྔོན་འཕེལ་རྒྱས་ཀྱི་དགོས་མཁོ་ཞིག་ཀྱང་ཡིན་པས། ཕྱི་འགྲིམ་སློབ་མའི་འཐབ་ཕྱོགས་གཅིག་གྱུར་བྱ་བ་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་མ་ནུས་ལྡན་གཏོང་བ་དང་། མཚོ་སྔོན་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་གསོན་ཤུགས་གསར་པ་སྣོན་རྒྱུ་རེད། རྒྱ་ཆེའི་ཕྱི་འགྲིམ་སློབ་མས་མུ་མཐུད་དུ་ཕྱི་རྒྱལ་དུ་སློབ་སྦྱོང་བྱས་ནས་རྒྱལ་ཁབ་ལ་དྲིན་ལན་འཇལ་བའི་སྲོལ་རྒྱུན་བཟང་པོ་རྒྱུན་འཛིན་བྱས་ནས། དུས་ནམ་ཡང་མེས་རྒྱལ་དང་མི་དམངས་སེམས་སུ་བཅངས་ཏེ། རྒྱལ་གཅེས་ཀྱི་བརྩེ་སེམས་དང་རྒྱལ་ཁབ་སྟོབས་ལྡན་དུ་གཏོང་བའི་སྙིང་སྟོབས་བཅངས་ནས་མེས་རྒྱལ་ལ་དྲིན་ལན་འཇལ་བ་དང་མི་དམངས་ལ་ཞབས་འདེགས་ཞུ་དགོས། ཐོག་མཐའ་བར་གསུམ་དུ“རྒྱལ་ཁབ་ཀྱི་ལས་དོན”སེམས་སུ་བཅངས་པ་དང“བསྐྱར་དར་གྱི་འགན་འཁྲི”ཕྲག་ཏུ་ཁུར་ནས། ཕྱིར་འགྲིམས་ནས་རྒྱལ་ཁབ་ལ་དྲིན་ལན་འཇལ་བའི་ཤེས་ལྡན་པའི་མཛོད་ཀྱི་ནུས་པ་འདོན་སྤེལ་ཡག་པོ་བྱས་ཏེ། དད་སེམས་དང་གདེང་ཚོད། ཡིད་ཆེས་བཅས་ཇེ་བརྟན་དུ་བཏང་ནས། སྟོབས་ལྡན་རྒྱལ་ཁབ་འཛུགས་སྐྲུན་དང་མི་རིགས་བསྐྱར་དར་གྱི་ཆེད་དུ་བློ་གྲོས་དང་སྟོབས་ཤུགས་འབུལ་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བར་བཏོན་པའི་བླང་བྱ་གལ་ཆེན་སློབ་སྦྱོང་དང་ལག་བསྟར་ནན་མོ་བྱེད་པ་དང་། “ཆེས་ཆེ་བ་གསུམ”གྱི་ཞིང་ཆེན་གྱི་ངེས་གནས་དང“སྔར་ལས་གལ་ཆེ་བ་གསུམ”གྱི་འཐབ་ཇུས་གནས་བབ་ལ་གཞི་ཚུགས་པ། ཐབས་འདོན་ཇུས་འབུལ་གྱི་བློ་འདོན་ཚོགས་པའི་ནུས་པ་འདོན་སྤེལ་ཡག་པོ་བཅས་བྱས་ནས། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཚན་རིག་དང་མཐུན་པའི་ཇུས་ཆོད་འགོད་པར་ཐབས་འདོན་ཇུས་འབུལ་བྱེད་དགོས། ཀྲུང་གོ་དང་ཕྱི་རྒྱལ་གྱི་མཛའ་མཐུན་བརྗེ་རེས་ལ་སྐུལ་འདེད་གཏོང་བའི་སྦྲེལ་ཟམ་ཡག་པོ་ཞིག་བྱས་ནས། ནང་འགུག་ཕྱི་སྦྲེལ་གྱི་ཁྱད་སྟོབས་ལ་བརྟེན་ནས་ཕྱི་ཕྱོགས་བརྗེ་རེས་དང་འགྲོ་འོང་ལ་སྐུལ་འདེད་ཧུར་ཐག་གཏོང་བ་དང་། དཔལ་ཡོན་མི་འདྲ་བ་བསྟུན་མཁས་མཉམ་གནས་དང་། བརྗེ་རེས་དང་དཔྱད་གཞིར་འཛིན་པ། མཉམ་དུ་འཕེལ་རྒྱས་བཅས་ལ་སྐུལ་འདེད་གཏོང་དགོས། རང་ངོས་འཛུགས་སྐྲུན་ལ་ཤུགས་བསྣན་ནས་ཡོ་རོབ་དང་ཨ་མེ་རི་ཁའི་སློབ་གྲོགས་ཚོགས་པ་དེ་དུས་རབས་གསར་པའི་རྒྱ་ཆེའི་ཕྱི་འགྲིམ་སློབ་མ་ཚོའི་མཐུན་སྒྲིལ་གྱི་ཁྱིམ་གཞིས་དང་། འབད་འཐབ་ཀྱི་ཁྱིམ་གཞིས། དྲོད་སྐྱིད་ཀྱི་ཁྱིམ་གཞིས་བཅས་སུ་བསྐྲུན་དགོས་ཞེས་ནན་གྱིས་བསྟན།
ཤ་བོ་རིན་མཚོས་བསྒྱུར།
